[galloper80]

للامانه الموضوع ده اخ منى 3 ايام فى البحث على النت فى اكثر من مكان و ارجو ان ينال اعجابكم...
اولا الجوكر:
مميزاته:-- اشهر جهاز مستخدم فى مصر يعنى ببساطه زى العربيه 128 زمان.. كل الناس بتعرف في صيانته
.. سوفت بالهبل
.... دعم هائل فى منتدانا العزيز
... توكيل معروف و سمعته معقوله

عيوبه:-- البورده مش اد كده خاصه فيرجن 3
--- الوكيل شال ايده من دعم الجهاز
--- بقاله فتره كبيره فى السوق و الاجهزه الاحدث فيها امكانيات اعلى شويه

ثانيا الستار سات بنوعيه 6000 و ال 2000:
مميزاته:
--- سوفت متميز و شكل انسيابى..
---دعم كبير من الموقع الرسمى( خد بالك من دى) و ده بالنسبه لل 2000 بس.
---******* المجانى حتى الان كويس.
--- بيشتغل بيو اس بى نت ( بس موديلات معينه فقط فقط)
--- فى مميزات لل 2000 عن ال 6000 موجوده فى موضوع كامل للمبدع أ. اشرف...
العيوب:
--- الجهاز جديد نسبيا فلسه صعب نعرف نقاط الضعف و القدره على التحمل و مشاكل الهارد وير..
--- مفيش كامه فى ال 2000
---موضوع الضمان و الوكيل غامض جدا ( بيقولوا شركه معينه و بيقولوا ملوش وكيل و لا ضمان اصلا.. يا ريت اللى عارف يفيدنا).

ثالثا: الترومان 9090 b<s<m:

مميزاته:
---هارد وير محترم.
--- سوفت المانى..
--- التوكيل معروف جدا و فى وسط البلد.
--- دعم معقول.
عيوبه:
--- بطىء شويه فى الريموت.
--- ***** 6 شهور بس.
---مفيش يو اس بى نت.

ارجو من اى حد عاجبه الموضوع ان يضيف اى خبرات له سواء مميزات او عيوب مع اى جهاز منهم و تصحيح اى خطأ غير مقصود منى طبعا فى اى معلوات حتى تعم الفائده...
و شكرا جزيلا لكل من يساهم فى ها المنتدى الرائع...
---

[galloper80]

45 مشاهده و مفيش حتى رد واحد؟؟؟؟؟؟
نرجو ابداء الراى لاثراء الموضوع و افاده الجميع

[cap.wagih]

شكرا جزيلا لك اخونا الفاضل على هذة المشاركة الفعالة وعن رايى الشخصى وعن تجربة والتجربة خير برهان فان ستار سات 2000 لصاحبتة شركة ستار سات وهى من افضل الشركات فى عالم الفضائيات منذ القدم لدعمها الدائم فانى افضل ستار سات 2000 والحمد للة امتلكة ولا والف لا لستار سات 6000 ويلى ستار سات 2000 الترومان ثم الجوكر العنيد هذا عن تجربة ورايى الشخصى وليقرا الجميع الموضوع الذى اشرت حضرتك الية مع خالص الشكر لمتابعة حضرتك

[مسعد صبري]

أنواع الريسيفرات المذكورة هل هي hd أم لا وشكراً

[surfier]

على فكره الجوكر بيشغل يو اس بي انترنت على سوفت السوبر 2.02 او سوفت ستارسات للجوكر وبعض السوفتات الاخرى المحوله للجوكر.

[galloper80]

شكرا للرد السريع اخى وجيه و ياريت تبعتلى على الخاص سعره و جبته منين و يا ترى معاه ضمان؟...
كل الاجهزه دى hd يا اخ مسعد

[aziz5165]

الموضوع اكثر من رائع ويمكن ان يكون مرجع
لبعض الاخوة فى حالة الشراء
ولكن....هناك الترومان بريميوم 1 بلص
وهو ذو امكانيات عاليه + هاردوير قوى

[cap.wagih]

المشاركة الأصلية كتبت بواسطة galloper80

شكرا للرد السريع اخى وجيه و ياريت تبعتلى على الخاص سعره و جبته منين و يا ترى معاه ضمان؟...
كل الاجهزه دى hd يا اخ مسعد

العفو اخى الكريم والجهاز فى حدود 540 جنية وموجود فى باب اللوق والاسكندرية ودمنهور اما الضمان فهو استلامة بعد التجربة بالمحل وتفعيل السرفر امام عينيك للتاكد من بداية العمل بالسرفر ولمدة سنة كاملة ومبروك عليك مع تحياتى لحضرتك

[TheWonder]

ستار سات 2000 بعد التجربة جهاز فوق الممتاز لانى امتلكة وزى ما قالك استاذى الحبيب \ الكابتن ووجية ويكفى انو مدعوم من شركتة عكس الجوكر الزبالة ولك خالص تحياتى ومحبتى لشخصك الكريم

[احمد خميس شيحة]

يا اخى مش لازم لفظ زبالة دة الجهاز معانا من سنه ونص وشغال كويس وربنا يباركلك فى جهازك اللى هو احسن جهاز فى الدنيا

[krkr333]

يعنى ال starsat 2000 افضل من starsat 6000؟

وهل ال Starsat 2000 افضل من الجوكر HD V2

[كرم11]

بارك الله فيك
أنا مرتاح على الجوكر فيرجن 1 كتيير جهاز رائع ورخيص

[TheWonder]

المشاركة الأصلية كتبت بواسطة احمد خميس شيحة

يا اخى مش لازم لفظ زبالة دة الجهاز معانا من سنه ونص وشغال كويس وربنا يباركلك فى جهازك اللى هو احسن جهاز فى الدنيا

يا اخى الفاضل انا جربت الجوكر فيرجين 2 وفعلا جهاز مش حلووثقيل وكثير التهنيج فى كل شئ والحمد لله ان جهازك شغال كويس اكيد فيرجين 1 لانة احسن جهاز فى الدنيا زى ماانت بتقول وبعدين انا مغلتش فى البخارى يعنى دا حتة جهاز لا راح ولا جة وشكرا ولولا اختلاف الاراء لبارت السلع

[مسعد صبري]

المشاركة الأصلية كتبت بواسطة galloper80

شكرا للرد السريع اخى وجيه و ياريت تبعتلى على الخاص سعره و جبته منين و يا ترى معاه ضمان؟...
كل الاجهزه دى hd يا اخ مسعد

ألف شكر أخي الغالي

[احمد خميس شيحة]

المشاركة الأصلية كتبت بواسطة TheWonder

يا اخى الفاضل انا جربت الجوكر فيرجين 2 وفعلا جهاز مش حلووثقيل وكثير التهنيج فى كل شئ والحمد لله ان جهازك شغال كويس اكيد فيرجين 1 لانة احسن جهاز فى الدنيا زى ماانت بتقول وبعدين انا مغلتش فى البخارى يعنى دا حتة جهاز لا راح ولا جة وشكرا ولولا اختلاف الاراء لبارت السلع

انا بقول على جهازك انت انه احسن جهاز فى الدنيا على فكرة طب ايه رايك انا عايز اشترى جهاز تانى جمب الجوكر ياريت تشرحلى مواصفات جهازك ولو عجابنى ان شاء الله هشترى ويبقه الف شكر لحضرتك