[مجدى الهوارى]

السلام عليكم ورحمة الله وبركاته

باختصار كده

ربنا أنعم عليا برسيفرين

واحد دونجل والتانى عادى

عندى ترومان وباركليبس sst

نفذت كلام الاخ أحمد عبد النبى فى المثبتات

مع ضبط تردد الداتا اللى ذكره وهو 10770 /15730 أفقى

كان عندى من الأول لكن طلعت وصلت الإشاره ل 93% على الباركليبس

وبعدين نزلت تحت واديت الباركليبس سوفت هيرو

ووصلت واتأكدت من كل حاجه وكله تمام

لكن للأسف لم يعمل

أشيل السوفت وأمسح 5 مرات و10 مرات واظبط واشيل واحط

وفى ناس بتقول شغال وأنا قاعد هتجن

المهم قولت بص فيها تعب شويه

دخلت قسم الترومان قلت أقلب الموضوع

أخلى الترومان دونجل والباركليس رسيفر

لاقيت كل المتابعات بتقول شغال وبثبات ومفيش مشاكل القسم هنا

طبعا برده لازم تردد داتا وهوا 12525 /2900 عمودى

التردد كان صعب شويه والاخوان قالوا لازم تظبيط الطبق وتثبيته كويس

وقطعه من نوع خاص وكلام زى كده بصراحه الواحد كان مكسل

المهم شيلت العده وطلعت فوق السطوح جبت الطبق من جذوره

وثبته بالاسمنت والجبس من أول وجديد عشان يبقى مفيش حجه

رغم انه كان حديد لكن اعمل أيه لمخى الجزمه

الطبق متر

جبت الأوربى تمام والنايل تمام

وخشيت على اليوتل سات w3

وهنا ملحوظه خطيره وهامه وفنيه

متحطش تردد الداتا وتحاول تظبط عليه الإشاره

تردد الداتا ده لن يظهر له إشاره إلا بعد ثبات الطبق

فى مكان الإشاره من 3 إلى 5 ثوانى يعنى ممكن يا ولداه

مع الاستعجال تقعد تلف شمال ويمين واستحاله تيجى الإشاره

وعشان الاشاره تيجى لازم كل ما تلف سنتيمتر تستنى شويه

مده زى كده ........يعنى فيها ع الاقل 3 أو 4 ساعات ع السطوح

لا لا لا لا

فيه حل أسهل من كده بكتير

فيه تردد ساهل بس ضعيف شويه

10720 / 27500 رأسى اللى عليه القناه السنغالية ORTB

أو التردد

10720 / 22000 أفقى اللى عليه القناه السنغالية ORTM

لكن أنصحك بالتردد الأول لأن الثانى قوى جدا

ولو جبت الأول وعليت الإشاره شويه هتلاقى إشارة الداتا جت

وده اللى أنا عملته

ظبط على 10720 رأسى

وعلى فكره كنت بظبط برسيفر رونى لأن إشارته

مثل أغلب الرسيفرات الصينى الأخرى صغيره لكنها قوية

وهتعرفوا ازاى دلوقتى

مع التحريك الدقيق بالراحه وبالمللى

ومع زق الطبق نفسه يمين وشمال من فوق وتحت بدون تحريكه

وصلت إشارة 10720 رأسى ل 55% تقريبا
و 10720 أفقى / 22000 لقيتها 76 %

طبعا مكانش معايا التلفزيون فوق

قلت تردد الداتا جه يبقى كتر خيره

مجاش يبقى طز

نزلت تحت جربت الاشاره على الباركليبس

لقيت تردد الرأسى اللى كان ع الرونى 55% بقى 88% ع الباركليبس

والأفقى اللى كان 76 % بقى 93% أه والله هذا ماحدث وعندى الأن

مع تغير طفيف حسب الوقت وحالة الجو

المهم جربت تردد الداتا على الباراكليبس اللى هوا 12525 / 2900 رأسى

الحمد الله لقيته جه مابين 60 و 64 %

المهم شغلت الأول دونجل الترومان اشتغل صاروغ واتفرجت

على ماتش تشيلسى و بارشلونه على بلس 7 بتعليق الشوالى

وفاضل شغال 10/10 لغاية دلوقتى لكنى رجعت أقلب تانى

قلت اجرب دونجل الباراكليبس يمكن يجى بعد ما ظبطت

على تردد الداتا الجديد

والله يا إخوان مجرد ما عملت كل التظبيطات وجبت خاصية SSSP
اللى هيا التوين بروتوكول

لقيت الجزيره بلس 5 فتحت صاروخ

لم انتظر حتى 3 ثوانى والدونجل اشتغل تمام

لكن ملحوظه هامه

دونجل القسم هنا كثير التقطيع

ولما تروح لقناه مجانية وترجع لقناة مشفره

لازم تستنى شويه عشان تفتح

كمان لو طفيت الدونجل باور إنسى يشتغل تانى

إلا لما تديله سوفت من جديد

طب وعلى إيه وجع الدماغ ده

رجعت لحبيبى ترومان تانى لأنه طلقه

وقلت للباراكليبس أنت طلقه بالتلاته

ههههههههههههههه

دى كانت حكايتى مع الدونجل

وتوته توته خلصت الحدوته حلوه و الا ملطوطه

يا رب تكونوا استفادتوا منها

والسلام عليكم ورحمة الله وبركاته



على الترومان

[م/محمدزيان]

