[Fnon]

السلام عليكم

النهاردة وبعد عناء وبحث ومجهود كتير عملته في الموضوع دة وصلت لحل اخيرا لمشكلة التقطيع الي بتواجه اصحاب الاستار سات 2000 عند التسجيل من قنوات الاتش دي وخصوصا الجزيرة

المشكلة على ما اعتقد انها في رمات الجهاز الي بنسجل عليه يعني اغلب الي بيسجل بيسجل على فلاشة يو اس بي وطبعا الرامات بتاعتها مش كبيرة والتسجيل من الاتش دي بيتعبها ودة بيبان من سخونة الفلاشة عند انتهاء التسجيل

الحل ان التسجيل يكون على هارد الكمبيوتر ولقيت شرح حصري كان عامله عضو محترم هنا معانا في المنتدي بطريقة ربط الرسيفر بجهاز الكمبيوتر مباشرة

طريقة ربط الرسيفر للكمبيوتر بيبقى عن طريقة خاصية SMP file setup

ودي خاصية موجود في اليوتيوب تحت خالص عموما هسيبكم مع الشرح كان للكيوماكس ولاكنه شغال تمام على الاستار سات 2000

وبعد تطبيق الشرح سيتم التسجيل مباشرة على هارد الجهاز بتاعك والتسجيل هيطلع مظبوط جدا مفهوش اي رمشة طبعا ولا اي تقطيع ولا عيوب الصورة الي كانت بتظهر بعد التسجيل

الخطة الأولى:-
جعل الويندوز حاهز للشيرنج

نفتح control panel و نجيب large icons من فوق و بعدين نفتح network and sharing center

ندوس على change advanced settings اللى على الشمال


و نعمل الإعدادات بالظبط زى الصور مع ملاحظة إنها home/work فوق:-



ده الباقى طبعا هنا


بعدين نرجع تانى و ندوس على المكان اللى فيه Home Network و لو هى حاجة غيرها, نختار Home Network:-





الخطوة التانية, عمل شيرنج للفولدر:-
نعمل فولدر فى أى مكان فى الهارد و بعدين نجيب properties و بعديها sharing و بعديها تضغط على Share.... اللى فوق و نزود everyone



بعد إضافة everyone, نعمل read/write




الخطوة التالتة, معرفة الip:-
نخش اللى دخلناها قبل كده "network and sharing center" و نضغط على change adapter settings اللى على الشمال



status على الconnection بتاعك


نضغط على details


و الip address هيبقى مكتوب جنب IPv4 Address


بعد كدة خش advanced اللى فى الmenu و هات SMB File Setup و إعمل كما بالصورة:-
مع مراعاة إنى كاتب الip بتاع الكمبيوتر و بعدين slash (/) و بعدين إسم الفولدر


طبعا لو رقم الip إتغير فى الكمبيوتر, هتعمل الخطوة التالتة و تغيره فى الرسيفر هو كمان (اللى هو رقم 3 فى المثال)

ملحوظة برده تانية معلش:-
فى الusername و الpassword, كل اللى عليك تدوس ok و لما تطلعلك الkeyboard ماتكتبش حاجة و دوس على ok اللى فى الkeyboard
كده الusername هيبقى guest و الباسوورد هيبقى فاضى

و طبعا إنزل بعديها على enable و دوس ok و غيرها لyes


كده عملت مشاركة مع الكمبيوتر...

