[mr huss]

الســـــــــلام عليكم ورحمه الله وبركاته

اولا نحب نطمن علي صحتك وامنياتنا لك بالشفاء ودوام الصحه والعافيه

عندي ريسيفر استرونج موصله بالتليفزيون عاطي زنه عاليه في الصوت غيرت وركبت ريسيفر غيره عطي زنه بس بسيطه غيرت التلفزيون وركبت الاسترونج عاطي زنه بسيطه ركبت الريسيفر التاني عاطي زنه عاليه
غيرت كبل الاوديو نفس الكلام
بس بخف الصوت من التلفزيونين الزنه تروح

وعلي فكره كذا مره تشتكيلي زباين من نفس المشكله حكايه الصوت
ترفع صوت التلفزيون تظهر زنه مع الصوت
تخف صوت التلفزيون تروح الزنه

اسف علي التطويل بس عايز اوصل المعلومه صح
وكل عام وحضرتك والقائمين علي المنتدي العظيم بخير

[kamal65_65]

اخى / mr huss
لا أجد ما أقوله لك على عنوان موضوعك وارجو من الادارة الكريمة الا تعتبر عنوان هذا الموضوع مخالف و لأنك صدقت فى كلامك ان ابو حنين حبيب الملايـيـن
وهذا العملاق ننحنى أمامه وقارا له ونفتخر به ولايوجد من يختلف معى على هذا العملاق الذى يعطى بسخاء بعلمه واخلاقه وتواضعه ولايبخل على أحد بل كل من يطلب مساعده يوافيه ولايبخل حفظه الله لأهل بيته ولمصرواى سات ولنا جميعا
وأود ان اطرح لك بعض الحلول اخى mr huss عندى نفس المشكلة وتم حلها والحمد لله - ومعلومة ان فى التلفزيون المصنّع قديما لاتظهر وتظهر فى بعض انواع التلفزيونات الحديثة وتلاشت المشكلة بسلك RF معى وليس الاديو والفديو وبالطبع عمنا العملاق يأتينا بالحل اليقين ونحن نتعلم منه ونعلم ان كل مشكلة لها حل مع هذا الرجل العملاق الفنان

[ابوحنــين وأسيـــل]

وانت طيب حبيبي
والف شكر للغالي كمال الذي كل يوم يثبت خبرته الكبيره

اولا حدد نوع الجهاز استرونج كام
لان مشكله الزنه ليه طرق كتير
بس الاول فهمني كده واحده واحده

يعني انتا جبت رسيفر تاني وشغلته علي التلفزيون وبردوه فيه زنه
رحت جبت تلفزيون تاني وجربت الاسترونج والرسيفر التاني وفيه زنه بردو
غيرت كابل الاديو والفديو وفيه زنه بردوا
يعني كده مفيش مشكله لا الرسيفر ولا التلفزيونين
اولا هتعمل الاتي
هتنظف الرسيفر بالثنر والهواء
هتجرب كابل rf كما اشار الحج كمال وهتبلغنا بالنتيجه

تاني شئ هتجرب الرسيفرين عند احد جيرانك او اصحابك بس يكون بعيد عنك شويه ليه؟؟
ممكن تكون فيه مشكله في الكهرباء نفسها (راجع ارضي) وده بيعمل تأثير كبير علي التلفزيون
والكمبيوتر وكانت عندي نفس المشكله في الكميوتر وتمــ الحل
بتغير خط الكهرباء والنقل الي خط اخر
جرب ورد عليا

[مهندس محمودعبدالحميد]

تمام اخوانى الافاضل وهذه المشكله متواجده فى جميع الرسيفرات وجميع التليفزيونات ويتم التغلب عليها بتغيير وصله اوديو وفيديو جيده وجعل صوت التليفزيون منخفض الى النصف او اقل وعن تجربه

[المهندس011]

المشاركة الأصلية كتبت بواسطة مهندس محمودعبدالحميد

وهذه المشكله متواجده فى جميع الرسيفرات وجعل صوت التليفزيون منخفض الى النصف او اقل

هو ده الكلام المفيد ولاشئ غير ذلك

[ابوحنــين وأسيـــل]

المشاركة الأصلية كتبت بواسطة مهندس محمودعبدالحميد

تمام اخوانى الافاضل وهذه المشكله متواجده فى جميع الرسيفرات وجميع التليفزيونات ويتم التغلب عليها بتغيير وصله اوديو وفيديو جيده وجعل صوت التليفزيون منخفض الى النصف او اقل وعن تجربه

