إيه ألأسباب

طارق الجميل · #1 2012/04/12, 08:57 PM

إيـه ألآســباب

إيه ألآسباب ياحبيبى إللى خلتنا عن بعض أغراب
الزمن ده سبب فيهم ولا السبب هما الخُطاب
ولا الفراق ضحك علينا قول ياحبيبى إيه ألآسباب

أنا هاكتب كل كلمه هاقولها وحكيها لكل ألعُذاب
عشان يعرفوا إيه السبب, وإن الفراق مش من الباب للباب
هحكى أنا ع الحيره وكلامى كله هدونه فـ كتاب
يقراه كل حبيب وياخدوا بالهم قوى العُذاب

حبيبى سابنى ف يوم ومن غير مايقولى إيه ألآسباب
وقالولى إنه ع الفراق بيبكى والدموع ع الخدود منه بتنساب
ولما سألت عن السبب جاوبونى الناس إن فيه خُطاب
كله يتمنى نظره منه والكل واقف طابور ع الباب
لكن هو بس بيحبك وعشان كدا بيبكى ويشكى للآحباب

إفتكرت دموعه حقيقه, أتاريه مش سادئ كداب
وأنا إللى فضلت أحبه وعملت كمان قصته فـ كتاب
كل يوم أقراه عشان قلبى مايقفل عليه مليون باب
لحد ماكتشفت الحقيقه.. حقيقة الدموع اللى ع الخد بتنساب
لا كان بيبكى عليا, ولا حتى فاكر أنا مين يا أحباب

عشان كدا سألت الناس طب إيه ألأسباب
قالوا يمكن دلع, ويمكن بيتقل على الخُطاب
وفيه ناس قالوا هو كدا, فى حقيقته أصله كداب
بقيت لا قادر أنسه حبه ولا حتى أقرب عنده من الباب
وما بقتش عارف هو ليا, ولا مقسوم لواحد غيرى من العُزال أو ألآحباب

لو سألته مايقولش الحقيقه مش عارف إيه ألآسباب
ومش عارف اذا كان بيحبنى, ولا نسانى فـ لحظة صفا أوحتى عتاب
ياحبيبى فين الحقيقه جاوبنى, واوعاك تكون ش ما الناس بتقول كداب
إنته لمين بالظبط قوللى, مخطوب ولا لسه مصيرك منساب
أنا حبيبك ولا انت ليك غيرى حبيب, قوللى سبب البُعد, وإيه ألآسباب

إيــه ألآســباب
بقلمى

مارس /1994

ahmeddija · #2 2012/04/13, 02:53 AM

اقتباس:

عشان كدا سألت الناس طب إيه ألأسباب
قالوا يمكن دلع, ويمكن بيتقل على الخُطاب
وفيه ناس قالوا هو كدا, فى حقيقته أصله كداب
بقيت لا قادر أنسه حبه ولا حتى أقرب عنده من الباب
وما بقتش عارف هو ليا, ولا مقسوم لواحد غيرى من العُزال أو ألآحباب

كلمات رائعه بس خلي بالك الناس دي مش بتقولك الحقيقه
الاسباب من 94 لسه مش عرفتها يا راجل

أم رانا · #3 2012/04/14, 10:11 AM

كلمات رائعه جدا
تسلم الايادى اخى الفاضل ودام لنا قلمك الجميل
بانتظار المزيد والمميز من حضرتك
تقديري لك

طارق الجميل · #4 2012/04/14, 10:01 PM

اقتباس:

المشاركة الأصلية كتبت بواسطة ahmeddija

كلمات رائعه بس خلي بالك الناس دي مش بتقولك الحقيقه
الاسباب من 94 لسه مش عرفتها يا راجل

اولا اهلا بيك لقد شرفنى تواجدك الجميل,,,,,,
وعايز اقولك الحمدلله طبعا عرفت الاسباب,,,,,
وبالفعل طلعت الناس صادقه وطلع حيبى اللى,,,,,
كان حبيبى طلع كداب,,, مره تانيه بشكر تواجدك الجميل.

طارق الجميل · #5 2012/04/14, 10:06 PM

اقتباس:

المشاركة الأصلية كتبت بواسطة أم رانا

كلمات رائعه جدا
تسلم الايادى اخى الفاضل ودام لنا قلمك الجميل
بانتظار المزيد والمميز من حضرتك
تقديري لك

شرف تواجدك الجميل ادام الله على وصلك وكل التقدير لكى اختى الفاضله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
SENATOR 888 جهاز فاشل للأسباب الاتيه	hossamso	ريسيفرات المعالج صن بلص ( Sunplus 1506 HD )	15	2017/12/17 08:34 PM