[saleh 45]

انا ممبتدأ فى الصيانة بس انا شغال فنى موبيل فلما بيجيلى عيب معين فى اى تليفون بروح للمنطقة التى يخصها العيب فى بوردة التليفون فياريت من الاخوة اى حد يدلنى كيف اعرف ان هذه المنطقة فى الريسسفر مثلا خاصة بالصوت والاخرى خاصة بالاشارة وهكذا وياريت حد يقولى مثلا كيف اتتبع المكثفات اللى على خط 12 v وكيف اقدر احدد هذه الخطوط واقدر اعرفها كمان الايسيهات كيف اعرف ان هذا مثلا ايسى الباور او الصوت ولكم جزيل الشكر وعذرا على الاطالة

[مهندس محمودعبدالحميد]

بص يا غالى مهما كان الشرح فحضرتك مش هتستوعب ومن الافضل انك تمارس مع فنى ماهر وتتعرف على كل شئ

[saleh 45]

والله فى نطاق القرية اللى انا عايش فيها لا يوجد ولا يوجد امامى الا سموحة وانا الصراحة مجربها مش قد كده وعلى فكرة انا تابعت دورة مصراوى من البداية الى الاحتراف بس للاسف الموضوع مافيهوش جديد واتمنى الشرح من حضراتكم والفهم والاستيعاب من الله

[م/محمود العطفى]

بجد لو عاوز تتعلم تابع مع فنى متمرس

او على الاقل تابع الشروحات الهامه

والاعطال

[مهندس محمودعبدالحميد]

المشاركة الأصلية كتبت بواسطة م/محمود العطفى

بجد لو عاوز تتعلم تابع مع فنى متمرس

او على الاقل تابع الشروحات الهامه

والاعطال

تمام يا غالى وتسل ايدك وبالفعل على الاخ السائل متابعه الشروحات والاعطال الهامه فى المنتدى

[خالدعصر]

الله ينور عليكم

[saleh 45]

معلش يا اخوانا انا بطلب ولو حتى طريقة ممكن اعرف بيها مثلا ايسى الباور ايسى الصوت خطوط الفولتيات لانى مرة رفعت طلب وقيل لى اتأكد من المكثفات على خط 25فولت فا انا معرفتش الصراحة اعمل كده ولكم كل الاحترام والتقدير

[مهندس محمودعبدالحميد]

بص يا غالى التعليم مش سهل ومش صعب ولكن لابد من المتابعه النظريه مع فنى لكى تتعرف على كل شئ اما بخصوص خط 25 فولت اللى حضرتك بتقول عليه فدا بيبقى فى دائره البور ومش هو بس ولكن فيه خطوط تانيه كتير وكل خط هتلاقى فيه عناصر الكترونيه كمثال مكثفات وسليكونات وحضرتك من الصعب التعرف عليها الا اذا تابعت مع فنى ماهر

[saleh 45]

يا استاذى انا كل ما اطلبه الشرح او حتى تدلنى على موضوع بخصوص طلبى هذا انا شغال فنى موبيل وقرأت كتيير جدا فى المكثفات والدايود والمقاومات بس حتة الخطوط دى الصراحة معضلة امامى وياريت يا باش مهندس تقولى على متطلبات ورشة صيانة الريسيفر ويا ريت لو شوية شرح بخصوص لمبة السريا ولكم جزيل الشكر والله

[مهندس محمودعبدالحميد]

بص يا غالى معظم دوائر البور مكتوب عليها الخطوط اللى حضرتك تقصدها يعنى مثلا 5 فولت و22 فولت و30 فولت والارضى دائما يحمل 3 حروف انجليزى GND وهذه ما تسمى بالخطوط ولو واحد فيهم فاصل بنتاكد من الاشياء المغذيه له ودائما بتكون سيليكون ويقاس على وضع الصفاره وان صفر على الاتجاهين يبقى تالف وان مصفرش يبقى شغال اما بخصوص اللمبه السريا فالصوره توضحلك طريقه عمل السريا

[خالدعصر]

الله ينور متابعة ممتازة

[محمد محسن خطاب]

الله ينور اخوانى متابعه ممتازه

[رمضان خلف]

اخى الكريم الريسيفرات من الداخل تنقسم الجزئين جزء خاص بدائرة البور والجزء الثانى هو البوردة
والفولتيات الخارجه من دائرة البور مكتوبه بجوار سوكت الخرج الموجود فى نهاية دائرة البور ومتجه للبوردة
اما بالنسبة للايسهات فاى سى البور موجود بدائرة البور اما اى سى الصوت والصورة موجود بالبوردة خلف سوكت الاوديو والفيديو ولو عايز شرح اكثر دورة مصراواى من البدية الى الاحتراف اللى حضرتك قولت عليها موجود بها كل الشروحات للمبتدئين بالتفصيل الممل ولو عندك مشكلة او عطل باى جهاز اطرح موضوع جديد به نوع الجهاز والعطل وسيقوم الاساتذة مشرفين القسم ان شاء الله بالرد عليك

[saleh 45]

والله انا بجد مشكور لكم جميعا جدا جدا ولكن لى استفسار انا عايز اعرف ازاى اكشف على الاعطال بلمبة السريا ومعلش استحملونا يا جماعة وشكرا على سعة صدركم

[خالدعصر]

اللمبة السرية ياغالى مسئولة عن عطل واحد فقط لاغير وهو اكتشاف الشورت فى الرسيفر وفى اى جهاز اخر والشغبل بها اامن من ان تكون مبتدء وبتشتغل وتجرب على الكهربة العادية قد يسبب هذا قفلة كاملة فى المكان اللى حضرتك شغال فية

فمن الافضل ان نستخدم اللمبة السرية فى التجربة على الاجهزة قبل توصيلها فى الكهربة العادية مباشرة

ازاى تعرف الشورت

اللمبة ياغالى لو نورت يبقى فى شورت فى الجهاز

ازى لم تضيء اذا الجهاز ياامة سليم ياامة عدى مرحلة الشورت القفلة يعنى وقد يكون فية عطل اخر مثل تلف ايسى الباور الى .....................الخ