انت وفريقك

خلف الفنان · #1 2012/02/12, 03:05 PM

انت وفريقك

خماسيات على نفس نمط الرباعيات

-----------

لو ليك فريق بتشجعه
أوعاك باسمه تخدعه
وتعمل حماسي توقعه
فكر بعقلك وبضميرك
قبل ما تشهد مصرعه

--------

صحي قلبك للفريق
خلي علقك له طريق
وبولائك كن رفيق
لو يهمك لو فريقك
خلي حبك عليه يليق

----------

الفريق كن له عيون
لو تلاحظ حد دون
بيرسم الفتنة فنون
لو كبير أو ابن جيلك
دا عميل فاكرك زبون

-----------

الفريق ليه احترامه
اللوايح ليه زمامه
وبتحفظه من انقسامه
هيا فين قله يدلك
اعرفه واعرف نظامه

---------

شجعه من غير تعصب
صوره ليه كن ليه محبب
من جريحه انتا المطبب
خلي همه يبقى همك
تبقى بيه انتا الملقب

----------

لو جماعه بيكرهوه
وبكل قسوه بيظلموه
قلهم مره اعرفوه
لو ناديك امره يهمك
وبقلوبكم اسمعوه

----------

الكوره غالب أو مغلوب
والكره فينا لازم يدوب
المعتديين عمي القلوب
حقدهم أوعاك يضمك
دول مأجورين فيهم عيوب

-----------

عجبي عليك يا شعب صاعد
إيه اللي صابك ماكنا واحد
رضينا ليه طبع المجاحد
يا شعب فرقه ميين يلمك
ولا انتا بعد الثورة لاحد

---------------
القسوة فينا بقت ضرورة
والكره صيرناه فاتورة
والقتل قدمناله دوره
ليه يا شعب ايه اللي عمك
كله ده في ماطتش كوره

-------------

يا خيبه حطت عالبيبان
في ماطش كوره الدم هان
دا المصري غالي من زمان
مين يا اخويا عالشر دلك
أجيلك أشجع ارجع جثمان

-----------

طب قلي ليه تقتل وتدبح
دا دمي دمك في كل مجرح
ليه تسفكه وتهتف وتفرح
أنا مش يهودي أنا أمي أمك
فهمني قلي بين واشرح

خلف محمد

الاصدقاء الثلاثة · #2 2012/02/12, 03:39 PM

تسلم اخى

لكن ليست ذو احساس
عبارة عن كلمات مرسوسه

خلف الفنان · #3 2012/02/13, 01:17 AM

تمام اخي الكريم ( الاصدقاء الثلاثة)
شكراً على مرورك الكريم
وردك الطيب
تحياتي

دموع بلا احزان · #4 2012/02/13, 07:29 AM

اقتباس:

المشاركة الأصلية كتبت بواسطة الاصدقاء الثلاثة

تسلم اخى

لكن ليست ذو احساس
عبارة عن كلمات مرسوسه

مرصوصة وليست مرسوسة

دموع بلا احزان · #5 2012/02/13, 03:17 PM

خُماسيات رائعة أخى الحبيب خلف وتتحدث عن لـُب العنوان أنتَ وفريقك ولو كان صلاح جاهين على قيد الحياة لكانَ صفقَ لـَك ، لكَ منى كُل الحُب والتقدير وفائقَ ألآحترام*************

خلف الفنان · #6 2012/02/15, 05:02 AM

اقتباس:

المشاركة الأصلية كتبت بواسطة دموع بلا احزان

خُماسيات رائعة أخى الحبيب خلف وتتحدث عن لـُب العنوان أنتَ وفريقك ولو كان صلاح جاهين على قيد الحياة لكانَ صفقَ لـَك ، لكَ منى كُل الحُب والتقدير وفائقَ ألآحترام*************

اخي الحبيب دموع بلا احزان
لشخصكم الكريم كل التحية والتقدير
فمرورك شرفني وردك انار صفحتي
تسلم وبارك الله فيك

ابونجيب · #7 2012/02/20, 11:29 PM

مشكور اخى خلف

*انت وفريقك *

انت وفريقك