برجاء الحل لتوصيل شاشه كمبيوتر برسيفر صن بلص

هيثم سعيد عبد الفتاح · #1 2025/04/09, 04:21 AM

عند توصيل رسيفر صن بلص بمخرج اتش دى مع شاشه كمبيوترhp بمدخل دى في أي وضبط الرزليوشن الصوره تغير لون ويظهر لون بنفسجى على كامل الشاشة وكل حاجه لوحدها شغاله كويس وكنت وصلتها لحد قبل كده رسيفر صن بلص مع شاشه كمبيوتر بنفس التوصيلات والاعدادات واشتغلت تمام ليه ساعات بتشتغل كويس وفى حالات تانيه بتجيب لون بنفسجى على صوره الشاشه؟ ممكن الكابل ليه نوع تانى؟ ولا فين المشكله؟

م/ احمد شومان · #2 2025/04/09, 01:49 PM

عيب وصلة الكنفرت
جرب على وصلة dvi لو الشاشة فية

شعبان الصياد · #3 2025/04/10, 11:41 AM

بعد إذن كبيرنا ومُعَلِّمنا البشمهندس أحمد شومان . بص يا غالي حضرتك أنا عندي نفس النظام ده اللي هو يعني مشغل الرسيفر على شاشة الكمبيوتر ومشغل الكيسة بتاعة الكمبيوتر برضو عادي في نفس الوقت حضرتك هتدخل على إعدادات الرسيفر وأيَّاً ما كان نوع الرسيفر هتدخل على مُسَمَّى الضبط أو ضبط النظام وهتدخل على عرض الشاشة أو AV زي في أجهزة الصن بلص وهتغير البند HDMI Color هو أكيد عندك على نظام ال YUV444 وهتخليه على نظام ال RGB بس كده حضرتك وهتلاقي الشاشة البنفسجي إختفت وبقت شاشة طبيعية . وحضرتك أنا شارحلك بالصور على رسيفر كيوماكس H2mini4 على قناة شغالة وقناة تيست وهتشوف حضرتك إختفاء الشاشة البنفسجي وظهور الشاشة الطبيعية . بالبلدي كده الشاشة مالهاش دعوة خالص المشكلة بتكون في اعدادات الرسيفرات

هيثم سعيد عبد الفتاح · #4 2025/04/13, 12:53 PM

تمام انا موصل بوصله dvi to hdmi

هيثم سعيد عبد الفتاح · #5 2025/04/13, 01:02 PM

تمام كلام حضرتك مظبوط الله ينور عليك ويبارك لك بس للاسف لازم نوع رسيفر معين يكون فيه خاصيه hdmi color فى السوفتوير بس برده لسه موصلها امبارح لحد على رسيفر سكوب صن بلاص عادى مفيهوش خاصيه hdmi color واشتغل كويس وطبيعى جدا مفيش اى مشكله على شاشه lg 22 بوصه برده بوصله dvi

شعبان الصياد · #6 2025/04/14, 07:03 AM

اقتباس:

المشاركة الأصلية كتبت بواسطة هيثم سعيد عبد الفتاح

تمام كلام حضرتك مظبوط الله ينور عليك ويبارك لك بس للاسف لازم نوع رسيفر معين يكون فيه خاصيه hdmi color فى السوفتوير بس برده لسه موصلها امبارح لحد على رسيفر سكوب صن بلاص عادى مفيهوش خاصيه hdmi color واشتغل كويس وطبيعى جدا مفيش اى مشكله على شاشه lg 22 بوصه برده بوصله dvi

