[peter_7]

فى البداية انا فخور بهذا المنتدى المصرى الملئ بالخبرات الرائعة


انا جديد فى موضوع الدنجل ومعلوماتى عنه بسيطة جدا وعندى بعض التساؤلات

1- هل ريسفير استرا 9400 يتعامل مع الدنجل ؟

2- هل من اللازم عمل سوفت وير للريسيفر لتشغيل الدوجل عليه ؟
مع العلم ان الريسيفر بالسوفت وير الاصلى منذ شرائه فى شهر يوليو 2006 ولم يتم تحديثه نهائيا

3- ما هى اسعار الدنجل مثل MicroBox - MoreBox ؟

4- هل جهاز الدنجل له فترة صلاحية لفتح الباقات المشفرة مثل art-***-jsc ؟
ولو له فترة صلاحية ايه العمل بعد انتهائها ؟

5- ما المطلوب للشراء غير جهاز الدنجل ؟

مع العلم انا عندى طبق 160 متحرك وريسفير استرا 9400


انا اسف لكثرة الاسئلة وشكرا لكم

[أبـو رضـا]

اهلا ومرحبا بك أخى الحبيب
بالنسبة لريسفر الأسترا توجه
لقسم الأسترا وإعمل موضوع هناك
مرفق ببيانات الجهاز أما بالنسبة
للدونجل فهو غير مضمون بالمرة
والموربوكس متوقف حاليا ويحول للسام سات
ويمكنك تركيب عدسة اخرى لإلتقاط قمر الشيرنج
الخاص بتشغيل الدونجل مع عدسة النيل سات
وأخيرا ونصيحة لوجه الله تعالى إبعد عن الدونجل
وهات ريسفر بلان افضل مليون مرة من الدونجل
وهناك انواع جيدة بسعر معقول مثل الفانتوم بلص
وكيوماكس الجولد وستار سات 1000
تحياتى

[peter_7]

الف شكر يا م. مجدى

يعنى الشيرنج بالانترنت مضمون عن الشيرنج الفضائى ( الدونجل )

[faresanas25]

اولا مرحبا بك في مصراوي سات العريق
ثانيا اجهزة الاسترا القديمة لا تدعم الدنجل
ثالثا اضم صوتي لصوت اخي الحبيب الاستاذ مجدي بان الدنجل غير مضمون لانة ببساطة قصة فاشلة ووجع دماغ وهاتتعب معاة دة بالنسبة للمبتدئين واسف علي التعبير و لا اقصد الاساءة اطلاقا ولكن صدقني انا بقالي كتير معاة وتعبت كثيرا وغيرت دناجل كتير وفلاشات كتير وسوفتات كتير ده غير انه ممكن يكون في ماتشات وبطولات مهمة ويكون فاصل لكن اخي الكريم ريح دماغك واشتري جهاز بلان ويسلام لو يكون hd هايكون افضل وكمان الفرق بسيط بالنسبة للسعر واهم الاجهزة فالسوق حاليا كيوماكس الجولد او الجوكر بانواعة او استار سات او ترومان 9090 او سوبر جولد 9900
واخيرا اتمني لك التوفيق اخي في مجالاتنا واضافة جديد في مصراوي

[peter_7]

شكرا يا استاذ فارس

وصحيح انا مبتدئ فى موضوع الدنجل لكن حبيت اجمع معلومات واسأل اهل الخبرة قبل اتخاذ قرار بالشراء ولكن الان غيرت فكرتى ويرجع الفضل لكم

لكن بالنسبة لانواع الريسيفرات التى بها Lan و HD ما هى افضل الانواع من حيث الامكانيات وبلد المنشأ

[faresanas25]

