[داليا الاميرة]

صعيدي اشترى بي إم دبليو بمواصفات خاصة ،
فيها الكمبيوتر يصلح كل شيء من غير ما يروح التوكيل!
حب الصعيدي يجربها فكسر الباب اللي ع اليمين،
فرد الكمبيوتر:
يا أيها الباب ارجع كما كنت ، فرجع الباب ، وكسر الباب اللي ع الشمال،
فرد الكمبيوتر يا أيها الباب ارجع كما كنت!!!
عجبته الحكاية قام جربها وطار من فوق الكوبري!!
فرد الكمبيوتر:
يا أيتها النفس المطمئنة ارجعي إلى ربك راضية مرضية

*********

صعايده سمعوا عن اختراع أسمه السيفون حبوا يعرفوا هو إيه
بعتو واحد منهم القاهرة لما رجع قالهم أما السيفون ده حتة اختراع
يا رداله تدوس على السيفون تنزلك الميه ويا تلحق تشرب يا متلحقش.

*********

صعيدي مفتاح عربيته ضاع ميكانيكي جه فتحاله بطفاشه
تاني يوم عمل نسخه من الطفاشه .

*********

صعيدي راح لدكتور بلدياته قاله يا دكتور
كل أما أحط أيدي على عيني مشوفش الدكتور خرمله أيده .

*********

صعيدي عمل عمليه نجحت عملها تانى.

*********

صعيدي قال لأبوه أنا عاوز موبايل قاللوا
هادبهولك بس تركب أخواتك معاك.

*********

صعيدي بيعمل كشف نظر طلع نظره 6/6 فصاحبه بيقوله مش كده تمام
قالهأنا كنت ممكن أجيب أكتر من كده بس الدكتور اللي لخبطني .

*********

صعيدى دخل راسه فى قفص الاسد الحارس قاله انت بتعمل ايه يا بويا
قاله يا عم ما تخافش واحنا هناكله .

*********

صعيدى عرف ان الجلد موضة مشى عريان .

*********

صعيدى و صاحبه قاعدين عالقهوة بقالهم يجى ساعة ده يقوله دش
والتانى يقوله لع ده دبش يقوله لع دش يقوله وانى بجولك دبش
صاحب القهوة نادى عالصبى قاله روح يابنى شيل الشطرنج ده من ادامهم.

*********



*********

الصعايده فتحوا محل بيتزا سموه بيتزا هعععععععععع .

*********

صعيدي مات خبي على أهله .

*********

صعيدي حب واحده أتجوز أختها علشان يضمن يشوفها كل يوم .

*********

صعيدى بيقول لصاحبه .. بالي مشغول من امبارح يا هريدى
قاله يبجى اكيد حد رافع السماعه .

*********

صعيدى لقى كنز قال يابوى لسه هدور عالخريطة .

*********

صعيدى طلع رحلةو قعد جنب السواق ،
فالسواق نزل استراحة ورجع لقى الفتيس مش موجود قالوا الفتيس راح فين .....
قالوا لجيتك طول الطريق عمال تشد فيه مش عارف تخلعه جولت اشلهولك .

*********

واحد بلدياتنا دخل حمام افرنجي اخد معاه مترجم.

*********

صعيدى واقف قدامه خمس شياطين واحد يوسوسله و اربعه يفهموه .

*********

اربع صعايدة راحو يلعبو بلياردو، واحد منهم
وقف فوق الطرابيزة وقال لهم انا الجوووون.

*********

صعيدي ابنه بيقوله بكره عيد الحب يابا
قاله : يوووه ايه الورطة دى! وده صلاته ازاي ..

*********

صعايده بيلعبوا شطرنج الملك مات مشلول .

*********

بيسألوا واحد صعيدي بيقولوله المصري بنى الأهرامات
والياباني بنى إيه قالهم بنا سونيك .

*********

مجموعة صعايده ماتوا غرقانين في غواصة بعد التحقيق
في الحادث اكتشفوا أن واحد فيهم سمع خبط بره فتح يشوف مين .

*********

صعيدي أشترى تاكسي كل لما حد يقوله تاكسي يقوله أيوه تاكسي.

*********

صعيدي بيسأل صاحبه بيقوله إيه رأيك في تجارة المخدرات
قاله تجارة عين شمس أحسن .

*********

صعايده بلعبوا على قهوة واحد قال كش ملك والتاني
قال دبش والثالث راح واخد الكوتشينة وماشى .

*********

واحد صعيدي حب يعمل روش كتب على الشومة أديداس .

*********

واحد صعيدي ماشي في الشارع لقى قشرة موز ... قال ييييه حتزحلق تاني.

*********

واحد صعيدي بيدهن الحيطة ..قالوله حط جرنال تحتيك ..قالهم لأ أنا كده طايل كويس .

*********

صعيدي وقع في حفرة حدفوله حبل طلع مشنوق .

