[mr_shaban1981]

اخواني انا متزوج من سنة وزوجتي كانت مريضه بمرض نفسي قبل الزواج بخمس سنوات ولكن لم يخبرني احد حتي بعد الزواج وبدء يظهر عليها المرض اوهام ووسواس قهري اكتئاب حاد المهم انا قولتلها انا هكمل معاكي وان شاء الله وربنا يشفيكي المهم كانت كل شوية تسيب البيت وتاخد العلاج بتاعها لدرجة ان حياتنا بقت مستحيله المهم سابت البيت ومش عايزة ترجع بقي لها اكتر من اربع شهور عملت انذار طاعه وفوجئت بانها رفعت قضية تبديد منقولات وخدت حكم 3 شهور وكفاله 200 جنيه ومحضر طرد وقضيه وطلاق ضرر بس ماكملتش الطلاق للضرر انا عملت معارضه علي الحكم واتحدد لي جلسه في شهر 5 الجاي المهم انا المحامي قال لي هنروح نعمل عرض منقولات ادام القسم بس انا قولت له ازاي نعمل كده ممكن هما مايجوش او يقولوا العفش دا مش هو علما بان القايمه ليس بها فلوس او ذهب وانا كده كده عاوز اديهم كل حاجه عشان اخلص ممكن اعمل اية انا قولت للمحامي يطلب منهم انهم هما اللي ييجوا يستلموا العفش ويدوني قائمة المنقولات بالله عليكم افيدوني

[احمد علي علي]

المشاركة الأصلية كتبت بواسطة mr_shaban1981

اخواني انا متزوج من سنة وزوجتي كانت مريضه بمرض نفسي قبل الزواج بخمس سنوات ولكن لم يخبرني احد حتي بعد الزواج وبدء يظهر عليها المرض اوهام ووسواس قهري اكتئاب حاد المهم انا قولتلها انا هكمل معاكي وان شاء الله وربنا يشفيكي المهم كانت كل شوية تسيب البيت وتاخد العلاج بتاعها لدرجة ان حياتنا بقت مستحيله المهم سابت البيت ومش عايزة ترجع بقي لها اكتر من اربع شهور عملت انذار طاعه وفوجئت بانها رفعت قضية تبديد منقولات وخدت حكم 3 شهور وكفاله 200 جنيه ومحضر طرد وقضيه وطلاق ضرر بس ماكملتش الطلاق للضرر انا عملت معارضه علي الحكم واتحدد لي جلسه في شهر 5 الجاي المهم انا المحامي قال لي هنروح نعمل عرض منقولات ادام القسم بس انا قولت له ازاي نعمل كده ممكن هما مايجوش او يقولوا العفش دا مش هو علما بان القايمه ليس بها فلوس او ذهب وانا كده كده عاوز اديهم كل حاجه عشان اخلص ممكن اعمل اية انا قولت للمحامي يطلب منهم انهم هما اللي ييجوا يستلموا العفش ويدوني قائمة المنقولات بالله عليكم افيدوني

اخي الفاضل ما قاله لك المحامي صحيح وعليك عرض المنقولات عرض قانوني وإذا رفضت الزوجة استلام منقولاتها بعد عرضها عليها عرضا قانونياً ، فإنها في هذه الحالة تكون متعسفة وتتحمل مسئولية ذلك .

[mr_shaban1981]

مشكور اخي
واية اللي ممكن يحصل بعد كده اخي اخد براءه
وفي حاله انها قالت انها العفش مش هو او ماجتش تاخد المنقولات

[احمد علي علي]

المشاركة الأصلية كتبت بواسطة mr_shaban1981

مشكور اخي
واية اللي ممكن يحصل بعد كده اخي اخد براءه
وفي حاله انها قالت انها العفش مش هو او ماجتش تاخد المنقولات

اخي الفاضل بعد عرضك للمنقولات عرضا قانونيا سوف تبرء ذمتك لان العرض القانوني يقوم مقام الوفاء وتبرء ذمتك من هذا الدين حتي لو لم تحضر الزوجه لاستلام منقولاتها او تعسفت في ذلك وكل ماعليك بعد ذلك ان تطلب من القاضي ايداع هذه منقولات اي مكان .... والمكان هنا يعينه القاضي وذلك في حاله رفضها الاستلام وسوف تبرء ذمتك كما قلت لك وسوف تنتهي القضيه ان شاء الله.