اخي لاشكر علي واجب نحن هنا في مصراوي سات في خدمتكم وان تعم الفائدة علي اعضائنا الكرام واسف مرة تانية علي كلمة مبتدء ولكن كما وضحت لك انا لا اقصد الاساءة اطلاقا وعن الاجهزة بلان طبعا ياتي في المقدمة الكيوماكس
بجميع انواعه سواء جولد او جوكر hd او عادي وهناك الجوكر v2 و v3 وv1 وياتي v2 في المقدمة لسرعتة الفائقة في فتح القنوات وايضا في الصنع وايضا في الامكانيات وانصحك به وبعد ذلك ياتي السوبر جولد 9900 hd لدعمة المستمر من السوفتات وما شابه ذلك وايضا ياتي الترومان 9090 hd وهو عملاق بمعني الكلمة وهذا علي حد علمي لاني بصراحة هي دة الاجهزة اللي اشتغلت عليها واعرف اجهزة اخري كثيرة ولكن للاسف لا اعرف مدي قوتها او نقاط ضعفها فلا افتي لاني ماشتغلتش عليهم .... ولك اخي الاختيار وارجو ان اكون وفيت لك ماطلبت لتعم الفائدة
والسلام ختام

[peter_7]

شكرا مره ثانية على الافادة
والسوبر جولد ده نوع من ضمن انواع الكيوماكس ام ماركة اخرى ؟
وايه هى اسعار الترومان ؟

[faresanas25]

السوبر جولد دة ماركة اخري بس جهاز يقبل تحويلات مثل التايجر والتكنو كومز والاستار كوم بالاشكال الرائعة والمنيو اللائق يعني زيه زي الجولد والجوكر بس في اختلاف في السوفتات وتعديلاتها وبصراحة هو جهاز مميز
اما اسعار الترومان تقريبا نفس اسعار الجولد وباقي الاجهزة مع اختلاف الامكانيات وهو تقريبا 575 جنيه او اقل وبرده اسال اي حد تاني عشان انا مش معايا السعر دلوقتي لاني بقالي فترة مش متابع اسعار ولو في اي استفسار تاني انا تحت امرك

[peter_7]

شكرا الله يخليك يا استاذ فارس وربنا يقدرك على تعبك فى خدمة الاعضاء

[peter_7]

طيب معلش فى اسم نوع غريب بشوفه كتير هنا فى المنتدى وهو اجهزة عبد العال
ايه ده ؟

[faresanas25]

عبد العال ده اسم الشركة المصنعة للكيوماكسات بانواعها وهنا الاعضاء بتختصر اسم الريسيفر بالاسم دة

[أبـو رضـا]

المشاركة الأصلية كتبت بواسطة faresanas25

اخي لاشكر علي واجب نحن هنا في مصراوي سات في خدمتكم وان تعم الفائدة علي اعضائنا الكرام واسف مرة تانية علي كلمة مبتدء ولكن كما وضحت لك انا لا اقصد الاساءة اطلاقا وعن الاجهزة بلان طبعا ياتي في المقدمة الكيوماكس
بجميع انواعه سواء جولد او جوكر hd او عادي وهناك الجوكر v2 و v3 وv1 وياتي v2 في المقدمة لسرعتة الفائقة في فتح القنوات وايضا في الصنع وايضا في الامكانيات وانصحك به وبعد ذلك ياتي السوبر جولد 9900 hd لدعمة المستمر من السوفتات وما شابه ذلك وايضا ياتي الترومان 9090 hd وهو عملاق بمعني الكلمة وهذا علي حد علمي لاني بصراحة هي دة الاجهزة اللي اشتغلت عليها واعرف اجهزة اخري كثيرة ولكن للاسف لا اعرف مدي قوتها او نقاط ضعفها فلا افتي لاني ماشتغلتش عليهم .... ولك اخي الاختيار وارجو ان اكون وفيت لك ماطلبت لتعم الفائدة
والسلام ختام

متابعة ولا أروع أخى الحبيب
واصل نشاطك ولكل مجتهد نصيب

[faresanas25]

وسام علي صدري استاذ مجدي ردك هذا واشكرك علي تشجيعك لي

[peter_7]

شكرا جزيلا لكم