[خلف الفنان]

مليش حظ فيكي وطول عمري بتألم
************************
مليش يا بلدي حظ فيكي وطول عمري بتالم
وانا اخر واحد يتسمع له صوت مع اني متعلم
ويدوبولي المر فـ كاسات اشرب واقول ماشي
واللي زيي في عزبتهم منسي وفيها ميعلاشي
ويزودو فـ مري وعذابي ويعملوا مني ارهابي
زعيم عصابه مره ومره حقير ميسواشي
ومره خطير ومره عميل وادور على نفسي ملقاشي
تايه فيكي وغريب وانتي الحبيب والقريب
ومهما يعذبوني ولا يشردوني اوحتى يبهدلوني
علشانك صابر ومري فيكي ميغلاشي
عايزين يفهمونا الوطنية ايه معناها وايه تكون
والوطني عندهم لازم يبقى ليهم صيده وزبون
عايزين يفهمونا الاصاله وهما اكبر لائام
اديهم بالدم غرقانه ويقولوا دعاة سلام
وكروشهم كتيرمن النهب مليانة
وبكلامهم يسحروناويقولوا النهب حرام
ومين يقف قدام الطوفان
ومين يقدر يقول غير كلامهم كلام
ليهم لوحدهم الشهره وفي اديهم الاعلام
والكل عبد ليهم طالب العفو والانعام
والكل بقى كارت ليهم واللعب شغال
رابح اللي يقش وبتاعهم ويتعدله الحال
وياويله اللي ميعرفش من العذاب والاهوال
ولحد امتى يا بلدي مانتيش بلدي ومش قادر اتكلم
ولامتى مليش حظ فيكي وطول عمري بتالم
ولامتي اخرواحد يتسمع صوته مع اني متعلم
طول عمري شايل جمايلك فوق راسي
واللي ينكر الجميل ميبقاش اصيل
يبقىقليل بصيرة قليل تفكير ومش راسي
لما قالوا دي بلد شهدات قلت وماله نتعلم
ولما قالوا الحريات قلت من حق الكل يتكلم
لكن لقيتني بعد سنين العلام
وبعد صوتي ماتنبح من كتر الكلام
مليش حظ فيكي وطول عمري بتالم
واخر واحد يتسمع صوته مع اني متعلم
في نفسي كلمة حبيت اقلها قلت كفايه
كفايه سرقة ونهب حرام كفايه
كفايه راشاوي وتزوير واعتقالات كفايه
كفايه تخالف افعالنا كلامنا كفايه
كفايه كفايه كفايه الف الف كفايه
بكفايه شويه ياريت نغير
وبيها لو بنحب بلدنا هنعمر
بيها هنحليها نبني فيها ونعليها
كفايه كسلان طول السنه وعايز اجيب تقدير
كفايه من غير وظيفه وعايز ابقى وزير
كفايه عاطل ونفسي في ربح كبير
صايع في الشوارع ومش فاضي ابقى مدير
من النهارده لازم يكون فيه تغيير
وهعمل يا بلادي فيكي كل اللي يرضيكي
ولو بري ليكي حمول ولو يخالف رضايا
الحب مش هيزول ومهوش عايز وصايا
هزرع الخير فيكي فدادين كتير يا امي
ولو نيلك مكفاش هعمل لريه سيول بدمي
واشيل همك شويه زي ما كتير شلتي همي
ولو قالوا ملكش حظ فيها وهتفضل تتالم
ولو قالوا ملكش صوت مهما تتكلم
خلف محمد

[بدركمال]

[خلف الفنان]

شكراً لمروركم الكريم استاذ بدر كمال
تحياتي لك وبارك الله فيك

[ابو السماح]

تسلم ايديك كلمات ممتازه
من انسان فوق الممتاز

[خلف الفنان]

المشاركة الأصلية كتبت بواسطة ابو السماح

تسلم ايديك كلمات ممتازه
من انسان فوق الممتاز

اخي الحبيب ابو السماح
اشكرك يا غالي على المرور وعلى ردك الطيب ، وكلماتك الرقيقة
تسلم وبارك الله فيك