[المهندس رجب غريب]

۩۞۩ أوعى ۩۞۩
▬▬●▬▬ஜ۩۞۩ஜ▬▬●▬▬


وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ۖ قَالُوا أَتَجْعَلُ فِيهَا مَن يُفْسِدُ

فِيهَا وَيَسْفِكُ الدِّمَاءَ وَنَحْنُ نُسَبِّحُ بِحَمْدِكَ وَنُقَدِّسُ لَكَ ۖ قَالَ إِنِّي أَعْلَمُ مَا لَا تَعْلَمُونَ


(۞ قال إِنِّي أَعْلَمُ مَا لَا تَعْلَمُونَ ۞)

▬▬●▬▬ஜ۩۞۩ஜ▬▬●▬▬

دايمًا أثبت إنك الأفضل بتوفيق ربنا لك بمشيئة ربنا، بإرادة ربنا، بمجهودك انت.. مش بمجهود حد..

و ' أوعى '
أوعى تطلب حاجة مرتين من حد
أوعى تركب علي كتاف حد
أوعى تنجح علي حساب حد
أوعى تنكر جميل حد
أوعى تكسر بخاطر حد
أوعى تكسر بقلب حد

أوعى ترفض تمد إيدك و أنت قادر عشان تساعد حد .

أوعى تكسف حد عايز يتعرف عليك و متعبروش،

أوعى تحس إنك عايز تقول بحبك لشخص مهما كان مين و متقلوش،

أوعى تظلم حد عشان هيجي اللي هيظلمك و يدوس عليك و هتقول ساعتها إنك ظلمت فلان و تقول ياريتني مظلمتوش

أوعى تطبل ولا تطاطي لحد عشان مصلحة و إنت من الأساس مبطيقوش .

أوعى تقول وعد و إنت مش قده،

أوعى تقول كلام مغلوط،

أوعى تتبلى علي حد قول الحق ولو علي رقبتك،

أوعى تيجي علي حد عشان ضعيف،

أوعى تظن السوء في حد الله عالم بالظروف،

أوعى تنافق..

أوعى تبطل تسأل علي ناسك مهما كانت إيه ظروفك؟!!،

أوعى متشاركش الناس فرحتهم ووجعهم

أوعى حد بيحبك تسيبه في نص الطريق هيجي اللي يسيبك هتكون إنت اللي بتحبه و عليه ملهوف،

أوعى تكون كاره حد و تقولة ' انت حبيبي و إنت عارف ' و هيرد ' بكرة تشوف '

أوعى تضحك في وش حد مش قادر تسامحة علي حاجة عملها فيك في يوم

ولو قالك مبتسألش ليه دا انت حبيبي و انت عارف رد عليه أصلك نسيت أنك قلتلي في يوم بكرة تشوف !

اثبت أنك الأفضل، لما اللي في قلبك يكون علي لسانك لما تركز في كل كلمة 'اوعي ' و تشوف فيها بتعمل ايه و مبتعملش ايه

اهم 'اوعي ' عايز اقولها اوعي تكون مزدوج الفكر اوعي تكون مزدوج الأخلاق و المبادئ .

اوعي تكون مزدوج المشاعر اوعي تكون مزدوج الشخصية افتكر دايما إن انت اللي تدفع تمن دا غالي..

كل كلمة 'اوعي '

كتبتها هي كل واحد و واحدة في حياة كل واحد وواحدة هي كل موقف حصل

و بيحصل مع كل شخص فينا ، فينا اللي فهم و فينا اللي كان محتاج لكل كلمة 'اوعي '

عشان يفهم و يشوف نفسه قدام نفسه


ஜ۩ ۖ قَالَ إِنِّي أَعْلَمُ مَا لَا تَعْلَمُونَஜ۩
▬▬●▬▬ஜ۩۞۩ஜ▬▬●▬▬



(۞ بقلم / رجب غريب ۞)
مدير جريدة العالم الحر

[إبراهيم داود]

بارك الله فيك

[احمد اسد]

بارك الله فيك

[اسامه حامد]

[المهندس رجب غريب]

المشاركة الأصلية كتبت بواسطة اسامه حامد

[شادى صلاح]

بارك الله فيك اخى الكريم

[المهندس رجب غريب]

المشاركة الأصلية كتبت بواسطة شادى صلاح

بارك الله فيك اخى الكريم

[المهندس رجب غريب]

المشاركة الأصلية كتبت بواسطة إبراهيم داود

بارك الله فيك

اللهم امين