[محمدالسقا]

السلام عليكم
يا جماعه إقرأوا كلامى حتى ولو بدون تعليق بس إقرأوه وأنتم عاقدين النيه على الإصلاح والوقوف ضد كل مايدعو للدمار والشتات والفرقه ، الفرقه اللى خلاص ملئت البلد كلنا ضد بعض كلنا بنخون بعض كلنا مش متفقين على راى ولا حتى على أى حاجه .

يا جماعه البلد بتروح والله مصر بتقع زى ما التاريخ هيمجد إخواتنا اللى ماتوا ودفعوا ضريبه الحريه وحب البلاد وأيضا الإنفلات الأمنى والتعصب الأعمى ممكن يلعنا كلنا ويقول إننا كنا سبب الإنهيار .

كفايه بقى بالله عليكم وأنا أولكم يالا نحط إيدنا فى إيد بعض البلد بتنهار والله انا بشتغل فى توكيل ملاحى إمبارح كان عندى مركب عليها 4 بحاره تعيين يعنى هيبدأو رحله شغلهم من بورسعيد وأنا داخل الميناء حصلت الأحداث والله جروا فالشارع فى منتهى الرعب وقنبله جت على دماغه وقع فالأرض هيموت من ريحه الغاز وباب الميناء إتقفل والظابط بيقولى هعملك إيه من جوا من ورا السور!!!!

بالله عليكم ده وضع نرضاه على أرضنا أقسم بالله فى ناس غريبه إنهارده الألتراس مشيوا لما لقيوا ناس طلعت فوق العمارات وبترمى مولوتوف على الجيش من فوق يا جماعه عندنا أزمه فكل حاجه من أول الثقه مرورا بالعماله والأسعار والإسكان والصحه والمرتبات والوظائف والبنزين وإحترامنا لبعض .



مش معقول يفشلوا فى تفريق صفوف المصريين بالفتنه الطائفيه وينجحوا يفرقونا ويكرهونا فبعض بماتش ما طول عمرنا مش بنطيق بعض إنما كوره وبس ماشغلنا فالقاهره وإسماعليه والسويس وسفاجا والغردقه وشرم وما كنش فيه أى مشكله وأى حد من أى محافظه بيجى عندنا كان بيبقى فوق الراس ياخونا والله إحنا ففتنه كبيره لازم نفوق نفسنا منها .



انا مش طالب منكم تردوا أو حتى تسخروا منى أقروا الموضوع بقلوبكم وأنتم نيتكوا الإصلاح .



{إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ}



{وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ}



اللهم احفظ مصر واجعلها في امانك واحسانك

اللهم اجعل لنا من كل هم فرجا

ومن كل ضيق مخرجا

ومن كل بلاء عافيه

اللهم انت ملاذنا وانت عياذنا

وعليك اتكالنا اللهم احفظ مصر من كل سوء ومكروه وفتنه

يا كريم يا كريم يا رحيم

اللهم احفظ امننا ووحدتنا واستقرارنا

اللهم اكشف الغمه

اللهم اكشف الغمه

اللهم اكشف الغمه

واطفيء جمرة الفتنه

وشرارة الفوضي ونار الاصطدام يارب العالمين

اللهم اجعل مصر آمنه مطمئنه ساكنة مستقره

محفوظة مصونه

اللهم آمين يارب العالمين

[منصوراوى]

انا مش طالب منكم تردوا أو حتى تسخروا منى أقروا الموضوع بقلوبكم وأنتم نيتكوا الإصلاح .

نحن نحترم رائيك اخى الكريم ورائيك مهم بالنسبة لنا
وحاشى لله ان نسخر من احد عسى ان يكون خيراً منا
معك كل الحق اخى الكريم يجب نبذ التعصب الاعمى
وفتيل الغضب بين المصرين وقاتل المصريين هو من يجب ان يعاقب اشد العقاب

[السيدعبدالعزيز]

اللهم آمين ...

مثبت لاهميته ..

[aldigital]

لك احترامي وتقديري انت وطني حقيقي وهو ده شعب مصر
واسمح لي باقتباس دعائك
اللهم احفظ مصر واجعلها في امانك واحسانك

اللهم اجعل لنا من كل هم فرجا

ومن كل ضيق مخرجا

ومن كل بلاء عافيه

اللهم انت ملاذنا وانت عياذنا

وعليك اتكالنا اللهم احفظ مصر من كل سوء ومكروه وفتنه

يا كريم يا كريم يا رحيم

اللهم احفظ امننا ووحدتنا واستقرارنا

اللهم اكشف الغمه

اللهم اكشف الغمه

اللهم اكشف الغمه

واطفيء جمرة الفتنه

وشرارة الفوضي ونار الاصطدام يارب العالمين

اللهم اجعل مصر آمنه مطمئنه ساكنة مستقره

محفوظة مصونه

اللهم آمين يارب العالمين

[eslam taher 2]

الله عليك يانجم النجوم والله نحن فى اشد الحاجه لمثل هذه الدعوات .. اللهم ارفع مقتك وغضبك عنا ولا تؤاخذنا بما فعل السفهاء منا ... اللهم نجنا من الفتن ما ظهر منها وما بطن .. اللهم احمى مصرنا واقسم ظهر من ارادها بسوء .. اللهم امين .