[mr_shaban1981]

مشكور جدا اخي بس انا خايف بس بعد ما انزل العفش ارجع ارجعه البيت تاني
ممكن اخي لو رقم تليفونك او ايميلك اوكون مشكور جدا
ممكن اخي خلال المده اللي جايه قبل الجلسه ممكن اعمل اية
محضر مثلا انذار باستلام منقولات ولا محضر اثبات حاله ولا ممكن اعمل ايه يثبت حسن نيتي في تسليم المنقولات وعدم التبديد

[mr_shaban1981]

مشكور اخي والظاهر كده مافيش غير العرض القانوني انا طلبت من المحامي يطلب من القاضي انهم ييجوا يستلموا العفش من الشقه ويجيبوا القايمه وينزلوا بمعرفتهم لانه في زجاج كتير وخايف حاجه تكسر او يحصل اي حاجه
مشكور اخي

[احمد علي علي]

المشاركة الأصلية كتبت بواسطة mr_shaban1981

مشكور اخي والظاهر كده مافيش غير العرض القانوني انا طلبت من المحامي يطلب من القاضي انهم ييجوا يستلموا العفش من الشقه ويجيبوا القايمه وينزلوا بمعرفتهم لانه في زجاج كتير وخايف حاجه تكسر او يحصل اي حاجه
مشكور اخي

اخي العرض عن طريق قسم الشرطه وبموجب محضر حتي لو تعسفت في استلام منقولاتها سيتم اثبات ذلك رسميا من قبل رجال الشرطه ويمكنهم الاستعانه ب نجار من ذوي الخبره لتقييم المنقولات الخشبيه ومدي مطابقتها وفي حاله رفضها بعد كل ذلك تكون متعسفه ويتم اثبات ذلك ويطلب المحامي الحاضر معك ايداع هذه المنقولات لحسابها في اي مكان يراه القاضي مناسبا ....... واعتذر لعدم ارسال الايميل لمخالفه ذلك لقوانين المنتدي وتقبل تحياتي واحترامي.

[mr_shaban1981]

مشكور اخي يعني ساعتها ارجع بالعفش تاني وخصوصا اني وصلني كلام انهم مش هيستملوا العفش وهيدوخوني لو ممكن التليفون ولا ذلك مخالف
وبجد انا مشكور جدا جدا علما اني مره اشارك في قسم الاستشارات القانونية لكن فعلا هو دا مصراوي سات وهما دول الناس اللي في مصراوي سات محترمين جدا ومبيتاخروش في اي طلب مشكور جدا جدا
وكمان اخي المنقولات مشتملة 3 مرابت واطقم كبايات وكاسات ومخدات وبطاطين وغساله مكتوب نوعها وسجاد وستاير لكن مش مكتوب فلوس ولا ذهب

[احمد علي علي]

المشاركة الأصلية كتبت بواسطة mr_shaban1981

مشكور اخي يعني ساعتها ارجع بالعفش تاني وخصوصا اني وصلني كلام انهم مش هيستملوا العفش وهيدوخوني لو ممكن التليفون ولا ذلك مخالف
وبجد انا مشكور جدا جدا علما اني مره اشارك في قسم الاستشارات القانونية لكن فعلا هو دا مصراوي سات وهما دول الناس اللي في مصراوي سات محترمين جدا ومبيتاخروش في اي طلب مشكور جدا جدا
وكمان اخي المنقولات مشتملة 3 مرابت واطقم كبايات وكاسات ومخدات وبطاطين وغساله مكتوب نوعها وسجاد وستاير لكن مش مكتوب فلوس ولا ذهب

هذا من فضل الله عليك ان القائمه خلت من المشغولات الذهبيه لان الباقي قابل للاستهلاك وان شاء الله بمجرد العرض ستكون ذمتك بريئه من هذا الدين وسوف يكون هناك انذار بالعرض بجميع المنقولات سوف يقوم بعمله السيد المحامي وبعد التصريح من المحكمه في جلسه المعارضه سيتم العرض بعد اخذ المحضر معك والتوجه الي مكان المدعيه بالحق المدني واذا رفضت سيكون التسليم عن طريق قسم الشرطه كما قلت لك واحمد الله ان المنقولات كامله لديك وخلت من المشغولات الذهبيه ......... اعلم تماما ان هناك مشقه وتعب في نقل العفش لكن ان شاء الله سيمر هذا اليوم واكيد المحامي الزميل الذي وكلته في متابعه هذه الدعوي سيقف بجوارك ويرشدك الي الصواب وستنتهي الدعوي حتما كما قلت لك بالعرض ...... وتقبل اعتذاري لان ارقارم التليفونات والعناوين والايميلات ممنوعه لمخالفه قوانين المنتدي ....... لكن ثق تماما انا متابع معك هنا حتي تنتهي الدعوي علي خير ان شاء الله.

