[طه بغدادى]

طبعا ساعات لما نروح نشترى هدوم او اى حاجه من حته شعبيه او فيها زحمه بنسمع دايما لغه بين اللى بيبيعوا ما بنفهمهاش وممكن يكونوا بيتكلوا عليك وانت واقف سورى يعنى ولا فاهم حاجه
لو عايز تفهم تعالى بقى افهمك
بس يارب ماحدش يغتالنى من البياعين بعد النهارده
طبعا الموضوع دا فى منه انا عارفه وفو عرفته بالصدفه وفى مجمعه من عالنت من الناس اللى عندها خبره
المهم ان المحصله هى اقوى مجموعه كلام بياعين ممكن تلاقيها عالنت وتحدى
يالا بقى نبدا

اولا لما تلاقى البياع بيقول لزميله_ ارمى كعب نضاره_ معناها خد باللك من البضاعه لحسن تتقلب

ثانيا لما تسمع لفظ_ الدفش_ههههههههه اعرف انهم بيتكلموا على سيتك _وفشللك_ معناها اللى واقف معاك
فمثلا لو سمعت _طرأ الدفش اللى فشللك _معناها سيبك من الزبون اللى معاك دا مش هايشترى
وطبعا _ترى الدفش _معناها فكك منه.

وبرضه بس سورى بقى فى دى
لو سمعت_ العمود للزبون_ منعاها انهم كده ناويين يضحكوا عليك و يشيلوك حاجه بضعف التمن

ثالثا نيجى بقى للغه الارقام
وادى المعانى
خمسه جنيه

حمشه

عشره جنيه

عصاره

15

حمشه عصاره

20

حلون

25

حمشه حلون

30

شالوشه صفر

35 شالوشه حمشه صفر

40 داله

45 حمشه داله

50 حمشه صفر

55 حمشه حمشه صفر

60 شوشايه

65 حمشه شوشايه

70 شوبعايه

75 حمشه شوبعايه

80 شومنايه

85 حمشه شومنايه

90 شوشعايه

95 حمشه شوشعايه

100 زائوب جبارى

500 حيصه

وهو طبعا عامل اللغه دى عشان يتفقوا هما هايلبسوك كام وانت طبعا انت واقف ولا فى التراوه او فاكرهم بيهزروا مثلا وانت فى الحقيقه فى مؤامره عليك يا حرام.

وادى برضه شويه معانى كلمات
البرغل لافح

زبون سخن


صده رده

الدفع على قسطين

العدة
الفلوس

اللقمة
الف جنيه


العضة
10 الاف جنه



الحته ديه ( ج ) يعني البضاعه ديه جامده

الحته ديه ( د ) يعني البضاعه ديه اي كلام

طبعا لو سمعت كلمه _الدفش بلان_ اعرف ان فاكرك حرامى لو سمعت بعديها _حزى نضاره _اعرف انك فى عداد المفقودين فحاول اول ماتسمع الدفش بلان امشى بسرعه عشان هايبقى فى واحد بيسرق البضاعه من الناس اللى فى المحل.

[@@@ محمد كمبيوتر @@@]

روعه حبيبى الغالى
بارك الله فيك
بس انت شغال ايه
هههههههههه
تقبل تحياتى