[م/محمود العطفى]

تحت شعار لا للحتكار ونعم للافاده والاستفاده


اخوانى عطل رخم اوى فى بور استرا بشكل عام


مظهر العطل الجهاز جايب 8888 على الشاشه

ولا يعمل

وبأختبار البور تجد ارتفاع فى جميع الفولتيات معادا

3.3
مظبوطه على الشعره

اما باقى الفولتيات كلها بها زياده رهيبه

جانى العطل قبل كده وكان الجواب من كل الفنين


غير فوتوكلبر

غير ايسى بور

غير مكثف كبير

غير 431

غير غير للصبح

وانا النهرده بقول متغيرش حاجه من ده كله

الحل بسيط وتافه جدا وبالصور



تغير المكثف المشار اليه بالصور يحمل 1000/10

وهوه خاص فولت 3.3 رغم انه الفولت على الشعره والمكثف مظهره وقياسه سليم ولا يوجد بيه اى ترشيح ولا سخونه
لكنه تااااااااااااااااااااااالف


بعد تغيره يعود الجهاز للعمل ولكن الرموت لا يعمل !!!!!!!!!!!

طبعا علشان ال 5 فولت كانت 9 فولت وطيرت السنسور يا معلم

فك السى بانل (الوش ) وغير السنسور وده شكله




وبكده تكون قضيت على العطل بالكامل

والعطل ده جانى اكثر من 5 مرات بنفس الطريقه

اول مره ملكتش حل ومفيش فنى عرف المشكله فين وتم تقسيم دائرة بور

تانى مره قولت والله ما انا سايبه الا لما اعمله

والحمد لله تم التغلب على العطل بما كان لا يخطر على 5 فنين صيانه

ان كان يستحق نرجو التثبتيت لانه هيعدى عليكم كتير

[infanty]

بصراحه واجهتنى نفس المشكلة وغيرت الاول الفوتوكابلر
لكن ظل العيب موجود بعد القياس غيرت المكثفات الـ1000 .10
اشتغل الجهاز تمام التمام الكلام ده من فتره كبيره
عموما تسلم ياغالى على طرحك وتوضيحك للعطل بطريقه سلسله

[اسامه الحكيم]

شكر لك اخى الكريم

وشكرا على المعلومه القيمه

ولكن ما اعيب على بعض الفنيين كثرة الكسل ورغم رخص ثمن المكثف إلا انهم بيكسلوا

وبينظر الى منظر المكثف فقط

وبيستبعد تلفه رغم اننى دائما ما اقوم بزراعة المكثفات فى بوردة الباور

حتى ولو سليم وخاصة مكثفى خطى ال 5 وال 3.3 فولت

وذلك مما يجعل تردد الجهاز على الورشه قليل مش كل يوم رايح جاى

فأنصح كل الاخوه الفنيين بتغير ذلك المكثفين طالما دائرة الباور كان بها اى صيانه

تمنهم يعادل نصف جنيه مصرى واشترى دماغك

[م/محمود العطفى]

تمام اخى لكن العطل ده جانى من عن فنى ومعرفش يعمله

وهوه عطل خبيث شويه للى مش عارفه

وتحياتى

[ابوخالد المصري]

شكرا يا غالي ونتمني من الاداره الكريمه التثبيت لاهميه الموضوع

[م/محمود العطفى]

المشاركة الأصلية كتبت بواسطة اسامه الحكيم

شكر لك اخى الكريم

وشكرا على المعلومه القيمه

ولكن ما اعيب على بعض الفنيين كثرة الكسل ورغم رخص ثمن المكثف إلا انهم بيكسلوا

وبينظر الى منظر المكثف فقط

وبيستبعد تلفه رغم اننى دائما ما اقوم بزراعة المكثفات فى بوردة الباور

حتى ولو سليم وخاصة مكثفى خطى ال 5 وال 3.3 فولت

وذلك مما يجعل تردد الجهاز على الورشه قليل مش كل يوم رايح جاى

فأنصح كل الاخوه الفنيين بتغير ذلك المكثفين طالما دائرة الباور كان بها اى صيانه

تمنهم يعادل نصف جنيه مصرى واشترى دماغك

تمام استاذ اسامه لكن ثبات ال3.3 وبروده المكثف وعدم نزول اى ترشيحات منه

تهيئ للبعض ان المكثف سليم خاصة ان فولت ال3.3 على الشعره بمعنى الكلمه

ويقولك زياد الفولت كليا تكون ما ذكرته فى اول الموضوع

تحياتى يا بروف

[الحاج عبدالله الظريف]

الله ينور ياغالي تمام بارك الله فيك وهو من اشهر عيوب دائرة البور في الاسترا والاستار سات 120d 130d العادي والبلاص وهي نفس دائرة البور وفي بعض الاحيان بيكون الجهاز شغال لكنه لايكتب ارقام القنوات الابعد تغيير هذا المكثف
تسلم

[البرقطاوى]

كلامك تمام
بس انا بحب اطمن اكتر فبغيرالمكثف الكبير لاطمئنان بس
يسلم ايدك

[م/محمود العطفى]

المشاركة الأصلية كتبت بواسطة البرقطاوى

كلامك تمام
بس انا بحب اطمن اكتر فبغيرالمكثف الكبير لاطمئنان بس
يسلم ايدك

ليس المشكله بالمكثف الكبير والا كنت تلاقى الفولت عليه قليل

والفنى اللى كان عنده الجهاز مغير المكثف الكبير والفوتوكبلر وايسى البور
وال 431 دون فائده ولان العطل مر عليه قبل كده
عمتلوو فى دقائق
وعلشان كده حبيت الكل يستفيد

[م/محمود العطفى]

المشاركة الأصلية كتبت بواسطة مهندس الامل

الله ينور ياغالي تمام بارك الله فيك وهو من اشهر عيوب دائرة البور في الاسترا والاستار سات 120d 130d العادي والبلاص وهي نفس دائرة البور وفي بعض الاحيان بيكون الجهاز شغال لكنه لايكتب ارقام القنوات الابعد تغيير هذا المكثف
تسلم

تمام يا غالى وللاسف الكل بيفكر فى الحاجات المشهوره التى تؤدى الى

الارتفاع الكلى للوحه ومحدش فكر فى المكثف الخبيث ده

اللى مش باين عليه

لا سخونه
ولا

انتفاخ

ولا

انخفاض فى الفولت

علشان نعرف انه تالف

وعلى فكره بيسبب اعطال تانيه خبيثه وغريبه

فى دوائر اخره هوه والمكثف ال 2200/10

هنبقى نتكلم عندها فى موضوع خاص

[الحاج عبدالله الظريف]

تسلم اخ محمود ونتمني منك المزيد والله ينور عليك وعلي سعة صدرك
ياغالي

[غريب عثمان]

الله ينور عليك يا حوده

[م/محمود العطفى]

المشاركة الأصلية كتبت بواسطة مهندس الامل

تسلم اخ محمود ونتمني منك المزيد والله ينور عليك وعلي سعة صدرك
ياغالي

تحت امرك اخى الغالى وان شاء الله نتابع معنا كل جديد

المشاركة الأصلية كتبت بواسطة غريب عثمان

الله ينور عليك يا حوده

بنورك استاذ غريب


فين بقى ابو اسامه مقلش كلمه لحد دلوقتى

[م/محمود العطفى]

المشاركة الأصلية كتبت بواسطة محمود خلاف

شكرا يا غالي ونتمني من الاداره الكريمه التثبيت لاهميه الموضوع

شكرا اخى الكريم

لمرؤك

[محمدفرغلي]

تسلم اخي محمود بارك الله فيك