[يوسف البحيرى]

بارك الله فيك أخى الفاضل

[mr_shaban1981]

ربنا يكرمك اخي
انا الجلسه اتحددت يوم 31/5/2012
ممكن اخي تقولي لي المحامي بتاعي المفروض يعمل اية بالظبط و ممكن يعمل اي حاجه قبل يوم الجلسه انصحني اخي بالله
وكمان ان شاء الله بكره او بعده هعمل لها هي واهلها محرض عدم تعرض لان الناس دي مش ناويه معايا علي خير
بس المحامي
بتاعي بيقول هيطلب عمل عرض قانوني ودا يطلبه في الجلسه

[احمد علي علي]

المشاركة الأصلية كتبت بواسطة mr_shaban1981

ربنا يكرمك اخي
انا الجلسه اتحددت يوم 31/5/2012
ممكن اخي تقولي لي المحامي بتاعي المفروض يعمل اية بالظبط و ممكن يعمل اي حاجه قبل يوم الجلسه انصحني اخي بالله
وكمان ان شاء الله بكره او بعده هعمل لها هي واهلها محرض عدم تعرض لان الناس دي مش ناويه معايا علي خير
بس المحامي
بتاعي بيقول هيطلب عمل عرض قانوني ودا يطلبه في الجلسه

نعم اخي الفاضل العرض القانوني طلب جوهري يطلبه الدفاع الحاضر عنك ان شاء الله يوم الجلسه هذا كلام سليم وسوف تؤجل الدعوي بعد ذلك للعرض القانوني وبعدها سوف يستكمل السيد المحامي الاجراءات بانذار العرض والموضوع ابسط مما تتخيل طالما ان المنقولات معك فلاداعي للقلق
يوم العرض سيكون يوم شاق بالنسبه لك لكن ان شاء الله سوف يمر وتبرء ذمتك .......... وربنا يوفقك ان شاء الله وانا متابع معك حتي يوم الجلسه وحتي ينتهي الموضوع علي خير ان شاء الله واي استفسار اخر تفضل .

[mr_shaban1981]

ربنا يكرمك اخي بس هما اقصي حاجه هيعملوها انهم يقولوا ان الحاجه مش هي
ممكن اخي لو تقدر تبعت رقم تليفونك علي الخاص انا عارف ان دا طلب صعب بس انا محتاج اتكلم مع حضرتك لو ممكن

[mr_shaban1981]

أخي انا النهارده قريت المحضر بتاع قضية التبديد
بيقولوا فيه اني رفضت تسليمها المصوغات الذهبية وكمان رفضت اديها النفقة والقائمة وكمان كنت بطردها كتير وطردتها بهدومها بس دا ماحصلش وكمان الذهب اية دي اخدت الذهب ومشت كده ممكن يطلبوا الذهب ويرفضوا يستلموا القائمه علما ان القائمه ليس بيها ذهب لما اعمل عرض قانوني لقائمة المنقولات

[احمد علي علي]

المشاركة الأصلية كتبت بواسطة mr_shaban1981

أخي انا النهارده قريت المحضر بتاع قضية التبديد
بيقولوا فيه اني رفضت تسليمها المصوغات الذهبية وكمان رفضت اديها النفقة والقائمة وكمان كنت بطردها كتير وطردتها بهدومها بس دا ماحصلش وكمان الذهب اية دي اخدت الذهب ومشت كده ممكن يطلبوا الذهب ويرفضوا يستلموا القائمه علما ان القائمه ليس بيها ذهب لما اعمل عرض قانوني لقائمة المنقولات

اخي الفاضل كل ماهو مدون فقط بقائمه اعيان الجهاز هو الذي ستقوم بعرضه
وتبرء ذمتك ولاتقلق من الكلام الذي جاء علي لسانها هذا كلام عادي جدا ...المحكمه لا شأن لها الا بالمستندات التي امامها ولا شأن لها الا بالدعوي التي امامها فلا يعقل ان تنظر دعوي تبديد اعيان جهاز وتتدخل في دعوي نفقه ......... عليك التركيز فقط في دعوي التبديد وانت ملزم فقط بماجاء بقائمه اعيان الجهاز.