[$ستار$]

بدأ ماسبيرو اجراءات تنفيذ قرار يقضي بحذف العديد من مشاهد "القبلات والرقص" الموجودة بالأفلام المصرية، والتي تُعرض على قنوات التليفزيون المصري.

ويأتي ذلك بعد فترة قصيرة من إعلان مجلس الشعب نيته مناقشة قرار يُجرم عرض المشاهد الإباحية في جميع وسائل الإعلام.

وقال مصدر من داخل ماسبيرو في تصريحات خاصة لـ FilFan.com إن المسئولين في رقابة التليفزيون بدأوا بالفعل في مشاهدة عدد كبير من الأفلام الموجودة بمكتبة ماسبيرو، تمهيدا لحذف المشاهد الحميمة بها.

وحسب ما صرح به المصدر، فإن جميع الأفلام التي رُشحت للحذف حتى الآن هي أفلام قديمة تعود لحقبتي الستينات والسبعينات من القرن الماضي.



من بين المشاهد التي ينوي ماسبيرو حذفها قريبا، مشاهد رقص نجوى فؤاد وتحية كاريوكا وسامية جمال، بالإضافة لمشهد تقبيل فريد الأطرش للبنى عبد العزيز بفيلم "خطاب من امرأة مجهولة".

كما تتضمن الخطة حذف مشاهد قبلات صباح وعبد الحليم حافظ، وأكثر من مشهد لرشدي أباظة وشادية بفيلم "الزوجة رقم 13"، ومشهد قبلة عبد الحليم حافظ ونادية لطفي في "الخطايا".

وتم التوصية بمنع عرض فيلم "أبي فوق الشجرة"، نظرا لعدد القبلات الكبير المتواجد به.

وكان حزبي "النور" و"الحرية والعدالة" قد تقدما بمشروع قرار مشابه بمجلس الشعب، وجار حاليا التحضير لمناقشته.

[abdol maher]

والله خبر كويس بس كده حيذفوا الافلام كلها والمسلسلات وأنتوا عارفين ليه طبعا لان نص الافلام القديمه رقص والذى منه

[ananadir]

كدة أحسن واللى عايز رقص يروح التيت

[الحمادوى]

المشاركة الأصلية كتبت بواسطة ananadir

كدة أحسن واللى عايز رقص يروح التيت

هههههه ومين قلك ان هيبقى فيه تت
دى هتتحذف من جدورها ان شاء الله

هو خبر جميل اهم حاجة تطبيقه على ارض الواقع من أجل تنشأة الاجيال القادمة على الفضيلة

[عماد العراقي]

بارك الله فيك

[$ستار$]

المشاركة الأصلية كتبت بواسطة الحمادوى

هههههه ومين قلك ان هيبقى فيه تت
دى هتتحذف من جدورها ان شاء الله

هو خبر جميل اهم حاجة تطبيقه على ارض الواقع من أجل تنشأة الاجيال القادمة على الفضيلة

ان شاء الله مش هيبقى فى التت

[سيكو الجامد]

تفتكرو هو دة الحل وعلى فكرانا مع الرقابة على الافلام بس قبل مش بعد وبعدين ما احنا حافظين كل حاجة فى الافلام دى وعارفنها وممكن ننزلها من على النت واية اللى هيمنع يا جماعة المسالة مسالة اخلاق ومش محتاجة اى كلام تانى ولا اى ضوابط من مجلس الشعب الحكاية كلها عندك انت المهم فى اللى جاى مش فى اللى راح وبعدين الخبر بيقول التيلفزيون المصرى هو التليفزيون المصرى عندة افلام اصلا

[خالد ستار]

ياريت يتم حرق هذه الافلام ومنعها من العرض

[sanaa1234]

اهم حاجة قنوات الدش مفيش حد بيتابع قنوات التلفزيون الارضى الا قليل قوى

[Osama taha]

يا ريت ده يحصل وربنا يهدى الجميع
واتمنى ان ده يحصل بسرعه قبل رمضان علشان الناس بتبقى صائمه والمفرود كل القنوات تعمل الصح لأن بلدنا بلد اسلامى

[abo-sami]

طول عمرنا هنفضل نتكلم فى الفاضى يعنى مجلس الشعب الجديد الفاشل حل كل مشاكل البلد علشان يفكر فى موضوع القبلات والرقص هما دول الاخوان منظر على الفاضى يا عم دوروا على البلد الى خربت اقتصاد تحت الارض تعليم فاشل سياسه مدمرة ثانيا حبيبتى ترسيخ الاخلاق فى النشئ تاتى من المدرسه التى قضت على الدين ولم يتبقى من التربيه الدينيه الا الاسم

[السيد نصرالله]

ان شاء اللى جاى افضل

[عالم-الدش]

كدة يبقى فية فرصة للاقمار التانية تذيع الافلامة المصرية بالرقص

[$ستار$]

شكرا على مروركم

[محمد555]

نتمنا من الله ان يكون فى اقرب وقت