[mahmoud.bayoumy]

السلام عليكم ورحمة الله وبركاتة
انا اولا متاسف ع الازعاج بس عندى مشكلة وعاوز اقولها لحضرتكم علشان تفيدنى فيها
انا شغال ف شركة ليموزين اخت عربية والمهم خبطها ومكنش معايا فلوس تصلحها فا صاحب الشركة حرر علية ايصال امانة
الطرف الاول : صاحب الشركة
الطرف التانى : انا
الطرف الثالث : المدير المباشر بتاعى الى هو يعتبر ماسك الشركة
المبلغ ع بياض وانا عارف ان دة غباء منى
حررو مكان السكن بتاعى وطبعا انا الى كتبت اسمي مكان التوقيع رباعي وبصمت
كل دة بخط اليد
يا ترى ليها اى منفذ علشان المشكلة باة انهم طلبين منى فلوس اكتر من تصليح العربية وبصراحة انا حاسس انهم مستغلينى ف الامر دة ارجو الافاده افادكم الله :(

[احمد علي علي]

المشاركة الأصلية كتبت بواسطة mahmoud.bayoumy

السلام عليكم ورحمة الله وبركاتة
انا اولا متاسف ع الازعاج بس عندى مشكلة وعاوز اقولها لحضرتكم علشان تفيدنى فيها
انا شغال ف شركة ليموزين اخت عربية والمهم خبطها ومكنش معايا فلوس تصلحها فا صاحب الشركة حرر علية ايصال امانة
الطرف الاول : صاحب الشركة
الطرف التانى : انا
الطرف الثالث : المدير المباشر بتاعى الى هو يعتبر ماسك الشركة
المبلغ ع بياض وانا عارف ان دة غباء منى
حررو مكان السكن بتاعى وطبعا انا الى كتبت اسمي مكان التوقيع رباعي وبصمت
كل دة بخط اليد
يا ترى ليها اى منفذ علشان المشكلة باة انهم طلبين منى فلوس اكتر من تصليح العربية وبصراحة انا حاسس انهم مستغلينى ف الامر دة ارجو الافاده افادكم الله :(

في هذه الحاله يجب تحرير محضر بقسم الشرطه وعند سؤالك تذكر كل ماحدث معك وان هذا الايصال كان ضمان لاصلاح سياره وتم تحريره علي بياض وصاحب الشركه يهددني باقامه جنحه مباشره ووضع مبلغ كبير في ايصال الامانه وعليك الاستعانه بشاهدين .......... بعد ذلك سوف يقوم قسم الشرطه بعمل طلب حضور للمشكو في حقه وسؤاله وفي عدم حضوره سوف يرسل المحضر الي النيابه وبعد ذلك حفظه برقم اداري وعليك استخراج صوره رسميه من هذا المحضر وفي حاله اقامه جنحه مباشره ضدك تقدم هذا المحضر الي المحكمه وتطلب احاله الدعوي للتحقيق وسماع شهاده كلا من ............و............ لانهما شاهدين علي الواقعه وفي حاله ثبوت ذلك قطعا سوف تحصل علي البراءه لانتفاء الركن المادي لايصال الامانه والتي قوامها التسليم والتسلم لان هذا الايصال كان ضمانا لشيء معين وبالتالي لاينطبق عليه قواعد قانون العقوبات بشأن خيانه الامانه .

[كفاح صديق]

تسلم يا متر

[bondouk]

ربنا يتولاك برحمته

[mahmoud.bayoumy]

ربنا يخليييييييك يا استاذ احمد بجد والله افدتنى كتير وطمنت قلبي
ربنا يجزيك خير ف عفيتك وصحتك واهل بيتك يارب العالمين
طيب لو سمحت سؤال تانى
لو انا عندى شاهد بس واحد الى كان معايا الى هو صحبي اصلا
انما الباقين مفتكرش انهم هيشهدو علشان كلهم ف الاساس قريبه ينفع الوحيد دة بس ع كدة ؟ ولا اعمل اى افدنى :)

