[ٱحےـمد اسےـماعيل]

بسم الله الرحمن الرحيم

السلام عليكم ورحمة الله وبركاته

الكلام بالعامية

حمام بارد بعد نوم عميق أقدر أقول إن الواحد فايق

وعشان فايق يبقى نتكلم

طبعا انا عملت موضوع امبارح والحمد لله قدرت اعرف اغلب وجهات نظر الاخوة الاعضاء

وهي :-

إعدام البدري

طيب انا مش هقول بدري بس

انا بقى هقول وجهة نظري يمكن تكون صح او تكون غلط

لكن الحلاوة في الموضوع اننا بنتناقش

صلو على حضرة النبي ( صلى الله عليه وسلم )

احنا ليه لما الاهلي بيكسب بطولة بنقول كلمة واحدة وهي ( منظومة صح )

يعني المنظومة دي بقى بتبدأ من اول الجماهير حتى اللاعبين وما بينهما من طاقم إدارة وجهاز فني و................. الخ

المنظومة صح "

طيب انا بقى في الوقت ده هقول العيب ليس في البدري

العيب في المنظومة كلها ( المنظومة غلط )

واحد يقولي

ياعم بتقول ايه انت الصيام مأثر عليك ولا ايه ؟؟ لا يا حبيبي معاية الدليل على كلامي

اولا إدارة الأهلي
شفاها الله وعفاها

ما هي السايسة المتبعة من قبل الإدارة الكريمة في التعاقد مع اللاعبين ؟؟؟

أقولكم أنا ؟؟ هقول

سياسة اللي ممكن ينفع غيري ومش هينفعني انا هاته عشان ما ينفعشي غيري

الدليل :-

بعد ما شوفنا يا اخواني اللاعب شهاب الدين أحمد / واللاعب أحمد شكري

بصراحة 2 لعيبة فوق الوصف وصغننين وهما مستقبل النادي

وعندنا ما شاء الله عدد لا بأس به في خط وسط الاهلي

ممكن حد يقول ايه لزمته حسام غالي ومحمد شوقي ؟؟؟؟؟

ايه الإضافات اللي ممكن يعملوها مع الاهلي حاليا ؟؟؟

هل الاهلي كان بحاجة للاعبين لخط وسط في الوقت الحالي ؟؟

لا

إنما عشان مايرحوش الزمالك هاتوهم الاهلي

يا أخي ما يروحو الزمالك ولا يروحو موزمبيق حتى انت مالك ؟؟؟

ايه هو ده

وبعيدين روحت جبت جدو من فم الزمالك من ( بوق الاسد )

ماشي جدو لاعب ممتاز بس تفتكرو الاهلي كان محتاج جدو في الوقت الحالي ؟؟

لا

طيب فين عبد الحميد شبانة ؟؟؟ لاعب غزل المحلة الأمور

انا مش بقول امور تريقة لا والله انا صائم بس انا بحب شكل شبانة

ادارة الاهلي تقدر تقولي ايه الحاجة في شبانة ؟؟؟؟؟

طيب أبو السعود قولنا الحمد لله ان مشكلة حراسة المرمى اتحلت بعد إكرامي

يبقى ايه الحاجة في ابو السعود ؟؟؟

اللاعب الخطير محمد غدار ولا تعليق مني عليه

ولكن تعليقي على ادارة الاهلي مين غدار ده لامؤخذة يعني ؟؟؟؟

طيب اللاعب الكبير الخطير أحمد السيد

إما أن الاوان أن ترتاح قلوبنا وأكبادنا ودمنا الذي يفور من الااعب الخطير أحمد السيد ؟؟

فين الدفاع يا إدارة الاهلي ؟؟؟

فين الهجوم يا اارة الاهلي ؟؟؟


طيب من الحجات الي بجد تقتل

كان عندنا لاعب اسمه أحمد صديق كان يبلعب في اليمين وكان لاعب كويس جدا

الإدارة ربنا يذيدها وكسة وتحسة راحت بدلته في لاعب اقل منه فنيا ودفعت عليه فلوس ههههههههههه

