[mansy_ko]

ممكن لو سمحتم تساعدونى فى تشغيل جهاز ترومان tm 900 hd

انا لسه جايبه من 3 ايام ولغايه دلوقتى مش عارف فيه حاجه

ممكن الشرح لطريقه التعامل مع هذا الجهاز

ولو ينفع اشوف القنوات المشفره زى art والجزيرة الرياضيه مجانا

ولا لازم باشتراك شهرى

وشكرااااااااا

[zohny]

المفروض انك لما اشتريته كان مع سرفر وحضرتك جربته
ولا ايه اللى حصل بظبط

[mansy_ko]

لا ياستاذى

انا مجربتوش لانى اشتريته على مراحل لعدم توافر فلوسه كامله

وكمان انا جبته من التوكيل فى الاسكندرية والبائع قالى انه مش عليه سرفر

وانا اصلا ماكنتش فاهم يعنى ايه سرفر فى الاول

الا بصراحه لما اشترك فى هذا المنتدى جزاكم الله خيرااا

[zohny]

اذى عرف السبب بطل العجب
كدة انت لازم تشترك فى سرفر
والجهاز لما بيتباع بيبقى عليه سرفر 6 شهور
يوزر خاص بالمشترى بس باين ان البياع اكله عليك
كدة اشترك فى سرفر ياغالى

[mansy_ko]

طب انا اروح للبائع تانى ولا كده خلاص
وعلشان اشترك اعمل ايه

[mansy_ko]

استاذى بعد اذنك
هوه يعنى ايه ***** مجانى

[zohny]

سرفر مجانى
دى بتطلك على السرفر الجاى ورا الجهاز سوا سنه او 6 شهور
ودة بيبقى خاص بشركه عشان تقدر تحقق اكبر نسبه مبيعات
والنوع التانى انك كل يوم تفضى نفسك سعتين
وتدور تلف على النت وكل واحد وضع سرفر مجانى تجربه
وانت وحظك ممكن ميشتغلش وممكن من كثرة الضغط عليه متعرفش
تتفرج على حاجه من التقطيع
غير انه بيبقى اقصى فترة ليه 24 ساعه او اقل

[mansy_ko]

طب الجهاز بتاعى ده كويس ولا مقلب

وانا اسف لكثرة اسئلتى " فمعلش طول بالك معايا "

[zohny]

من افضل الاجهزة الموجودة فى السوق
وافضل اجهزة الترومان فى نظرى لقله مشاكله
تكاد تكون معدومه

[mansy_ko]

الف شكراااا يااستاذ
على اهتمامك بالرد دائما وبسرعه عاليه جداااا
انا فهمت حاجات كتيير قوى والبركه فيك