[محمد احمد فؤاد]

اولا صلى على حبيبى وحبيبك رسول الله(ص)
انا هفتح محل وكنت عايز اعرف افضل طريقة لادارة المكان المكان فى مكان الى حد ما كويس فهل ابيع كسعر جملة او اسعار مقاربة ولا ابيع بسعر عادى كمحل وكنت عايز اعرف المكسب اعمل بية اية معلومة انا من النوع اذا كان فى فلوس فى جيبى بطير على طول والمصريف بتعتى تبقى من بند اية وعلى فكرة انا انشاء الله معروف فى المكان دة كا فنى ياريت حد ينصحنى والى وقع فى مشكلة يقلى عليها علشان ابعدعنها وجزاكم الله خير

[tito2018]

عليه الصلاه و السلام
ربنا يوفقك يارب
انا مهندس مدنى يعنى مينفعشى انصحك تعمل ايه
بس اكيد باقى الاساتذه بتوع المنتدى هيقلولك تعمل ايه
و اهم نصيحه عايز اقولهالك
اعلم ان الرزق ده حاجه بتاع ربنا يعنى اكيد هتقابلك مشاكل
و الثقه فى ان رزقك عند ربنا مهما حد حاول يحاربك فيه هى اللى هتساعدك
تانى حاجه
احنا العملاء
اكتر حاجه تغيط الواحد مننا ان حد يضحك عليه حتى لو كان مليونير
و اهم حاجه تمتلكها هى ثقه الناس فيك و حسن معاملتهم ( سمعتك )
يعنى طول ما الزبون طالع من محلك مبسوط اعرف انه هيجيلك تانى
او اى حد سئله عن حاجه هيبعته عليك
لان فيه بعض الفنيين اصحاب المحلات ما بيرعوش ربنا فى شغلهم
يعنى جهاز تعبان يلزقهولك او ينفضك فى حكايه تنزيل السوفت و ملفات القنوات
و اللى يغيظ اكتر انهم بيعملوا نفسهم فاهمين فى كل حاجه
و لو حد عنده خبره شويه هيعرف انهم بيهجصوا عليه
مع احترامى للفنيين الشرفاء
الحاجه الاخيره
انا فيه واحد قريبى اول مافتح محل كل اصحاب المحلات اللى فى نفس القريه
قالوله يا تبيع بنفس اسعارنا ياما هنخليك تخسر كله و تقفله
و فى الاخر سمع كلامهم و بعد كدا ضحكوا عليه و كانوا بيبعوا باسعار اقل منه
لحد ما خسروه فاحذر هولاء علشان هتقابلهم كتير
و ما عدوك اللى ابن كارك

[alaa shaaban]

أذا توكلت توكل على الله .....................وأذا استعنت فأستعن بالله

[محمد احمد فؤاد]

انا متشكر جدا على النصائح واتمنى نصائح اكتر

[astra99]

خليك مع الله واعمل الطيب

[السودانى]

اخى اسال الله ان يوفقك اولا انت فنى يعنى بالك طويل وعارف انو الشغلانه دى عايزه بال طويل المهم ان تكون صادق مع الزبون وبعدين خلى البدايه مثلا باجهزه فى متناول الجميع يعنى اللى اسعارها حنينه .وربنا معاك ودعواتى لك بالنجاح وربنا يكفيك شر حاسد اذا حسد

[كريم2000]

هقولك نصيحه مجرب ربنا يكرمك ان فعلتها حقا ؟؟؟ بيع كتير واكسب قليل تكسب اكتر؟؟؟ احترم عملك وقولوك يكون قول الحق فلا تخدع من لا يعرف وابعد مكسبك عن الحرام تكون غانم ؟؟؟ ولا تعطى من لا يستحق؟؟؟ فهو يفكر انه ضحك عليك وربنا يوفقك؟؟؟ اياك والشكك لمن لا تعرفه فاهم ترشد

[محمد احمد فؤاد]

ربنا يكرمكم جميعا وانشاء الله هعمل بنصحتكم ويريت كل من قابل حاجة حاسس انها دفعتة خطوة للامام او للوراء يريت يقلى علية وجزاكم الله خير