[A_T_b]

السلام عليكم مبدئيا كده انا مليش اي خبرة في موضوع الريسفرات علشان نبقى على نور ... الريسفر فجأة هنج وكل شوية يفتح يعمل ريستارت واللمبة بتاع الارقام الصفرا دي بقت بترعش اتكيت على زرار القائمة فيه جاب لي اني مش موصل وصلة تحديث ... دخلت هنا على المنتدى لقيت فيه برنامج اسمه لودر بتحمل بيه السوفت وير بتاع الجهاز على قد فهمي جبته وجبت السوفت وشغلته بس حاليا جايب انه بيعمل ابديت بس المؤشر مش بيتحرك في البرنامج خالص انا شايل فيشة الكهربا من الريسيفر هل كده الخطوات صح ولا فيه ايه ارجو المساعدة وشكرا

[SALAH SALEM]

انه بيعمل ابديت بس المؤشر مش بيتحرك في البرنامج خالص انا شايل فيشة الكهربا من الريسيفر هل كده الخطوات صح ولا فيه ايه ارجو المساعدة وشكرا

حط الفيشة في البؤس يا غالي
هههههههههه
هينزل ازي يعني من غير الكهربا
واستخدم الوصلة العدلة
اوعى تقولى يعني ايه الوصلة العدلة
يعني 2*2
3*3
5*5

[محمد السني]

الخطوات صح بس انتا نسيت نقطه صغيره وهي وصله التحديث وصله التحديث عدله يعني 2-2
3-3
5-5
ممكن تحل المشكله دي بسرعه بانك تفتح الغطاء وتقلب الصلكتين الي متوصلين في الكومه الرجل رقم 2 مكان الرجل رقم 3
وهيقبل معاك التحديث عادي جدا

[A_T_b]

معلش موضوع الوصلة ده عايز توضيح شوية انا اشتريت وصلة female ناحيتين ووصلت الريسفير بالكمبيوتر كده تمام ولا فيه مشكلة ؟؟

[A_T_b]

ملحوظة انا شغلت البرنامج وفتحت الريسفر مبيستناش اساسا بيفتح شاشة البداية وبعدين يعمل ريستارت والارقام 0063 بترعش جمب اللمبة الحمرا

[WALID85AYA]

هي فعلا يا غالي الوصلة بتكون ذات سوكيت 9 بن من الناحيتين ,,وبيكون انثي ،، ولو قست اطراف الوصلة باستخدام الأفو علي وضع الصفارة ستحدد عما إذا كانت الوصلة العدلة او المعكوسة ..العدلة يعني طرف 1 يقابل 1 ، 2 يقابل 2 ، 3 يقابل 3 وهكذا إلي الطرف 9 يقابل 9
اما إذا وجدت الطرف 2 يقابل 3 ، و 3 يقابل 2 ...إذا وصلتك بكده تكون الوصلة المعكوسة أرجو تكون الفكرة وضحت لك

[A_T_b]

معلش هوه الموضوع مش واضح بالنسبة ليا الافوميتر هيبقى مزبوط على ACV ولا DCmA
وفيه مشكلة ان الافوميتر مبيدخلش في فتحات الطرف ...
طيب لو فرضنا ان الوصلة مقلوبة وعايز اطبق كلام استاذ محمد السني لما فتحت الغطا لقيت كبل فيه 3 سلوك طالع من وصلة الداونلود للبوردة بصيت على البوردة لقيت الاول من الشمال اسمه TXD اللي بعده RXD لاخير اسمه GND
لو هبدل السلوك ازاي ومين هيتبدل مكان مين وشكرا جدا على صبركم

[حماده سنجاب]

ياغالى رقم 5هو الgndسيبه فى مكانه واعكس الطرفين التانيين خلى الطرف ده مكان الطرف ده

[A_T_b]

بدلت الاطراف ولم يحدث شيء اللودر مبيتغلش ولم يتغير اي شيء