[khald99]

ماذا عن الاقمار السابقه كالنايل سات 101 102 وغيرها عندما يطلق قمر جديد ك 104 هل تبقى الاقمار السابقه فى نفس الموقع المدارى ام ماذا عنها وكيف تبقى الاقمار فى موقعها المدارى مادامت الاتجاهات على الارض ثابته ك 7 درجه غرب ارجوا الشرح والتوضيح من أهل الخبرة

[mcafee]

يا عم لاتحتار ولاحاجه
القمرين لسه شغالين ولما ينتهى عمرهم الافتراضى يبطلوا ارسال ويصبحوا خرده مرمين فى الفضاء الواسع لغاية ما ممكن يقعوا زى الاخبار اللى كانت من كام يوم عن سقوط قمراما بالنسبة لثباتهم فى الفضاء فهما بيدوروا حول الارض بنفس سرعة دورانها فنراهم ثابتين يعنى ببساطه بالبلدى كده لما تروح الشغل وتلاقى اثنين راكبين عجل او موتسكلات وماشيين جنب بعض بنفس السرعه وماشيين يحكوا مع بعض بالنسبه لبعضهم كانهم واقفين ولو سيارتين مشو جنب بعض بسرعه متساويه ممكن يناولوا بعض شويه لب ويتحكوا من شباك العربيه

[rawad3]

نعم تبقى الى ان ينتهي عمرها الافتراضي المقدر ب 15 سنة .. عندها ممكن ان يحل محلها قمر جديد .. ان ان يتم تفعيل الترددات على قمر اتلانتك بيرد 7 الجديد مثلا ... ونايل سات 101 قريبا ينتهي عمره الافتراضي ربم هذه العام كما سمعت او العام القادم . وبالتالي يتم تفعيل ترددات قريبة منها على اتلانتك بيرد 7 او تطلق النايل سات قمرا جديدا الى المدار ... اما مسالة كيف تبقى ثابتة والارض متحركة .. في الحقيقة ان القمر ليس ثابتا وانما متحرك بنفس سرعة الارض وبالتالي هنا تحصل عملية الاستقرار ويكون ثابتا لنا كسكان على سطح الارض ...

[tito2018]

بص يا غالى
انا هقولك على اللى انا فاكره من الدراسه
الاقمار الصناعيه دى يا سيدى زى ما الاخوه ما قالولك بتلف حول الارض
الاقمار الخاصه بالقنوات بتلف بنفس سرعه دوران الارض علشان تاثيرها يبقا ثابت
اما الاقمار الاخرى مثلا زى الاقمار اللى بتستخدم فى نظام gps فدى بتلف بسرعات اكبر بحيث تقدر ترصد 4 اقمار من 24 قمر فى لحظه واحده من على اى نقطه من الارض المهم و فى مدارات اخرى ما علينا علشان موجعشى دماغك
المهم الاقمار الصناعيه بتاعت القنوات دى يا سيدى بتبقا فى مدارات مختلفه
و المهم انهم كلهم بيبقوا على نفس المدار اللى هو خط الاستواء حولين الارض
و على ارتفاعات عاليه جدا و المدار مثلا بتاع النايل سات فيه دلوقتى 4 اقمار
و طبعا الاقمار دى مش جار بعض زى ما انتوا فاكرين لا دول فوق بعض
و بيتم توجيه القمر اللى المنطقه اللى هيغطيها
و علشان كدا ظهرت حاجه اسمها اقمار الفيد
ليه
علشان زى ما قلتلك الاقمار جميعها فى مدار واحد حول الارض اللى هو خط الاستواء
و فى شكل دائرى يعنى زى الحزام بالظبط حول الارض
و بالتالى القمر الصناعى اللى النص الجانوبى مهما تعمل فمتقدرشى تستقبله لو انت فى النص الشمالى و كذلك فى الشرقى و الغربى لان الارض كراويه علشان كدا بيلجئوا لقمر فى النص بين القمرين بيقدر يتصل بالقمرين اللى مش واصلين لبعض و ينقل البيانات بينهم زى مثلا الماتشات
و علشان كدا احنا عندنا فى المدارت بتبداء من خط جرنتيش الى 180 شرق و 180 غرب خط جرينتش اللى هى بتبقا خطوط الطول
يارب اكون وصلت لحضرتك معلومه
مع انى عارف ان الموضوع صعب شويه طالما انك مش دارسه
و اى استفسار انا موجود
سواء

[khald99]

الف شكر على المعلومات القيمه والتى أفادتنى جيدا والأن تمت الإجابه على السؤال المحيرنى منذ زمن بارك الله فيكم جميعاً