[memo zayd]

تلفزيون صيني مدمج به رسيفر صيني والمشكله تكمن في ان الرسيفر بيكرر القنوات ولايعمل عليه بعض الترددات مع العلم ان فيه ترددات افقي ورأسي شغاله

[محمدفرغلي]

يجب كتابة رقم اي سي البور ورقم فلاشة الرسيفر لكي يتم الرد عليك اخي الفاضل وان شاء الله مشكلتك سهله ومحلوله

[memo zayd]

اولا ابدأ باعتذاري قبل كتابه هذا الكلام تعودنا من مصراوي سات علي الوصول الي العيب وتحديده في حاجه اواتنين او المتابعه لكني اجد منك ومع المتابعه في ردود لحضرتك سابقه رد رقم اي سي البور والفلاشه وكأنه حائط صد امام الاجابه اكثرنا نعمل بالصيانه والفضل لله ثم مصراوي بالعاميه يعني من غير كلكعه وده لان فيه هنا عباقره ففكها متكلكعهاش بالله عليك خليك كول وقول العيب اهوه واسف علي اطاله ولكنه عتاب واسف مره اخري

[محمدفرغلي]

اخي الفاضل
هذه تعليمات قسم الصيانه لكي يتم الرد علي علم واجابه واضحه لحضرتك
وكمان اخي الكريم لو صادف حضرتك نفس الجهاز واي سي البور ضاعت معالمه او رقم الفلاشه غير واضح هتبحث هنا وسوف تجده بامر الله مش كدا برده احسن ولا ايه
تحياتي يا غالي
ونرجو كتابة ما زكر اعلاه

[م. ايمن شلبى]

متابعه رائعه ومجهود مميز

[memo zayd]

اولا شكرا ليكم ولكن العيب في الأشاره وتم الحل والحمد لله بتغيير الترانزستور 8550 من غير اي كلكعه وشكرا لسعه صدركم

[محمدفرغلي]

مبروك يا غالي عودة الجهاز للعمل وعلي تبليغك بازالة العطل
وارجوا ان تسامحني ولا تغضب مني لان ده تعليمات قسم الصيانه
تحياتي يا غالي وبلاش كلمة كلكعه لانهالاتتناسب مع حضرتك ومع المنتدي العظيم