المشاركة الأصلية كتبت بواسطة المهندس011

هو ده الكلام المفيد ولاشئ غير ذلك

اولا انا معاكم في الكلام بس مش كل التلفيزونات ولا الرسيفرات
وانا عندي تلفزيون ata وجهاز استرونج 4300 و4620ii وباراكلبس
وعليت التلفزيون لغايه 100% والرسيفر لايوجد اي زنه اطلاقا
فنحن علي قدر المستطاع ان نجتهد ونسعي دائما لحلول لهذه المشاكل وحتي ان كانت ليس اي حل
لحياه بدون تجارب ولا تجارب بدون حياه
وانتظر الرد من اخي mr huss
وياريت تذكر اسمك عشان نقولك به

[mr huss]

ما أجمل الحب إن كان في الله

من شدة أعجابي بهذا المنتدي الجميل ,,شعرت بضروره تسطير كلمات شكر وتقدير لجميع

المشرفين المبدعون الذي برعوا فى رقي منتدي مصراوي سات وجعله جميل متميز بأشرافهم ومتابعتهم
الدائمة,,,,,,,,,,,فلهم مني كل الشكر والتقدير لجهودهم الواضحة,,,,


انا اسف عند عدم التوضيح في مشكلتي ياابوحنين
واشكر رد الاستاذ كمال والمهندس محمود عبد الحميد علي الرد والتقدير
المشكله_استرونج 4620xii خلال توصيله بالتلفزيون يعطي زنه اخف من ريموت التلفزيون تختفي الزنه وجربت اكثر من تلفزيون وملحوظه __غيرت الريسيفر الاسترونج بريسيفر صيني نفس المشكله علي جميع التلفزيونات اللي جربت عليها

المشكله مشكله ناس كتير
بس اخف صوت التلفزيون كما اشار المهندس محمود عبد الحميد تروح الزنه او بالاصح بتخف مع تعليه الريسيفر بنحس ان مافيش زنه
بس انا قولت يمكن في اي سي او اي شي يوصل بين الريسيفر والتلفزيون يمنع الزنه
اسف علي التطويل
ولكن حضرتك وحشتنا والحوار معك متعه لانك شخص طيب ومحترم ومحبوب
وشكــــــــــــــــــرااااااااااااا

[ابوحنــين وأسيـــل]

ربنا يخليك ويزيدك ويوسع عليك

طيب جربت في مكان تاني

[mr huss]

ايوه جربت ياغالي
بس لازم اخف صوت التلفزيون
والاسترونج شغال ميه ميه
علشان
ابوحنين وشروق
كبير مشرفين لقسم الاسترونج

شكر لتعبك
وكل عام وانتم بخير

[ابوحنــين وأسيـــل]

ربنا يدوم المحبه بينا وكل سنه وانت طيب

[المهندس011]

مبروك لحل المشكله

والشكر موصول للمهندس محمود وايضا للكبير والغالى الاستاذ/مدحت ابوحنين

وكل عام وانتم بخير

[mr huss]

شـــكـــــــــــر لروح التعاون

[مهندس محمودعبدالحميد]

الشكر كل الشكر للاخوه الافاضل الذين قاموا بالرد او المشاركه فى الموضوع وساوضح لكم اسباب المشكله وهى كالاتى تبدا بمشكله فى الوصلات الصينى الموجوده ثم نسبه الرطوبه المخذنه فى التليفزيونات مما سببت فى فقدان بعض مكثفات خرج الصوت فى قيمتها ثم انواع الرسيفرات الصينى الرديئه الموجوده فى الاسواق وانا شخصيا باتعامل بالطريقه التى وضحتها فى اول الموضوع وفيه طبعا طريقه اخرى ولكن صعبه لغير الفنيين وهى فتح التليفزيون وضبطه من الداخل عن طريق التعديل فى دائره الصوت ولكن اكرر يا اخوانى التعديل صعب وانا شخصيا بقوم بعمله لكنى لا افضله وهذا والله كل ما عندى وما اردت ان اخفى شيئا عنكم وكل عام وانتم جميعا بخير ورمضان كريم

[mr huss]

بارك الله فيك
يامحــمــود بيــه

[hgan]

المشكله في ارضي الاديو فيديو يوجد سلك ارضي ضعيف خارج من التلفزيون ولحل هذه المشكله لابد من تقويت طرف الارضي المتصل من ارضي الرسيفر الي ارضي التلفزيون بكبل اديو فديو لايقل قطر السلك فيه عن نصف ملي تحياتي