[mahmoud.bayoumy]

المشاركة الأصلية كتبت بواسطة bondouk

ربنا يتولاك برحمته

ربنا يخليك وتسلم لدعائك ^_^

[احمد علي علي]

المشاركة الأصلية كتبت بواسطة mahmoud.bayoumy

ربنا يخليييييييك يا استاذ احمد بجد والله افدتنى كتير وطمنت قلبي
ربنا يجزيك خير ف عفيتك وصحتك واهل بيتك يارب العالمين
طيب لو سمحت سؤال تانى
لو انا عندى شاهد بس واحد الى كان معايا الى هو صحبي اصلا
انما الباقين مفتكرش انهم هيشهدو علشان كلهم ف الاساس قريبه ينفع الوحيد دة بس ع كدة ؟ ولا اعمل اى افدنى :)

اخي الفاضل ............................ بعد التحيه
بادر بعمل محضر اثبات حاله وتوجه الي قسم الشرطه واذكر ماحدث لك وان هذا الايصال كان ضمانا لاصلاح سياره وتم توقيعه علي بياض... والمشكو في حقه يهددك بكتابه مبلغ غير المتفق عليه واصطحب معك الشاهد الذي شاهد الواقعه وعليك ايضا اثبات انك موظف في هذه الشركه وتقديم مايفيد ذلك ولو كان هناك قريب لك شاهد الواقعه بشرط الا يكون من اقارب الدرجه الاولي تصح شهادنه علي سبيل الاستئناس ............ وعليك الاصرار علي سماع شهاده من شاهد الواقعه سواء في قسم الشرطه او النيابه العامه بعد احاله المحضر اليها والاهم من ذلك تقديم مايفيد صلتك بهذه الشركه ومايفيد انك موظف بتقديم اثبات شخصيتك او اي اوراق اخري تفيد عملك بهذه الشركه ...................... بعد ذلك ولو افترضنا انهم اقاموا عليك جنحه مباشره عن واقعه تبديد مبلغ مالي يطلب الدفاع الحاضر عنك ضم المحضر الذي قمت بعمله بقسم الشرطه او يقدم صوره طبق الاصل منه ويطلب احاله الدعوي للتحقيق وسماع شهاده كل من ............... و................
وبالقطع سوف يثبت بمحضر الجلسه ان هذا الايصال ماهم الا ضمان لاصلاح سياره وانك تعمل بهذه الشركه وصاحب الشركه يطالبك بمبلغ خرافي مبالغ فيه وهذا الدفع هو انتفاء الركن المادي لواقعه خيانه الامانه فأنت لم تستلم مبلغ حتي تقوم بتوصيله للطرف الثالث وبالتالي فلاوجود لهذه الجريمه كما ان هناك عدم معقوليه حيث انك تعمل بهذه الشركه والطرف الاول صاحب الشركه والثالث المدير المباشر فلايعقل ذلك .............................
واتمني ان يوفقك الله ويسدد خطاك اخي الفاضل .

[mahmoud.bayoumy]

شكرا اخى الكريم ع عملك العظيم وارجو من الله ان يضعة ف ميزان حسناتك بأذن الله
ومتاسف لو انى طولت عليك وانى كمان برد متاخر وشكرا جزيلا ^_^

[احمد علي علي]

المشاركة الأصلية كتبت بواسطة mahmoud.bayoumy

شكرا اخى الكريم ع عملك العظيم وارجو من الله ان يضعة ف ميزان حسناتك بأذن الله
ومتاسف لو انى طولت عليك وانى كمان برد متاخر وشكرا جزيلا ^_^

عفوا اخي الفاضل وتمنياتي لك بالتوفيق وتقبل تحياتي واحترامي.

[زعيم الدش]

معاك ربنا يااخى
حسبى الله ونعم الوكيل
فى العالم اللى بتقبل على اولادهم وانفسهم دم الناس