*********

صعيدي بيقول لصاحبه شوف العالم الهطله يدفعوا 25 مليون
علشان بن لادن أمال لو كان بن محوج كانوا عملوا إيه .

*********

صعيدي راح أمريكا لقى الناس لابسين تي شيرتات مكتوب عليها
بيبسى وكوكاكولا لما رجع البلد كتب على التي شيرت بتاعه عصير جصب.

*********

الأمريكان والروس بيترسموا على بعض الأمريكان يقولوا أحنا أول ناس طلعنا القمر ،
والروس يقولوا لا أحنا أول ناس طلعنا القمر ..
صعيدي كان واقف أضايق أوى ، قالهم أنتوا لما طلعتوا القمر لقيتوا هناك إيه
قالوله طوب ورمل وزلط ، قالهم أحنا اللي مطالعينه.

*********

صعيدي عايز يروح حفله تنكريه بعت أخوه.

*********

صعيدي جاى ينزل من باب العربية لقي الدنيا بتمطر راح نازل من الباب التاني .

*********

صعيدي دق في سدر أبنه مسمار عشان يعلقله البزازه .

*********

صعيدي أشتري عربية شبح طلع علي الطريق السريع
عشان يجربها فشغل الراديو لقي المذيع بيقول هنا لندن
الصعيدي قال يلعن أبو السرعة .

*********

بلديتنا عايز يعلم ابنه انجليزى راح ابتدائي منفعش،
راح ثانوى منفعش، راح الجامعة منفعش، قال لازم اوديه انجلترا
واجوزه واحدة من هناك عشان يعرف يتكلم انجليزى،
راح فى الصباحية بيقولها "مستر هريدى موجود؟" قلتلوا "نجولو! مين؟"

*********

الواد: بتعمل اية يابا؟؟
ابوه: بكتب جواب لعمك .
الواد: هو انت بتعرف تكتب؟؟
ابوه: يعني هو عمك اللي بيعرف يقرا يا فالح .. !

10 صعايده بيتعلموا ربط الكرافتة 6 ماتوا و 4 في حاله حرجه.
ويا رب الصعايدة اللي في المنتدي ميزعلوش لاني انا صعيدية والحمد لله

[احمد سمير]

ههههههههههه

شكرا لكى اختى الغاليه

[عاطف حبيب]

هههههههههههههههههه

بارك الله فيكي
اختي الفاضله

[احمد سمير]

هههههههههههههههههه

ههههههههههههههههههههههه

والله انتى مشكله انا رديت فى الاول ومكنتش قرأت النكت كلها

بس بجد والله روعه

[MOHAMMED FARAG]

إنا لله وإنا إليه راجعون 0
ده مش مكان وخبر يجتمعان0
" نكت و خبر وفاة "

[داليا الاميرة]

المشاركة الأصلية كتبت بواسطة mohammed farag

إنا لله وإنا إليه راجعون 0
ده مش مكان وخبر يجتمعان0
" نكت و خبر وفاة "

ليه حضرتك توقيع الاخ احمد سمير هو عزاء فيعني المفروض لما يدخل قسم النكت يغير التوقيع
علي العموم شكرا علي مرورك

[titornrn]

[المصرى1992]

واللهي شوية نكت من الاخر
تسلم الايادي

[أم رانا]

ههههههههههههههه
حلوين جداااااا الله يسعد قلبك حبيبتى

[مهندس محمودعبدالحميد]

بعد اذن الاخوانى المشرفين اللى ردوا على النكت اللى بها استهزاء بكلام ربنا سبحانه وتعالى وخصوصا النكته الاولى
يا اخى الفاضل يا صاحب الموضوع اتقى الله انت بتستغل كلام ربنا فى الكلام الفاضى دا ليه حرام عليك يا اخى والبعدين مالهم الصعايده يعنى هما مش مسلمين زيك ولا ايه ويا اخى ممكن يكون حد من الاعضاء او المشرفين صعيدى هيبقى شكلك انت ايه وفى النهايه مش هقولك الا كلمه واحده وهى عن لسان رب العزه سبحانه وتعالى {ما يلفظ من قول الا لديه رقيب عتيد } وطبعا فى النهايه سعادتك هتقول عليا صعيدى بس انا بقولك لا انا مش صعيدى بس يشرفنى انى اكون صعيدى لان الصعايده رجاله ومبيستهزؤش بالناس

[شحات صلاح]

مالك يابوى ومال الصعايده دى ناس محترمه

[ahmeddija]

انا لا احب هذا النوع من الكنت اللي فيه استهزاء بناس تانين
لو انتي تحبي حد يستهزء بيكي فدا حاجه تانيه

[@@@ محمد كمبيوتر @@@]

يا أيتها النفس المطمئنة ارجعي إلى ربك راضية مرضية

للاسف مغلق
نرجو البعد عن الشبهات
وشكرا لصاحبة الموضوع
وكل من شارك