[mero_fccu]

السلام عليكم ياشباب
1- انا عايز اعرف كام قمر لاسرائيل ممكن نلقطه فى مصر لانى انا لاحظت ان فى اموس 1/2/3/4/5 يعنى 5 اقمار وانا القمر اللى مظبطه عندى اموس 1 اللى هوا 4w ده السؤال الاول
2- السؤال التانى عايز اعرف الترددات الخاصة بقمر اموس 1 4w لان انا عندى القمر لما بعمل عليه blind search وافتح net search واخليه on بيلقط 40 TP ولما يبتدى يعمل سيرش على القنوات بعد مايخلص مرحلة سيرش التبيهات الاقى 32 TP failed و 7 تبيهات هما بس اللى ok وطبعا حصيلة القنوات من 7 تبيهات قليل اوى بتاع حوالى 74 قناة هل فعلا قمر اسرائيل بجلالة قدره كله ماعلهوش الا 74 قناة بس فى فنى دش نصحنى وقلى ان القمر ده بالذات السيرش عليه مابيلقطش الترددات اوتوماتيك لازم تدخلها يدويا ولو كلام الفنى ده صح ممكن حد يوضحلى كل الترددات التى تعمل على القمر اللى تنزل كل قنوات القمر المشفرة والمجانية
3- ماذا يعنى كلمة التردد الشبكى هل معناه انه عند ادخاله وعمل net search عليه ينزل كل الترددات والقنوات دون الحاجه لادخالهم واحد تلو الاخر
افيدونى افادكم الله

[فني تركيبات]

فى نفس الصفحه بالاعلى بالمثبتات
اختار القمر الذى تريده وهناك سوف تلقى طلبك ياغالى

[mero_fccu]

اشكرك على متابعتك ومرورك

[tito2018]

بص يا غالى
اسرائيل ليها اقمار كتير منها للاتصالات و منها للقنوات و كدا
مبدائيا و على حسب علمى هى لها 5 اقمار زى ما انت ما قلت
اموس 1 و ده خرج من الخدمه و دخل مكانه اموس 3
و بيوجد فى المدار 4 غرب هو و القمر اموس 2
و القمر اموس 5 لسه شغال قريب بقاله كام شهر و بيعمل فى المدار 17 شرق
اما القمر اموس 4 فده لسه هيطلق فى بدايه السنه الجديده
و مخطط له لتغطيه الهند و اجزاء من الصين و كدا و لسه مداره مش محدد
كدا الجزء الاول من سؤالك انتهى تمام
نيجى للجزء التانى
البلند سيرش او البحث الاعمى و ده مش متوفر فى كل الاجهزه
و ده الرسيفير بيعمل بحث و ينزل هو الترددات مع نفسه
اما البحث الشبكى اللى هو النت سيرش فده بتدخل التردد الشبكى و ده بيستخدم فى الاجهزه اللى مفهاش بلند سيرش و بدخل التردد الشبكى و هو بينزلك باقى الترددات يعنى الاتنين واحد و لكن يفضل البلند سيرش علشان تريح دماغك
اما الجزء الاخير لسؤالك
اسرائيل و اقمارها مقسمهم على خرائط توزيع
يعنى كل قمر اموس 2 و 3 فيه جزء منهم خاص باوربا و طبعا الترددات الموجهه لاوربا مش هتقدر تستقبلها و فيه ترددات خاصه بالشرق الاوسط اللى تقدر تستقبلها باطباق 60 سم مثلا اللى حضرتك بتستقبلهم و هما حوالى 10 قنوات مفتوحه منهم القناه الاولى و التانيه و العاشره و الكنيست يعنى قنوات تعبانه
بلاضافه الى باقه yes ودى المهمه لان فيها قنوات افلام و رياضه و كله
و ممكن تشغل الترجمه مع الافلام و الباقه دى تبع سيرفير مصراوى سات
لو عايز تشترك فيه او انتظر دخول باقى الاخوه فهم اكثر منى خبره
يعنى من الاخر لو ممعاكشى ***** فاتح باقه yes يبقا القمر ملوش لزمه تركبه
و اتمنى اكون اجابتك عن سؤالك

[mero_fccu]

الف شكر ليك ياتيتو فعلا ردك وضحلى كل شئ ميرسى ياباشا

[حورس العاطفى]

مغلق ويرجى عدم الحديث عن هذا القمر