طيب تعالو نشوف العجيزي ومش عارف مين مع العجيزي تبادل مع جدو ودفعو للإتحاد فلوس



ده بالنسبة للإدارة

تعالو بقى نشوف عمنا وعم الكل حسام البدري

الأخ البدري انا عند مقولتي ان البدري بيدرب الاهلي بكلام جوزيه في التليفون

وأعتقد وأن التغيرات الغبية كرويا بتكون معروفة قبل بداية المباراة

مأخوذة من جوزيه نفس الغباء الكروي

كنت نتوقع أن يدفع بفلان هجوم فايدفع بفلان مكان فلان ويرسل فلان لمكان فلان الاخير

اللهم إني صائم

الاخ البدري

إدارة الأهلي هي السبب في إعطائة هذا المنصب من قبل

وسلمت للبدري قلوب محبي النادي ليدمرها بغبائة الكروي

وسلمته أيضا مساحة واسعة في الفريق أعتقد ان البدري تاه فيها

هذا بالنسبة للمدرب

تعالو نشوف لاعبي لاهلي الحلوين الطعمين

انا مش هتكلم عن مباراة امس فقط لا عن ال 7 مباريات الأخيرة

1- النجم الخلوق ابو تريكة : أعتقد وأن أن الاوان ان تعتزل ولك منا كل الحب

2- محمد بركات : لو كان هناك مدرب كرة زكي لقام بإشراكك شوط واحد

3- أحمد حسن : كنت أتمنى أن تذهب لبلجيكا

4- محمد فضل : يعني انا نفسي تخلي بالك شوية من الاصابات

5- إسامه حسني : أعتقد وأن زمنك ولى يا عم الشيخ

6- أحمد فتحي : من كل قلبي أتمنى لك التوفيق في الاحتراف

7- حسام عاشور : بجد انت لاعب هايل لكن مكانك مش الاهلي

8- سيد معوض بجد كتر الف خيرك

9- احمد السيد : لا تعليق بجد

10 - وائل جمعة لاعب ممتاز وربنا يحميك

11- شريف إكرامي : سيكون مستقبل الاهلي معك بإذن الله

12- شهاب : ربنا يبعد عنك البدري

13 - شكري : ربنا يحميك

يبقى المقصود من نقدر للاعبي الاهلي هو

لاعبي الاهلي الكبار أعتقد وان أن الاوان أن يتركو اللعبة

لان كرة القدم تحتاج للمجهود والرقة الصغيرة

وجهة نظري

لا اريد هذا العام دوري ولا كاس

اريد فريق أستمتع به

اريد ناشئين النادي

منتظر رأيكم

[nogoom]

اخى الكريم انت بتقول كلام سليم بس فيه ملاحظات

[ٱحےـمد اسےـماعيل]

المشاركة الأصلية كتبت بواسطة nogoom

اخى الكريم انت بتقول كلام سليم بس فيه ملاحظات

منتظر ملاحظاتك يا غالي

[السيدعبدالعزيز]

طفح بى الكيل واحس ان احشائى ستخرج من جنباتى مما يفعله البدرى فى الاهلى فقمت بطرح بعض الاسئله ربما اجد اجابه لها فيسترح صدرى ويرتاح عقلى.....

اين الصفقات الجديدة؟
اين عبد الحميد شبانه ؟
اين ال 6 مهاجمين ؟
اين غدار ؟
ولماذ التعاقد معه طالما انت لاتشركه ولم تقتنع به ؟
اين فرنسس وانت الذى طالبت التعاقد معه ؟
لماذا الاستغناء عن جلبرتو ومن يوم الاستغناء ومعوض يلعب براحته لان عارف انه لايوجد بديل ؟
اين عفروتو وشهاب وشكرى ؟
ماهى الخطط التى تضعها للمباريات ؟
من المسؤل عن تذبذب اداء النجوم ؟
لماذا الابقاء على احمد فتحى جهه اليمين وهو ليس فى حالته طوال المباره ؟
لماذا حصل شلل تام للجهة اليمنى للاهلى ؟