1- لعرض الأفلام أو مقاطع الفيديو, إعمل copy للفايل فى الكمبيوتر إلى الملف بتاع المشاركة, اللى هو qmax فى المثال و بعديها دوس على زرار الusb فى الرسيفر و هتلاقى كل الفايلات اللى أنت حاططها

2- للتسجيل على الكمبيوتر, دوس على زرار الusb و بعدين أصفر و إختار change recording path و غيرها من C إلى O

طبعا لو عايز تسجل حاجة على الفلاشة, بكل بساطة حط الفلاشة و بنفس الطريقة غير الrecording path من O إلى C

مع ملاحظة إنك لو حاطط فلاشة و عامل مشاركة فى نفس الوقت و دوست على زرار الusb... الC هيبقى الفلاشة و الO هيبقى الكمبيوتر


لو الطريقة مشتغلتش, إقفل الfirewall و جرب تانى

والي عايز الشرح للاكس بي دة رابط الاصلي للموضوع http://www.masrawysat.com/vb/showthread.php?t=56490

وكل الشكر طبعا للعضو Hamadamoh صاحب الشرح الاصلي

اتمني الناس تجرب وتقول اخبار النتيجة معاهم ايه وبالتوفيق ان شاء الله

[rukee]

جزاك الله الف خير

[ziko2011]

تسلم علي الشرح الرائع تحياتي

[Bayback]

شكرا لك اخى الكريم لكن الموضوع ابسط من كدة بكتير
المشكلة دى واجهتنى وتعبت جدا عقبال مالقيت حل وكان فى اكتر من موضوع بخصوص التسجيل من قنوات الاتش دى
الفلاشة الى موجودة عندنا سرعة القراءة بتاعتها عالية لكن سرعة الكتابة والنسخ ضعيفة وممكن تعرف سرعة النسخ والقراءة عن طريق برنامج اسمة سبيد اوت
لو حضرتك جيبت فلاشة نضيفة وسرعتها فى النسخ عالية هيسجل معاك من غير مشاكل ان شاء الله
وانا جربت بردة هارد يو اس بى وسجل تمام من غير تقطيع

[Fnon]

المشاركة الأصلية كتبت بواسطة bayback

شكرا لك اخى الكريم لكن الموضوع ابسط من كدة بكتير
المشكلة دى واجهتنى وتعبت جدا عقبال مالقيت حل وكان فى اكتر من موضوع بخصوص التسجيل من قنوات الاتش دى
الفلاشة الى موجودة عندنا سرعة القراءة بتاعتها عالية لكن سرعة الكتابة والنسخ ضعيفة وممكن تعرف سرعة النسخ والقراءة عن طريق برنامج اسمة سبيد اوت
لو حضرتك جيبت فلاشة نضيفة وسرعتها فى النسخ عالية هيسجل معاك من غير مشاكل ان شاء الله
وانا جربت بردة هارد يو اس بى وسجل تمام من غير تقطيع

تمام يا باشاا بس اعتقد ان دي افضل طريقة للتسجيل للي معندهوش فلاشة سرعتها كبيرة خصوصا انها ليها مميزات انك بتسجل على الكمبيوتر فالمساحة غير محددة ومش هتكلفك انك تشتري فلاشة او هارد يو اس بي

[Fnon]

وياريت ياباشا لو بتسجل من الاتش دي تقولي ليه الماتش بيتقسم على كذا ملف لما بتسجله بالظريقة دي يعني اقصي ملف بيبقي 3.9 جيجا ياريت لو تعرف السبب او تعرف حل انه يبقى ملف واحد ياريت تقولي

[وائل بدوية]

ارجو من حضرتكم ملف قنوات عربى بجميع الاقمار بتاريخ النهاردة بكل جديد وشكرا

[Bayback]

عندى بيبقى ملف واحد مبيتقسمش ولا حاجة

[Fnon]

المشاركة الأصلية كتبت بواسطة bayback

عندى بيبقى ملف واحد مبيتقسمش ولا حاجة

يعني انت جربت تسجل ملف من قناة اتش دي وحجمه عدي 4 جيجا يعني بقى مثلا 4.5 او 5 جيجا وفي ملف واحد؟؟؟

[mido2203]

شكرا لك اخي علي الطريقه ولكن انا عملت الطريقه زي ما حضرتك كاتبها وكل ما ادوس علي زار usb الجهاز يهنج ويقف