[playstation.2]

أنا مش فاهم الناس إللي عمالة تقول المقاطعة والكلام الكبير ده بتفكر إزاي ... أنا بس عاوز أسأل الناس دي سؤال كدا .. هو إنتا بتعاند نفسك ولا بتعاند مين بالظبط ؟؟؟ ..... بغض النظر عن الإنتمائات السياسية أو الإقليمية فأنا واحد من الناس إللي كنت مستمتع جداً جداً بكأس العالم على beIN SPORTS أكتر من أي قناة تانية بسبب الصورة فائقة الوضوح المذهلة و الإستديوهات التحليلية والضيوف الرائعين بالإضافة للمعلقين الأكثر من رائعين والذين لا أجدهم سوى على هذه الباقة ده كله غير إن الباقة دلوقتي أصبحت شاملة لكل الأحداث الرياضية التي تهم المواطن العربي كل ده مقابل مبلغ أنا بعتبره بسيط جداً جداً مقارنة بأسعار الإنترنت اللازم لتشغيل خدمات ساذجة مثل **** وغيرها من الخدمات التي نعذب بها أنفسنا بالإضافة لملحوظة أخرى وهي إني لاحظت إن كل الناس شايفة إن الباقة مستغلة وغالية وكلام من النوع ده طيب هو المفروض إن الباقة تديكم إشتراكات ببلاش مثلاً علشان متكونش باقة مستغلة أصل أنا بصراحة شايف إن 85 جنيه لباقة تذيع كل بطولات العالم بأفضل صورة وأفضل المعلقين العرب يعتبر مبلغ رمزي ومفيش فيه أي إستغلال بصراحة لكن إحنا بس إللي عاوزين الحاجة ببلاش وده طبعاً ممكن يرجع للحالة الإقتصادية للمشاهد وإنه ميقدرش حتى على المبلغ البسيط ده لكن الغريب في الموضوع إن نفس الشخص المتعثر مادياً ده تلاقيه راح إشترى رسيفر عليه خدمة **** الفاشلة وإشترك في الإنترنت بمبلغ 95 في الشهر علشان يتفرج على الباقة وهو فاكر إنه كدا موفر وبعدين يتفاجئ بالتقطيع والصورة المقرفة ... الإشتراك الرسمي من وجهة نظري هو الإختيار الوحيد وليس الإختيار الأفضل

[احمد خميس شيحة]

ماتتعبش نفسك احنا بلد ابو بلاش اللى بقولك مقاطعه ده نفسه يشترك بس لازم يعمل فيها بطل ياعم كبر

[GADGAD]

اولا اخى هى الباقة جميله مفيش كلام بس المشكله الوحيدة انك اى قمر تدخل عليه تلاقى 4او5 باقات حاصلين على البطولات وتقدر تختار منهم لكن مفيش قناة فى العالم بتذيع عربى غير القطريه هذا يعتبر استغلال سبلى فرصة اختار لكن مش تجبرنى
تانى حاجه ما تركزش مع كل اللى يقول مقاطعه هو لو يقدر يشترك ويريح دماغه هيعمل كدة يعنى مثلا مدحت شلبى معندش البى ان سبورت اكيد عنده
يعنى اى عدو هنا ظروفه سامحه يشترك هيشترك ارجو ان تكون وصلت الفكرة اخى وبعدين سيب كل واحد يقول رائيه

[صبرى دش]

على فكره انا مبعرفش استمتع من الماتش الا لما اشوفه على الشيرنج ولو مفيش شيرنج والله لو اخر باقات العالم مانا مشترك فيها بقى بالعربى احنا مش عايزين ننفع قطر فهمت

[حسن السرحه]