اخى هزيم الرعد
لقد قلت هذا الكلام كثيرا من قبل وبح صوتى
وان قلته قبل مباره الشبيبه
وحتى بعد ان فاز البدرى بالدورى
قلت ان الاهلاى فاز لضعف المنافسين وليس بالبدرى

[shamsawy]

صدقني لو جبت احسن لاعبين ومدرب تعبان برده النتيجة صفر

[شريف حسانين]

ياباشا متحولش والله البدرى فاشل

[batista_cena]

اخي الكريم
لما تكون اللعيبة مش عارفة تتمركز
ولما يكون ابوتريكة راس حربة
ولما يكون جدو في الشمال
يبقي اكيد المدير الفني حسام البدري هو السبب
انا عايزك تلاحظ تصرفات حسام البدري ايام ماكان مدرب عام
بسيط ليس مغرور
تعالي دلوقتي
بقي مغرور جدا ( علي ايه مش عارف) امال لو عملت نص انجازات جوزية تعمل ايه؟؟؟
هتلاحظ ده من طريقة كلامة وتصرفاتة
حسام البدري ذو شخصية ضعيفة مع اللاعبين
بعكس جوزية القائد ذو الشخية القوية
حسام البدري الادارة موفرة له كل شئ
وهو ميعرفش يعمل اي شئ
وكفاية كدة عشان انا دمي محروق من البدري

[م/السيد منطاوى]

انت كلامك فيه قليل صحيح وكثير غلط انا بحب كل من ينتمى للنادى الاهلى والعيبه الكبيره امثال ابو تريكه والصقر وبركات واحمد السيد وغيرهم دورهم فعال مع الاهلى ولا غنى عنهم اما نلنسبه للبدرى فهو مدرب مجتهد ولكن الاهلى عاوز مدرب اجنبى لديه فكر وخبره كبيره

[محمد قطب]

الاهــــــــــــــــــــــــــــــلى كبير ع البـــــــــــــدرى

بـــــــــــــــــــــــــــــــــــــــــــــــــ ـــــــــــــــــــــــس

[ابوجمعه]

ياباشا منظومة ايه لعيبتنا بتروح المنتخب مع المعلم بتكسر الدنيا يبقى العيب فى مين/فاكر لما جوزيه كان يخلص الدورى بدرى ويسافر البرتغال ويسيبه كان بيعمل بنفس اللعيبه اللى واخدين الدورى ولانسيت الاتحادالسكندرى ولا اولادالزمالك ولا المحله يارب تكون عرفت العيب فين

[ٱحےـمد اسےـماعيل]

المشاركة الأصلية كتبت بواسطة ابوجمعه

ياباشا منظومة ايه لعيبتنا بتروح المنتخب مع المعلم بتكسر الدنيا يبقى العيب فى مين/فاكر لما جوزيه كان يخلص الدورى بدرى ويسافر البرتغال ويسيبه كان بيعمل بنفس اللعيبه اللى واخدين الدورى ولانسيت الاتحادالسكندرى ولا اولادالزمالك ولا المحله يارب تكون عرفت العيب فين

فاكر انت بقى لما الاهلي على يد جوزيه أخد الدوري من الاسماعيلي بهدف وخرج الاهلي من بطولة ابطال افريقيا دور 16 وخرج من بطولة الكنفودرالية ؟؟؟

وبسبب الكلام ده جوزيه مشي

صح ولا ناسي ؟؟

[مـنـعـم امـبـابـى]

كلام سليم كلام معقول مقدرش اقول حاجه عنه

[aiman noor eldein]

كلام مضبوط بنسبة كبيرة جدا اخى احمد

[ٱحےـمد اسےـماعيل]

المشاركة الأصلية كتبت بواسطة aiman noor eldein

كلام مضبوط بنسبة كبيرة جدا اخى احمد

شهادة أعتز بها

شاكر لوجودكم جميعا اخواني

[سالم صديق]

وجة نظرى ان البدرى فاشل