[السيدعبدالعزيز]

تفاصيل جديدة من واقع تحقيقات نيابة شمال الجيزة الكلية مع حازم إمام، عضو مجلس إدارة نادى الزمالك، واللواء علاء مقلد، المدير التنفيذى للنادى، والتى استمرت ٦ ساعات كاملة منذ الحادية عشرة صباحاً حتى الخامسة من مساء أمس، بإشراف المستشار هشام الدرندلى، المحامى العام الأول لنيابات شمال الجيزة.

وأصر «مقلد» على أن يثبت محقق النيابة فى أوراق التحقيق أنه «محولجى» ويراجعه محمود الحفناوى. رئيس النيابة: «بس حضرتك مدير تنفيذى ولواء سابق» ويرد مقلد: «لا يا بيه.. سعادتك لازم تثبت إنى محولجى أنا بامضى على ١٠٠ ورقة كل يوم ومعرفش إيه محتوى هذه الأوراق ولا من وقع عليها وليست عندى معلومة واحدة عن قضية جدو، وفى النادى قالوا لى قدم شكوى فقدمت شكوى وأعطونى ورق وعقود وإيصالات على بياض وقالوا لى إن جدو وقع وهيتوقف بموجب الأوراق دى وأنا على طول قدمت الشكوى، والورق ده اللى استعنت بيه مصدره وليد بدر، إدارى الفريق أو أحد من مكتبه».

وسأل المحقق «مقلد»: ما طبيعة عملك؟، فرد: يا باشا بعد إذنك اثبت فى التحقيق إنى «.............» وقال تعبيراً يهمش من طبيعة عمله ورفض المحقق الاستجابة لطلبه لأنها كلمة مهينة، وسرد «مقلد» باقى أقواله: «أنا مش صاحب قرار ولا أمر وناهى أنا بس بامضى على الورق، وبس، ولو كان حصل لعب فى الورق يبقى مش من عندى وأنا طول عمرى رجل سليم فى شغلى».

وحين واجهت النيابة حازم إمام بأقوال «مقلد» وأنه لا يعرف شيئاً عن القرارات وليس لديه دور نهائى فى اتخاذها، قال: «كلام اللواء علاء صحيح ومنصبه روتينى بحت ومايعرفش حاجة عن القرارات وطبيعتها واللى أصدر قرار بإحالة ملف (جدو) لاتحاد الكرة هو المكتب التنفيذى للنادى ومجلس الإدارة».

وعاد علاء مقلد مجدداً إلى مكتب رئيس النيابة ليستكمل التحقيق وقال: «أنا سأحضر يوم الأحد وأقدم أوراقاً رسمية تثبت من الذى تسلم الأوراق يوم توقيع «جدو» ومن ذهبت إليه الأوراق وما الذى كان مكتوباً فيها وإيه اللى حصل»، ووافقت النيابة على طلب مقلد وحازم وتعهد الأخير أيضاً بتقديم أوراق رسمية ومستندات عن «خط سير» الأوراق، التى وقع عليها «جدو» واستمارات الانضمام. ورجح إمام أن وليد بدر إدارى الفريق هو المسؤول عن تلك الأوراق.

وقال حازم فى تحقيقات النيابة: «أنا بصراحة ماشفتش جدو خد فلوس قدامى من أى حد يوم ما كنا بنتفاوض» وسأله المحقق: وهل أصدر مجلس إدارة نادى الزمالك أى قرار بتسليم أى مبالغ مالية لجدو، خاصة مبلغ المليون و٢٠٠ ألف جنيه؟، ورد إمام: أنا مش هكذب لأن ضميرى لا يسمح لى بذلك ومجلس الإدارة لم يصدر أى قرار بهذا الشأن.

وسأله المحقق محمود الحفناوى: ما طبيعة دورك فى قضية «جدو» والزمالك؟ ورد نجم الزمالك السابق: أنا فوجئت بأن كابتن حسام حسن، المدير الفنى للفريق، بيكلمنى ويقول لى يا حازم إنت نجم كبير ومحبوب ولو قعدت مع جدو هتخلص كل حاجة وأى لعيب مش هيرفض لك طلب، والمهم إن جدو جِه الساعة ٣ الفجر ومعاه أشرف شلوفة ونبيل أبوزيد ودول مساعدين له وتفاوضنا مع جدو وهو فى الأول طلب أن يوقع ٣ سنين وانتهت المفاوضات إنه يوقع ٥ سنين للنادى وهو كمان طلب من مليون و٦٠٠ ألف جنيه إلى ٢ مليون جنيه فى الموسم الواحد، وإحنا وصّلنا المبلغ إلى مليون و٢٠٠ ألف وتزيد ١٠٠ ألف كل سنة، وأنا فى اللحظة دى انتهى دورى تماماً فى القصة وتركت جدو مع وليد بدر وأفتكر إن كابتن حسام كان موجود ومعرفش إيه اللى حصل ولا جدو وقع على إيه ولا عمل إيه.