بالنسبه ليا هقولك ليه انا اشتركت فى بنسبورت 3 سنين اول سنه تمام السنه التانيه اشتركت عام كامل مقابل 110دولار فى لبنان بعد 6شهور وقف الاشتراك رحت للوكيل المعتمد قال من الشركه ما فينا نعملك شئ يعنى راح عليا 6شهور يعنى 55دولار اشتركت سنه جديده بتاريخ 24\4\2013بعد شهر وقف الاشتراك اتصلت على الوكيل قال لازم رسيفر جديد قلتله ليه ما عرفتنى قبل مادفع المصارى قال ماكنت اعرف يعنى نصب صريح انا عايز اسال 195دولار دفعتهم دون فائده ورقم الاشتراك عندى رقمه41362925558

[عبدالرزاق الحسينى]

المشاركة الأصلية كتبت بواسطة حسن السرحه

بالنسبه ليا هقولك ليه انا اشتركت فى بنسبورت 3 سنين اول سنه تمام السنه التانيه اشتركت عام كامل مقابل 110دولار فى لبنان بعد 6شهور وقف الاشتراك رحت للوكيل المعتمد قال من الشركه ما فينا نعملك شئ يعنى راح عليا 6شهور يعنى 55دولار اشتركت سنه جديده بتاريخ 24\4\2013بعد شهر وقف الاشتراك اتصلت على الوكيل قال لازم رسيفر جديد قلتله ليه ما عرفتنى قبل مادفع المصارى قال ماكنت اعرف يعنى نصب صريح انا عايز اسال 195دولار دفعتهم دون فائده ورقم الاشتراك عندى رقمه41362925558

يعنى مالآخر شركة نصابة وكل شوية بتفانين جديدة لاستغلال الغلابة
أما الناس إللى ميش غلابة فلوسهم كتير ويقولولك عاوز أبو بلاش
طيب هم معاهم فلوس يشتركوا الجزيرة ويشتركوا نت ويشتركوافى الحاجات إللى لسه ملهاش اسم
المفروض طالما معاهم فلوس كتير وميش عاوزين أى حلول زى الفيدات والشفرات بتاعت الغلابة يبقى داخلين هنا ليه
علشان يتريقوا علىنا احنا الغلابة ولا علشان يستعرضوا عضلاتهم إنهم مشتركين وان الجزيرة أحسن حاجة فى الدنيا علشان بفلوس كتير بتبين قدراتهم الماليه وأنها جنة الله فى أرضه
لا ياحبايبى
احنا الغلابة بتوع أبو بلاش ولعلمكم أبو بلاش له طعم خاص أحلى بكتير من أبو فلوس ومحدش يعرف طعمه إلا إللى يعرف طعم فحل البصل وقرن الفلفل المولع مع طبق الفول والعيش البلدى المفقع إللى فيه حصاوى وزلط علشان بتساعد فى هضم الفول
خليكم مع جزيرتكم وأحنا مع الفيدات والشفرات ودهوووك

[playstation.2]

المشاركة الأصلية كتبت بواسطة عبدالرزاق الحسينى

يعنى مالآخر شركة نصابة وكل شوية بتفانين جديدة لاستغلال الغلابة
أما الناس إللى ميش غلابة فلوسهم كتير ويقولولك عاوز أبو بلاش
طيب هم معاهم فلوس يشتركوا الجزيرة ويشتركوا نت ويشتركوافى الحاجات إللى لسه ملهاش اسم
المفروض طالما معاهم فلوس كتير وميش عاوزين أى حلول زى الفيدات والشفرات بتاعت الغلابة يبقى داخلين هنا ليه
علشان يتريقوا علىنا احنا الغلابة ولا علشان يستعرضوا عضلاتهم إنهم مشتركين وان الجزيرة أحسن حاجة فى الدنيا علشان بفلوس كتير بتبين قدراتهم الماليه وأنها جنة الله فى أرضه
لا ياحبايبى
احنا الغلابة بتوع أبو بلاش ولعلمكم أبو بلاش له طعم خاص أحلى بكتير من أبو فلوس ومحدش يعرف طعمه إلا إللى يعرف طعم فحل البصل وقرن الفلفل المولع مع طبق الفول والعيش البلدى المفقع إللى فيه حصاوى وزلط علشان بتساعد فى هضم الفول
خليكم مع جزيرتكم وأحنا مع الفيدات والشفرات ودهوووك

