[الشيخ محمد رشاد]

ازاى تعرف المصرى من بين 1000 واحد

- لو سألت سواق تاكس على عنوان وبدل ما يدلك قا...لك امشي ورايا.. يبقى مصري.
وعلى فكرة ساعات بيغير اتجاهه عشان عنده رغبة صادقة يوصلك وخايف تتوه
- لو صليت في مكان وبعد الصلاة اللي جنبك مد ايده وقالك تقبل الله.. يبقى مصري
...
- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصري ...

- لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري

- لما تقابل واحد وتسأله وعمره مايقول "ما أعرفش!" جينيوس مصري

- لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا
- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات

-. و لما ركبه تخبط فى بعضها من الرعب و هو داخل القسم يعمل بطاقة الرقم القومى ........................ هو ده المصرى

-و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين

- لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

- لما تلاقي سيدة في الرايحة والجاية عمالة تدعي لأولادها وتخلى الدنيا
تدعيلهم... تبقى دي أم مصرية وطموحاتها وأحلامها الشخصية فى الحياة إن
ولادها يبقوا مبسوطين

- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى الواحد (او الواحدة) ده مصرى.

- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

-لو اديت لواحد فلوس وبدأ يعدها بصوت عالي وبدأ بقوله الله واحد .. ومع
الورقة الثانية : مالوش تاني، ومع الورقة الثالثة: العدد ثلاثة .. يبقي
أكيد مصري ابن مصري

- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

- لما تيجي تدفع الأجرة لواحد أول مرة تعرفه، يحلف عليك تخلي بأه

- لما تلاقي خناقة فى الميكروباس والأصوات عليت كل واحد فيهم بيحلف إنه يدفع للتاني ثمن التذكرة

-. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية

- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصرين صميمين

- لما تلاقى اننا شايلين اكياس من جميع الاشكال والالوان تحت المرتبه نبقى مصريين

- ولما تلاقى شعب فى اكبر ازمه بيمر بيها ... مابينساش يضحك ويطلع افيهات
ويضحك اللى حواليه
وكل العالم يتكلم عليه وعلى خفته

يبقى انت اكيد تقصد اعظم شعب موجود على الكرة الارضيه... شعب مصر

[م / السيد رزق]

هو ده الشعب المصري العظيم
تسلم الايادي
ابو محمود

[الشيخ محمد رشاد]

جزاكم الله خيرا وشكرا علي مروركم الكريم

[waheed]

عفوا يا ابو محمود هذا الكلام غير صحيح لانى بحثت عن اسم --وحيد الجمال فى كل السطور ---ولم اجدة

[25يناير2011]

تسلم ايديك يا غالى

[الزنكلوني]

http://www.masrawysat.com/vb/showthread.php?t=341800

[Cairo Sat]

اعظم شعب موجود على الكرة الارضيه... شعب مصر

فعلا أعظم شعوب الارضى
بارك الرحمن فيك أخى الحبيب

[يارب اهدينى]

فعلا كلامك صحيح .. هما دول المصريين

[حسين31]

وللفائدة إليك هذه الفتوى
فتاوى الشبكة الإسلامية - (2 / 4229)
رقم الفتوى 8717 أحاديث تتعلق بفضل (مصر)
تاريخ الفتوى : 28 ربيع الأول 1422
السؤال
ما صحة حديث: " إن جند مصر من خير أجناد الأرض لأنهم وأهلهم في رباط إلى يوم القيامة"؟
الفتوى
الحمد لله والصلاة والسلام على رسول الله وعلى آله وصحبه أما بعد:
فالحديث المسئول عنه ذكره العجلوني في كشف الخفاء غير معزوٍ ولا محكوم عليه، ولم نره في غيره من المراجع التي بين أيدينا، ونصه: عن عمرو بن العاص قال: حدثني عمر أنه سمع رسول الله صلى الله عليه وسلم يقول: "إذا فتح الله عليكم مصر بعدي، فاتخذوا فيها جنداً كثيفاً، فذلك الجند خير أجناد الأرض" قال أبو بكر: ولم ذاك يا رسول الله؟ قال: " إنهم في رباط إلى يوم القيامة" .
ومما ورد في فضل مصر ما أخرجه مسلم في صحيحه عن أبي ذر مرفوعاً: "إنكم ستفتحون أرضاً يذكر فيها القيراط، فاستوصوا بأهلها خيراً، فإن لهم ذمة ورحماً" قال الزهري: الرحم باعتبار هاجر، والذمة باعتبار إبراهيم عليه الصلاة والسلام، والذمة هنا بمعنى: الحرمة والحق.
والله أعلم.
المفتي: مركز الفتوى بإشراف د.عبدالله الفقيه

[waheed]

الله يفتح عليك يا اخ حسين ---فشرحك ممتاز

[Cairo Sat]

حسين31

سـلـمت يداك

[الشيخ محمد رشاد]

جزاكم الله خيرا وشكرا علي مروركم الكريم

----------------------------

[خوليو_سات]

انا مصرى وافتخر

[mr.h]

الشعب المصرى شعب طيب وعفوى جدا
شعب عظيم جدا
وأنصح الجميع بقراءة كتاب

فضائلُ مصْْرَ المَحْروسَة
لأبو عمر محمد بن يوسف بن يعقوب الكندي المصري (المتوفى: بعد 355هـ)

[الشيخ محمد رشاد]

جزاكم الله خيرا وشكرا علي مروركم الكريم