[فادى الامبراطور]

يا اخى حرام عليك هو انا كل لما اعمل موضوع تغلقه حرام عليك انا مش بستعبط على المنتدى انا مش بشحت منك يا اخى عارف الاجابة ترد عليا مش عارف بلاش تقول مكرر وتغلق الموضوع بلاش تكبر ارجوك
وشكرا

[M!DO2]

يا اخي اعتقد للمنتدي قوانين واعتقد انك لم تطبق القانون في مواضيعك وثق تماما ان كل عضو في المنتدي يحتاج كل معلومه وان كنت قد طبقت قوانين المنتدي في مواضيعك وتم غلقها اعتقد انه خطا اداري وان لم يكن خطا اداري والاستاذ حورس قاصدك فاكيد انت افتعلت مشكله من قبل وارجو منك ومن الاستاذ حورس حل المشكله بدون ان تزعجوا بعض لاننا هنا كلنا في خدمه الاعضاء

[hema 2010]

الاستاذ حورس بيقفل المواضيع المكررة عشان
يحافظ على تنظيم القسم
وبعدين شوف حضرتك من اول ما دخلت القسم عملت كام موضوع
والاستاذ حورس رد عليك وفادك فى كام موضوع

[مهندس هيثم السعيد]

الاستاذ حورس بيديك رابط للموضوع الأصلي
ويغلقه ويبقي التركيز في الموضوع الأصلي الي بيديك الرابط بتاعه قبل ما يقفل الموضوع
لكن لو ادالك الرابط وما قفلش الموضوع ها تلاقي واحد داخل يسأل سؤال تاني في موضوع تاني في نص الموضوع او اى حاجه كده
فا هو بيحافظ علي نظام القسم وعدم تكرار المواضيع

[فادى الامبراطور]

مهو انا بسأل فى الموضوع الاصلى محدش بيرد عليا فقلت اعمل موضوع جديد

[حورس العاطفى]

المشاركة الأصلية كتبت بواسطة فادى الامبراطور

مهو انا بسأل فى الموضوع الاصلى محدش بيرد عليا فقلت اعمل موضوع جديد

ماهو حضرتك فى الموضوع الاصلى سالت على تردد القناة
واعطيتك رابط الباقة كاملة بما فيها القناة المطلوبة
سالت هى بتشتغل على الشيرنج وجوبناك بنعم
وفى الاساس حضرتك سائل لانها بتنقل المصارعة مباشر
يعنى كده الميعاد واضح بما انك من هواة المصارعة
وبعد ده كله حضرتك راجع تسال تانى
اكننا فى مشهد فى فيلم وبنعيد تانى ومع ذلك بكل ادب اعطيتك رابط من غير ما احرجك وقولك مكرر اتبرعت حضرتك بالرد بالجملة الجميله
يا اخى انا بسال على تردد القناة ومواعيد المصارعة لو كنت مش عارف متردش تخيل بعد الاجابة ديه كلها اطلع مش عارف وحضرتك اللى عارف والا المطلوب منى مع الاجابة اجى انزل الترددات على الرسيفر عندك
واتفرج بالمرة عشان حضرتك ترضى عنى بما انى بساعدك وباخد فلوس
عيب لما يكون حد بيساعدك وتقوله يا اخى عيب ------------

[فادى الامبراطور]

المشاركة الأصلية كتبت بواسطة حورس العاطفى

ماهو حضرتك فى الموضوع الاصلى سالت على تردد القناة
واعطيتك رابط الباقة كاملة بما فيها القناة المطلوبة
سالت هى بتشتغل على الشيرنج وجوبناك بنعم
وفى الاساس حضرتك سائل لانها بتنقل المصارعة مباشر
يعنى كده الميعاد واضح بما انك من هواة المصارعة
وبعد ده كله حضرتك راجع تسال تانى
اكننا فى مشهد فى فيلم وبنعيد تانى ومع ذلك بكل ادب اعطيتك رابط من غير ما احرجك وقولك مكرر اتبرعت حضرتك بالرد بالجملة الجميله
يا اخى انا بسال على تردد القناة ومواعيد المصارعة لو كنت مش عارف متردش تخيل بعد الاجابة ديه كلها اطلع مش عارف وحضرتك اللى عارف والا المطلوب منى مع الاجابة اجى انزل الترددات على الرسيفر عندك
واتفرج بالمرة عشان حضرتك ترضى عنى بما انى بساعدك وباخد فلوس
عيب لما يكون حد بيساعدك وتقوله يا اخى عيب ------------

يا باشا لو شايفنى غلطان فانا اسف بس انا لحد دلوقتى محدش جاوبنى ميعاد المصارعة مباشر امتة

[ابومختار]

المشاركة الأصلية كتبت بواسطة فادى الامبراطور

يا باشا لو شايفنى غلطان فانا اسف بس انا لحد دلوقتى محدش جاوبنى ميعاد المصارعة مباشر امتة

يا صديقي اسوا حاجة في الدنيا المصارعة دي اللي انت خارب الدنيا عليها وزي ما انت من ايام التخته اللي كنا بنقعد عليها سوا زمان لم تتغير الميعاد فجر الثلاثاء ممكن الساعة 2 او 3 او 4 فجرا والمهرجان بيبقي الساعة 2 فجرا كل شهر واتمني وانت بتسمع مصارعة يطلعلك من التليفزيون الحانوتي وياخدك معاه لامريكا او الي ...... قولوا امين خلاص كده فهمت ولا لسه تجرح في الناس ع الفاضي

[فادى الامبراطور]

المشاركة الأصلية كتبت بواسطة ابومختار

يا صديقي اسوا حاجة في الدنيا المصارعة دي اللي انت خارب الدنيا عليها وزي ما انت من ايام التخته اللي كنا بنقعد عليها سوا زمان لم تتغير الميعاد فجر الثلاثاء ممكن الساعة 2 او 3 او 4 فجرا والمهرجان بيبقي الساعة 2 فجرا كل شهر واتمني وانت بتسمع مصارعة يطلعلك من التليفزيون الحانوتي وياخدك معاه لامريكا او الي ...... قولوا امين خلاص كده فهمت ولا لسه تجرح في الناس ع الفاضي

فجر الثلاثاء ده يعنى يوم الاثنين الساعة 2 بليل كدة

[ابومختار]

اليوم اللي صابح الثلاثاء يابني لسه فيك داء ال.ب.ء

[فادى الامبراطور]

المشاركة الأصلية كتبت بواسطة ابومختار

اليوم اللي صابح الثلاثاء يابني لسه فيك داء ال.ب.ء

بقولك ايه انت بتتفرج عليها على قناة ايه ؟

[حورس العاطفى]

مغلق لانتهاء الغرض منه