مشكور حبيبى
لكن ياريت تقول انت عندك ترومان اية لانى عندى
ترومان 150 بلس لكن لا يعمل دنجل
ودوخت على طريقة تخلية دونجل ملقتش
وشكرا عالتجربة الجميلة
انا حسيت انى بقرأ قصة قبل النوم
شكرا اخى

[م/محمد فؤاد]

الف شكر اخى العزيز

[ابوعبدة1]

بصراحة اللى عجبنى فى الموضوع ان مخك جزمة
ههههههه انت اللى قولت
برافو عليك

[مجدى الهوارى]

المشاركة الأصلية كتبت بواسطة محمدزيان

مشكور حبيبى
لكن ياريت تقول انت عندك ترومان اية لانى عندى
ترومان 150 بلس لكن لا يعمل دنجل
ودوخت على طريقة تخلية دونجل ملقتش
وشكرا عالتجربة الجميلة
انا حسيت انى بقرأ قصة قبل النوم
شكرا اخى

حبيب قلبى

جهازى هوا ترومان المعفن الصغير 190 mx

وده سوفت 150 بلس يدعم التوين بروتوكول

http://www.masrawysat.com/vb/attachm...4&d=1281496156

اضغط 9339
ثم
card shaer

تظهر قائمة بروتوكول اختار

sssp

انزل لتحت لغاية متخش على الصفحه التانيه
هتلاقيه فى أخر القايمه

[يمن سعد]

تسلم الايادى

[القمارى]

الحدوته حلوه

[جهاد33]

تحيه معطره اخى مجدى على كل مواضيعك

[kamal65_65]

الف شكر على مجهودك اخى مجدى معلش الغاوى لازم يتعب ويجتهد بس خلى بالك إياك تشغل البراكليبس عندك تانى هذا لايجوز لانك طلقته بالثلاثة .
وقلت للباراكليبس أنت طلقه بالتلاته . مش هو دة كلام خلاص كدة اتحرم عليك يااخى
هههههه

[غاز مفيش جاز مفيش فايدة]

كلام غير صحيح لاني مش عارف اشغل دونجل الترومان الا بعد المغرب لساعتين مع ذلك دونجل الباراكليبس يعمل بالثلاثة ايام عند عدم قطع الكهرباء اذن التردد مختلف44% هي اشارة التردد دا عندي

[mandooo]

المشاركة الأصلية كتبت بواسطة غاز مفيش جاز مفيش فايدة

كلام غير صحيح لاني مش عارف اشغل دونجل الترومان الا بعد المغرب لساعتين مع ذلك دونجل الباراكليبس يعمل بالثلاثة ايام عند عدم قطع الكهرباء اذن التردد مختلف44% هي اشارة التردد دا عندي

كلام غير صحيح انا عندي دنجل الترومان شغااااااااااااااال بقالو3 شهور انت اللي مش عارف تظبط الطبق بتاعك كويس

[غاز مفيش جاز مفيش فايدة]

المشاركة الأصلية كتبت بواسطة mandooo

كلام غير صحيح انا عندي دنجل الترومان شغااااااااااااااال بقالو3 شهور انت اللي مش عارف تظبط الطبق بتاعك كويس

انا باتكلم عن دنجل الباركليبس مش الترومان يعني اقصد ان تردد الداتا لو هو 12526 مكنش اشتغل عندي الباراكليبس الذي عمل الان كالصاروخ

[زيزو سات]

صبر واصرار جميل برافوا عليك والله

[غاز مفيش جاز مفيش فايدة]

طب ما الترومان مش شغال عندي يات استاذ مجدي الهواري الباراكليبس الغير معتدل شغال طلقة

[على الطواب]

اخ مجدى الدنجل الترمان بيشتغل على طبق من 80 وانت طالع سواء القطعة فى السنتر الوعلى مسطرة اهم حاجة تردد الداتة 12526ام عن ظبط القمر اواى قمر لزم تبتدى بتردودات العالية الاول علشان تعرف انك على القمر الانت عايزة وبعد كدة تظبط التردد الضعيفة وتعالية سواء للدنجل او لغير الدنجل على شان متقعدش طلع على الطبق كل شوية وعلى شان يبقة عندك اكبر عدد من القنوات فى حالت الرسرفر العادى او الدنجل يشتغل مارتح ام الظبط على اى ترددضعيف من البداية دة اكبر غلط لائن التردد الضعيف ليائتى الا وان مسبت الطبق على القمروابدء بعد كدة اعلى الاشارة الضعيفة ودة الاسهلا وصح ام الاستاذ غاز مفيش جاز مفيش فايدة عن عدم تشغل الدنجل الترمان مع ان الدنجل البربلكس شغال دة لائن الدنجل الترمان بيحتاج اشارة عالية وخصوصن اشارة الداتة 12526توصل الى 50% ام الثانى شغال على اشارة ضعيفة وشكرا