سأله رئيس النيابة الكلية: ما الذى حدث بعد ذلك؟، رد حازم: حصل تطور غريب بعد نهاية بطولة أمم أفريقيا وحصول جدو على لقب هداف البطولة، فوجئنا بأنه مش بيرد خالص على تليفوناتنا ومعرفناش نوصله وبعد فترة وصلنا لجدو أنا والأستاذ ممدوح عباس، رئيس النادى، وكابتن حسام حسن، والأستاذ ممدوح وحسام هنأوه بالبطولة وإنه الهداف وأفتكر يومها إن الأستاذ ممدوح قاله: (يا جدو إنت نجم البطولة وقيمتك المادية لازم تزيد وإحنا كمان هنديلك شقة وهنزودك ٢٠٠ ألف جنيه فى العقد عن كل سنة زيادة.

واستدرك: لكن جدو قالهم:
لو سمحتوا انسوا كل الاتفاقات اللى بينا وممكن تتفاوضوا مع نادى الاتحاد لأنى وثقت عقدى معاه بشكل نهائى
وكل الكلام يبقى مع الاتحاد، وساعتها لقيت كابتن حسام حسن، بيقول: يبقى لازم ترجع الفلوس اللى انت أخدتها أو قال: هات الفلوس اللى عليك أحسن لك، وأنا معرفش موضوع الفلوس ده وبعد كده أنا سافرت جنوب أفريقيا لتحليل مباريات كأس العالم بقناة الجزيرة وبعدما رجعت عرفت أن الأهلى «خلص» مع جدو وإن الزمالك قدم شكوى لاتحاد الكرة ضده، وده كل اللى حصل».

وتستأنف النيابة غداً سماع أقوال حازم ومقلد بعد تعهدهما بتقديم أوراق جديدة عن القضية داخل نادى الزمالك ومن استخدم العقود وحددت النيابة أيضاً جلسة الغد لسماع أقوال وليد بدر، إدارى الفريق، بعد أن رجح حازم ومقلد أن يكون هو وراء العبث فى الأوراق. وقال مصدر قضائى إن النيابة ستصدر قراراً بضبط وإحضار وليد بدر، إذا لم يحضر غداً ويدلى بأقواله فى القضية.

[aiman noor eldein]

يــــــــــــــا وديـــــع ....... ....... جهز الحـــــــــــــلاوة يــــــــــــا وديع
وتكـــــــــون رشـــــــيدى الميــــــــــزان يا وديـــــــــــــع

[aiman noor eldein]

بعد أن رجح حازم ومقلد أن يكون هو وراء العبث فى الأوراق. وقال مصدر قضائى إن النيابة ستصدر قراراً بضبط وإحضار وليد بدر، إذا لم يحضر غداً ويدلى بأقواله فى القضية.

هـــــــــــذا مــــــــــــــا أكدنا عليه بالأمس يا وديـــــــــع ، هيشيلوها لوليــــــــــــــد بـــــــــدر يا وديـــــــــع ..!!

ويبدو أن هناك اتجاه قوى داخل نادى الزمالك فى حالة عدم التصالح لكى ( يشيلوا القضية لولــــــــيد بدر )
وبكره أفكرك يا وديـــــــــــــــع أقصد يا مـــــــيدو .!

[الحريف]

باذن الله جدو لم يتوقف من المشاركة مع الاهلي

[السيدعبدالعزيز]

الحلاوه كتير قوى فى رمضان لان ليس عليها قبول فى رمضان
وتقريبا كده الضحيه وليد بدر

[ميدو كريم]

والله ياحاج تهامى العملية بقت تمام دلوقتى وياريت حسن حمدى ما يعملش فيه حمامة سلام ويسيب العدالة واالقانون هو اللى يجيب حق جدو

[aiman noor eldein]

وساعتها لقيت كابتن حسام حسن، بيقول: يبقى لازم ترجع الفلوس اللى انت أخدتها أو قال : هات الفلوس اللى عليك أحسن لك.

[aiman noor eldein]

وفى النادى قالــــوا لــــى قدم شكوى فقدمت شكوى وأعطونى ورق وعقود وإيصالات على بياض و قــــــــــالوا لـــــــــــى إن جدو وقع وهيتوقف بموجب الأوراق دى وأنا على طول قدمت الشكوى

همـــــا اللى قالوووووووولى :


دانــــــــــــــــــا غلبـــــــــــــــــــان

[aiman noor eldein]

لا يا بيه.. سعادتك لازم تثبت إنى محولجى أنا بامضى على ١٠٠ ورقة كل يوم ومعرفش إيه محتوى هذه الأوراق ولا من وقع عليها

وقـــالى يا خرنـــــــج ..... حـــلوه خرنـــــــج دى ..!!

[ميدو كريم]

مش اللواء خرنج بردو
هههههههههههه

[eng_aea]

المشاركة الأصلية كتبت بواسطة aiman noor eldein

يــــــــــــــا وديـــــع ....... ....... جهز الحـــــــــــــلاوة يــــــــــــا وديع
وتكـــــــــون رشـــــــيدى الميــــــــــزان يا وديـــــــــــــع
a084kka084kk

وشلها وليد بدر يا ولداه