تمام حضرتك يا غالي الله ينور عليك فعلاً كلامك مظبوط فيه رسيفرات مش موجودة فيها الخاصية دي خد الرسيفر على جنب شوية وسيبك منه دلوقتي والخاصية دي هتلاقيها أكيد في جميع شاشات الكمبيوتر هتدخل على إعدادات الشاشة أنا شارحلك بالصور بالترتيب أول حاجة الصورة الأولى هتروح على بند Auto Adjust زي ما في الصورة كده وهتخليها أوتوماتيك تاني حاجة في الصورة رقم 2 هتنزل على بند Input Source دي بقى هتلاقيها أنا عاملها على Auto Select ليه علشان أنا بشغل على الشاشة كمبيوتر ورسيفر في نفس الوقت لكن حضرتك لو هتخلي الشاشة رسيفر فقط يبقى هتخليها على آخر بند اللي هو DVI-D نيجي بقى حضرتك لأهم حاجة اللي هيا الصورة رقم 3 هتنزل على بند Color Settings وهتروح على إختيار اللي هو بند Input Color Format وهتخليه على RGB زي ما في الرسيفر بس زي ما قولت حضرتك فعلاً فيه رسيفرات مش موجودة فيها النظام ده RGB لحد هنا حضرتك كده تمام أوي مش هتعمل حاجة تانية بس أنا هبعتلك كمان صورتين 4و5 توضيح إختلاف صورة ولون الشاشة من الشاشة الطبيعية للشاشة البنفسجي اللي حضرتك بتقول عليها بعد تغيير النظام من RGB إلى النظام YPbPr وأنا حضرتك حالياً بشرحلك بالصور وأنا مشغل الكمبيوتر وهتلاحظ إختلاف صورة ولون أيقونة ويندوز 7 من الصورة الطبيعية للبنفسجي . يعني الموضوع كله بكل بساطة مفيهوش لا مشكلة وصلات ولا كونفرتة ولا أي شيء هيا بس إعدادات في الرسيفر أو شاشة الكمبيوتر وأنا أسف جداً جداً على التطويل وشكراً

nor esam · #7 2025/04/14, 10:25 AM

أستاذ / شعبان الصياد
شكراا جزيلا

شعبان الصياد · #8 2025/04/14, 06:29 PM

اقتباس:

المشاركة الأصلية كتبت بواسطة nor esam

أستاذ / شعبان الصياد
شكراا جزيلا

كبيرنا ومُشرِفنا وأستاذنا شرفني مرورك والله كتير ربنا يبارك في حضرتك

المايسترو · #9 2025/04/15, 02:52 PM

اقتباس:

المشاركة الأصلية كتبت بواسطة شعبان الصياد

كبيرنا ومُشرِفنا وأستاذنا شرفني مرورك والله كتير ربنا يبارك في حضرتك

الله يفتح عليك استاذ شعبان

شعبان الصياد · #10 2025/04/16, 01:25 PM

اقتباس:

المشاركة الأصلية كتبت بواسطة المايسترو

الله يفتح عليك استاذ شعبان

أُستاذنا ومُعَلِّمنا إسم على مُسَمَّىَ المايسترو مرورك جعل ليِ شأن فوق شأن ربنا يبارك في حضرتك ويعزك يارب

هيثم سعيد عبد الفتاح · #11 2025/04/19, 07:30 AM

تمام الله ينور على حضرتك ربنا يباركلك ويجازيك كل خير

شعبان الصياد · #12 2025/04/19, 07:55 AM

اقتباس:

المشاركة الأصلية كتبت بواسطة هيثم سعيد عبد الفتاح

تمام الله ينور على حضرتك ربنا يباركلك ويجازيك كل خير

تسلم يا غالي ربنا يعزك يارب وأنا تحت أمرك واحنا هنا كُلِّنا بنكمل بعض في منتدانا العظيم مصراوي سات

هيثم سعيد عبد الفتاح · #13 2025/04/23, 12:40 AM

فعلا كلام حضرتك مظبوط ربنا يبارك لك ويجازيك كل خير

محمد ياسر ابوكارما · #14 2025/04/23, 04:16 AM

أستاذ / شعبان الصياد
شكراا جزيلا

شعبان الصياد · #15 2025/04/23, 05:05 AM

اقتباس:

المشاركة الأصلية كتبت بواسطة هيثم سعيد عبد الفتاح

فعلا كلام حضرتك مظبوط ربنا يبارك لك ويجازيك كل خير

ربنا يعزك يارب تسلم لذوق حضرتك