في البداية أهلاً برأيك مهما كان والموضوع على كل حال مطروح للمناقشة وإبداء الآراء مهما كانت .... أولاً الراجل عنده مشكلة في الإشتراك وده موضوع طبيعي جداً وكلنا واجهنا مشاكل مماثلة ومين فينا محصلش معاه مشكلة ضياع الرصيد أو حتى مشاكل تجديد الباقة مع موبينيل أو فودافون مثلاً ... ثانياً لو تلاحظ إن الراجل حاطط رقم إشتراكه وبيتكلم زي مايكون أنا شغال في الشركة يعني الهدف من دخوله هو عرض مشكلته وليس إبداء الرأي كما هو الهدف من الموضوع .... ثالثاً بقى وده الأهم حضرتك وبطريقة غريبة جداً دخلت الموضوع في منطقة صراع طبقي ونسيت إن إحنا ناس بتشتغل في السوق وعارفين الناس البسيطة قبل الغنية بتصرف قد إيه على إشتراكات خدمات **** أو حتى Sharing وعارفين كمان الناس بتصرف قد إيه على إشتراكات الإنترنت لتشغيل هذه الخدمات لأن الناس بتيجي تسأل وبتعرف تشترك فين وعلشان كدا أنا عملت الموضوع ده لأني لاحظت إن الناس وصلت لمرحلة إنها بتصرف أكتر من سعر الإشتراك الرسمي وبكتير جداً كمان ... أما الفيدات والشفرات إللي حضرتك بتتكلم عليها فلازم حضرتك تعرف وتتأكد إن كل الناس تقريباً متعرفش حاجة عن الموضوع ده وعن الأقمار إللي بتذيع الكلام ده وبالتالي تلاقي الفني المستغل لجهل الناس بيعمل إللي هو عاوزه مع الناس بدون الخوف من ربنا وبيدفع الزبون في بعض الأوقات أكتر من سعر الإشتراك الرسمي وطبعاً الزبون الغلبان ميعرفش سعر الإشتراك الرسمي كام أصلاً كل ده والخدمة غير مستقرة طبعاً لأنه في النهاية FEED

[عبدالفتاح حسين]

معلش الأخ اللي بيتكلم عن الغلابه ومحدودي الدخل والبسطاء دا
ونازل فحت وردم عن الفلوس والاشتراكات !!!!
وفلفل وبصل وبيتكلم عن طبقة الغلابه
أحب اقول لحضرتك إن انا بفضل الله ونعمته طبعاً
مشترك في BeIn وعندي خط نت 4 ميجا الحمد لله
وشاشة عرض ما شاء الله وصب ووفر يرج بلد
عارف انا شغال إيه ............. تخيل كدا
مبيّض محاره
يعني شغال بالأرزاق زي أقل واحد فيكم
واوعي تقول غيرك مش لاقي شغل ولا حاجه
لا الحمد لله الأمور بفضل الله في رزق ونعمه
اشتراك الBeIn أخي الكريم مش أغلي من اشتراك النت
لو هاتتكلم عن النصب والاحتيال والمقاطه
فأولي به شركات النت اللعين مش BeIn
انا مش مدافع او محامي ولا حاجه
بس من باب الانصاف بس ليس اكتر
ثانياً اي واحد هايدعوا للمقاطعه فهو كما تفضل الاخوه
يريد ويتمني الاشتراك اليوم قبل غد
وبعدين لو مصر كلها قاطعت BeIn مش خسرانه حاجه
يا راجل دا كنت عند جزار في مره ومشغل ماتش فوجدت ان
عنده ريسيفر BeIn حتي لو هو معاه فلوس وحالته حلوه
الموضوع ان كل دلوقتي بيدور علي راحته
وبعدين ارجع واقول اشتراااااااااااااااك مش غالي ومش اغلي من اشتراك النت
وماعرفش ليه مشتركي BeIn لما بيتكلموا بيلاقوا موجه شديدة الغضب
وربما تصل الي السخريه منهم من غير المشتركين
ويك اننا في حرب ونحن تبع الاعداء ولا حاجه
ربنا يهدينا ويهديكم ويوسع رزقنا و رزقكم جميعاً قولوا آمين

