[migomsh]

انا عندي جهاز استر القديم ٩٥٠٠ هارد ٢٠٠ وكنت اخدته اسكندرية علي التليفزيون توشيبا هناك وكان شغال كويس وبعد فترة بدآت مجموعة قنوات روتانا تبقي مهزوزة لكن مجموعة ام بي سي زي الفل المهم ومعرفتش خالص انزل قناة ناشيونال جيوغرافيك في اسكندرية علي العرب سات كلمت فني وطلع يشوف الطبق والقطعة وقالي ان الطبق كان بعيد عن مدار العرب سات وانه ظبط كل حاجة وقالي ان الريسيفر عندي تعبان عشان الرطوبة في اسكندرية وقالي ان سبب اهتزاز القنوات حاجة من اتنين الريسيفر تعبان والفلاشة بتاعته تعبانة او سلك الدش وحش . المهم اخدت الريسيفر وانا جاي القاهرة وركبته علي الطبق عندي في مصر وكانت كل القنوات عندي زي الفل والمهزوزة بقت جميلة وقدرت انزل القناة اللي ماكنتش عايزة تنزل في اسكندرية . وانا كده محتار هل الريسيفر دا بايظ فعلا ولا الفني اونطجي وماعرفش يظبط الطبق او القطعة في اسكندرية . اسف للاطالة لكن عايز اعرف واعمل الصح وبيني وبينكم الريسيفر دا عندي غالي اوي وعندي بقاله اكتر من ١٢ سنة وشغال زي الفل ومش عايز ارميه .

[حسن محمدين]

الرسيفر لو اشتغل على طبق تانى كويس يبقا الرسيفر 100/100 يبقا العيب فين اكيد فى الفنى

[migomsh]

اتمني ذلك ياحسن باشا واشكرك علي الاهتمام والرد ياريس

[فنى سابق]

مبدائياً وارد جدا بسبب خلل ضعيف فى فولتيات دائرة باور الرسيفر تنتج هذه المشكلة
و المشكلة هيا ان الجهاز يعمل فى مكان والاخر لاء وده راجع لاختلاف نوع السلك و القطعه المستخدمه lnb
لكن لفت انتباهى ان حضرتك تستخدم القمر عرب سات وليس القمر نايل سات ياريت توضح الغرض من ده
ولكن عموما هناك اكثر من احتمال اولا الطبق يحتاج للظبط والتوجيه بشكل جيدا ويفضل ان يكون للنايل سات
احتمال اخر هو ان السلك المستخدم كاد يكون معطوب بالفعل بسبب الرطوبه الزائده بالمكان ويحتاج للتغيير
فى الاخير يفضل ان تحضر فنى أخر متمكن لتحديد وحصر المشكلة لديك على ارض الواقع

[ميدو معبد1]

العيب في عدسه الطبق اكيد

[المايسترو]

المشاركة الأصلية كتبت بواسطة م/رمضان حجاج

مبدائياً وارد جدا بسبب خلل ضعيف فى فولتيات دائرة باور الرسيفر تنتج هذه المشكلة
و المشكلة هيا ان الجهاز يعمل فى مكان والاخر لاء وده راجع لاختلاف نوع السلك و القطعه المستخدمه lnb
لكن لفت انتباهى ان حضرتك تستخدم القمر عرب سات وليس القمر نايل سات ياريت توضح الغرض من ده
ولكن عموما هناك اكثر من احتمال اولا الطبق يحتاج للظبط والتوجيه بشكل جيدا ويفضل ان يكون للنايل سات
احتمال اخر هو ان السلك المستخدم كاد يكون معطوب بالفعل بسبب الرطوبه الزائده بالمكان ويحتاج للتغيير
فى الاخير يفضل ان تحضر فنى أخر متمكن لتحديد وحصر المشكلة لديك على ارض الواقع

تسلم استاذ رمضان كلام من الاخر
ظبط الطبق+السلك+العدسة

[migomsh]

اشكركم اخواني الاعزاء علي الردود وبالنسبة لسؤال الاستاذ رمضان الخاص باستعمال العرب سات لان كل العمارة عندنا مجبرة تستعمل العرب سات لان عمارتنا ست ادوار وكل العمارات حوالينا في ميامي 20 دور و اكتر ودا اللي كان كل فني يقوله ان العمارة عمرها ماهتجيب النايل سات لان كل الاتجاهات مسدودة بالنسبة للنايل بالرغم اني جبت بجانب العرب سات الهوت بيرد