[godzla_said]

انا لسة مصراوى جديد فى شغل الصيانة
اول شاسية اغيرة لوحدى جيت اعمل واجب مع الحاج والدى عانده تلفزيون شارب قديم 16 بوصة الشاسية الاصلى بتاعه اتصلح كتير اوى وهلك قولت اعمل معاه واجب واجيبله شاسية جديد
جيبت شاسية فيجا بس وقعت فى مشكلة زور الشاشة رفيع وسوكت ال rgb طبعا عريض قولت سهله فكيت السوكيت القديم بتاعه الاصلى مركبش على الكارته معلش طولت عليكم
لو جيبت سوكت جديد زور رفيع وركبتة على كارته rgb هيشتغل كويس ولا الحاج هيفقد فيا الثقه

[مصطفى المصرى]

المشاركة الأصلية كتبت بواسطة godzla_said

انا لسة مصراوى جديد فى شغل الصيانة
اول شاسية اغيرة لوحدى جيت اعمل واجب مع الحاج والدى عانده تلفزيون شارب قديم 16 بوصة الشاسية الاصلى بتاعه اتصلح كتير اوى وهلك قولت اعمل معاه واجب واجيبله شاسية جديد
جيبت شاسية فيجا بس وقعت فى مشكلة زور الشاشة رفيع وسوكت ال rgb طبعا عريض قولت سهله فكيت السوكيت القديم بتاعه الاصلى مركبش على الكارته معلش طولت عليكم
لو جيبت سوكت جديد زور رفيع وركبتة على كارته rgb هيشتغل كويس ولا الحاج هيفقد فيا الثقه

هيشتغل كويس بس ياريت توديه لفنى احسن حتى لا تفقد الشاشه ولسلامتك

[godzla_said]

انا فنى صيانة وصينت تلفزيونات ورسيفرات بس داه اول شاسية اركبة

[جابر النقاش]

يا غالى زى مافيه مكان لرجول السوكت زور تخين فيه للرفيع وهتلاقى مكان الرجول مظبوط على السوكت بتاع الشاشه بص هحاول ارفعلك صور للموضوع

[جابر النقاش]

ده طريقه تعديل من الزور التخين و الزور الرفيع الصوره دى مش انا اللى عاملها هى موجوده على مصراوى سات المنتدى العظيم
وهرفعلك صوره تانيه مشار فيها مكان الرجول

[مصطفى المصرى]

المشاركة الأصلية كتبت بواسطة جابر النقاش

ده طريقه تعديل من الزور التخين و الزور الرفيع الصوره دى مش انا اللى عاملها هى موجوده على مصراوى سات المنتدى العظيم
وهرفعلك صوره تانيه مشار فيها مكان الرجول

تسلم اخى جابر

[godzla_said]

انا كنت بسال بس ان السوكيت القديم مركبش على الكارته
فالو جيبت واحد جديد هيركب ولا لا بس كدا تمام الله ينور عليكم
فهمت الموضوع كويس وان شاء الله هرد عليكم بعد ما اشغله والحج يدعيلى دعوه حلوة

[جابر النقاش]

منتظرين ردك بأتمام التركيب

[الاستاذ1]

المشاركة الأصلية كتبت بواسطة godzla_said

انا كنت بسال بس ان السوكيت القديم مركبش على الكارته
فالو جيبت واحد جديد هيركب ولا لا بس كدا تمام الله ينور عليكم
فهمت الموضوع كويس وان شاء الله هرد عليكم بعد ما اشغله والحج يدعيلى دعوه حلوة

نعم يوجد سوكت نازل جديد اسمه/سوكت رفيع حديث/ صنع خصيصا للشاسية الصينى _ العمل قم برفع السوكت الموجود وركب السوكت الحديث هتلاقى مكانه فى الكارتة ولاتنسى سلوك اليوك الاحمر مع الاحمر والازرق مع الازرق _وسلك الارضى بتاع الشاشة ركبة على ارضى السوكت___ اتمنى لك التوفيق

[جابر النقاش]

الله ينور مهندسنا / الاستاذ1
ومتظرين رد صديقنا

[godzla_said]

معلش على التاخر فى الرد كان عاندى ظروف
جيبت سوكت الشاشه امبارح ولما ركبته اشتغل تمام
بس الصورة بدون الوان ابيض واسود
مش عارف ليه

[احمد سمير]

عندك فى الريموت من تحت
مفتاح مكتوب عليه ( s SYS )
وهذا المفتاح لتغيير الأنظمه إضغط عليه لكى
تصل للضبط الأوتوماتيكى للأنظمه

[godzla_said]

مافيش اى تغيير فى الوان كل اللى بيتغير الاضائة بس
حتى كلمة فيجا الشاشه الزرقاء بتعتها برضو ابيض واسود

[godzla_said]

تم حل العطل والحمد لله
خط اللون الاحمر واللون الاخضر مش واصلين للسوكيت الرفيع
عدلت عليهم واشتغل تمام الحمد لله