[حسن السرحه]

لا يا اخى الكريم انا بقولك اللى حصل معايا مش بعرض مشكلتى وفيه فرق انك تخسر رصيد بعشره جنيه وتخسر رصيد 1500 جنيه وانا ذكرت رقم الكارت عشان متقولش انى بكذب وللعلم كتير من المصريين هنا فى لبنان صار معاهم كده وبعدين احنا بتناقش يا اخى الكريم وبدى اعرف مين يعوضنى الفلوس اللى دفعتها وانا مع الاستاذ عبدالرازق الحسينى شركه نصابه

[حسن السرحه]

اميييييييييييييييييييييين يارب

[mohamed-adel]

انا عندي نت 2 ميجا لاني بحتاج نت كدا كدا فقنوات او من غير قنوات انا بحتاج نت

انا لية ادفع نت + اشتراك قنوات و انا ممكن اتفرج ببلاش و اكتر من طريقة و اعتقد 2 ميجا سرعه تخليني اتفرج مستريح

[Norm]

شباب علي فكرة كل الاراء محترمة وجميلة وكل واحد بيعمل اللي بيريحة سواء شيرنج او اشتراك رسمي بس بصراحة مقابل قرف الشيرنج والسيرفرات والباقة دي وقفت ودي شغالة الاشتراك الرسمي افضل بكتير ودي وجهة نظري انا مش بفرضها علي حد وفية اخ قال ان لقي جزار عندة جهاز بي ان اقولك اني لقيت محل بيبيع اكياس بلاستيك وشنط بالجملة عندة جهاز بي ان ومبسوط اخر حاجة .. كل واحد ادري بنفسة يروح في السكة اللي تريحة هو .. تحياتي للجميع

[حسن السرحه]

كلامك صح norm وشكرا لصاحب الموضوع وتقبل تحياتى

[DmgRoxx]

بس لو رخصوا انا من الناس الهتشترك
انا مشرترك بالوصله فى حدود 350 فى السنه لو مثلا الرسمى بقى ب 500 مثلا انا اول واحد هشترك بس الاسعار عاليه علينا مش على البطولات ولو عايز تعرف الفرق شوف اشتراك باقه SKY وطبعا متقارنش BeInب SKY بغض النظر عن اللغه بس SKY التوب واشتراكها على ما اتذكر 16 دولار شهريا حاجه مثل كده ومتقليش قارن بالدولار والكلام ده لا هم بالنسبه ليهم الدولار مثل الجنيه
ولا احد يقدر ينكر انها اصبحت الاكبر فى الوطن العربى ومن ضمن الاكبر فى العالم بس تراعى انها فى مجتمع مش مرفه اوى وخاصه انها واخده الحقوق على منطقه واسعه جدا جدا انما انا قدامى وصله ب 350 فى السنه اى نعم هم 3 قنوات بس الراجل بيغير القنوات حسب الاحداث بس تمام اوى مفيش حاجه بتضيع الحمد لله قصاد كده ادفع 1300 ج ورسيفر 450 عشان اخد نفس الخدمه والصله كمان فيها قنوات اكتر مثل O S فاعقلها كده

[mid2521]

انا بقي مشترك سرعة 8 ميجا ب 150 جنيه في الشهر تبع تيداتا وبتفرج علي كل الماتشات علي النت وزي الفل وبوصل اللاب علي الشاشة الكبيرة وبستمتع ولا تقولي بقي اشتراك رسمي بلا بطيخ ويوم ماتصعب قوي اروح جايب التركي ومتفرج ملك زمااني بلا بين سبورت بلا بتااااع وسلملي علي الاشتراك الرسمي