[ahmed_eyes]

السلام عليكم ورحمة الله وبركاتة
انا عندى طبق متحرك بموتور وهحول الرسيفر علية هل الجوكر فية خاصية انى لما احول على قمر تانى الطبق يلف اوتوماتيك بدل من انه لازم اغير اتجاة القمر بريموت الموتور

[احمد خميس شيحة]

لا يا اخى لازم تغير من الريموت بتاع البوزشنر لاى قمر انت عايزة

[ahmed_eyes]

اشكرك بس سمعت عن رسيفيرات فيها الخاصية دى

[Hamadamoh]

المشاركة الأصلية كتبت بواسطة ahmed_eyes

اشكرك بس سمعت عن رسيفيرات فيها الخاصية دى

كل الرسيفرات يا باشا فيها الخاصية دى أو تقريبا 99% منها
لازم تجيب positioner مكتوب عليه support لdiseqc 1.2

و هتوصل الLNB به و برده هتوصل الرسيفر به و ساعتها هتحرك الطبق من الرسيفر و ريموت البوزشنر فى نفس الوقت

كل اللى عليك بعد كده تخزن أماكن كل قمر من الرسيفر و لما تيجى تحول القنوات الرسيفر هيبعت أمر للبوزشنر بتحريك الموتور للقمر المراد

متستغربش من جهل كل الناس بالموضوع ده لإنه ملوش حل و كمان لا تعتمد على إنك لو رحت محل قولتله diseqc 1.2 هيفتكر قصدك اللى هو كذا LNB يتوصلوا مع بعض و لكن ده diseqc 1.0
مهما حاولت تفهمه مش هيقتنع و إسأل مجرب

أنا شخصيا لفيت باب اللوق على البوزشنر ده و لاقيته و كان ب80 جنيه تقريبا و كان إسمه truman vbox ii
كل اللى أنصحك به إنك تشوف العلبة و هتعرف إذا كان داعم ل1.2 ولا لأ علشان ممكن يكون فى أنواع تانية

شوف أنا عامل 1.2 و 1.0 واضحين إزاى و برده فى ناس هتعترض علشان زى ماقلت دى مشكلة ملهاش حل مع إن الكلام ده تم إختراعه حوالى سنة 1998

[hasan aladawy]

بصراحة مش فاهم حاجة يعنى اية الطبق يتحرك من غير الموتور

[Hamadamoh]

سقطة لسان فى الأول أو ممكن تعتبرها مجاز مرسل عن الموتور

صورة للإيضاح

[صلاح]

أنا بصراحه مش فاهم الحوار ده
أنا عندى طبق متحرك من زمان
وأول مره أسمع القصه دى بصراحه

[mcafee]

ياعم انت وهو دىموجوده عندى من سبع سنوات
وحده تحريك يدخل غيها سلك الاشاره وفيها اطراف الكهرباء الموتور زى البوزشنر العادى بس بتاخد الامر من الرسيفر فى خانه للضبط وانت لما تختار القناه فى الرسيفر (عنى لما تقلب على اى قناه تبع قمر )الموتور يروح عليها لوحده

[El BASHA]

http://www.masrawysat.com/vb/showthr...hlight=novasat

[sosototo_4]

الشرح واضح جدا وفيه ناس كتير متعرفش حاجه عن الموضوع ده ولك جزيل الشكر .