[SHARK_X]

الاخوة الافاضل
السلام عليكم ورحمة الله وبركاته
هذه دعوة خاصه
للاخوة الفنيين فقط العاملين في مجال الصيانه
للتعليم والتعلم والافاده والاستفاده
وعلي الاخوة المتصفحين وفنيي التركيبات والتجار المتابعه فقط
ونرجو عدم كتابة ردود للشكر والتعليق فهي خارج الموضوع
والموضوع ببساطه اننا سوف نعرض مشكله (عطل) من اعطال اجهزة القسم ونسأل عن سبب هذا العطل , ونتمني ان تكون الاجابة من الاخوة الفنيين فقط وان تكون الاجابات مباشره وواضحه , يعني بنسأل عن عطل اشاره واحد هيرد يقول السبب التيونر والتاني يقول lm والثالث يقول الترانزستورات الفلات والرابع يقول كل اللي فات , وده طبعا كلام مش مظبوط ويعتمد علي التخمين , واللي احنا عاوزينه كلام يتوزن بمية الدهب
طيب احنا وضعنا عطل وتمت الاجابه عنه العطل التالي مين اللي هيعرضه , بالطبع هيكون الاخ الفني اللي اجاب بطريقه صحيحه وواضحه عن العطل الذي قبله

نبدأ علي بركة الله

1- العطل لمبه حمراء وخضراء ( فقط ) في جهاز كيوماكس او هيروشيما ؟؟؟
بالتوفيق للجميع

[سامى شهاب الدين]

الترانزستورات الفلات

[ابوعلي2111]

يعني بنسأل عن عطل اشاره واحد هيرد يقول السبب التيونر والتاني يقول lm والثالث يقول الترانزستورات الفلات والرابع يقول كل اللي فات , وده طبعا كلام مش مظبوط ويعتمد علي التخمين , واللي احنا عاوزينه كلام يتوزن بمية الدهب
?????????????????
طيب انت عاوز ايه مش كل عضو بيقول الحل اللي عنده يعني عطل الاشاره دا ممكن يكون كذا حاجه ايه المانع ان كل واحد يقول اللي يعرفه وعلي صاحب المشاركه انه ياخد بيها او لا احنا بنحاول نساعده علي اد ما نقدر

[SHARK_X]

المشاركة الأصلية كتبت بواسطة سامى شهاب الدين

الترانزستورات الفلات

المشاركة الأصلية كتبت بواسطة shark_x

وعلي الاخوة المتصفحين وفنيي التركيبات والتجار المتابعه فقط

يا استاذ سامي الله يكرمك احنا مش بنخمن !!!!

[ابوعلي2111]

المشاركة الأصلية كتبت بواسطة shark_x

يا استاذ سامي الله يكرمك احنا مش بنخمن !!!!

يا غالي انت عاوز ايه الراجل قالك اللي يعرفه يعني نبجي لحد عندك ونصلحهولك ولا ايه مش عاوز تاخد بكلامه براحتك والراجل مشكور انت بيحاول يساعدك

[SHARK_X]

المشاركة الأصلية كتبت بواسطة ابوعلي2111

يعني بنسأل عن عطل اشاره واحد هيرد يقول السبب التيونر والتاني يقول lm والثالث يقول الترانزستورات الفلات والرابع يقول كل اللي فات , وده طبعا كلام مش مظبوط ويعتمد علي التخمين , واللي احنا عاوزينه كلام يتوزن بمية الدهب
?????????????????
طيب انت عاوز ايه مش كل عضو بيقول الحل اللي عنده يعني عطل الاشاره دا ممكن يكون كذا حاجه ايه المانع ان كل واحد يقول اللي يعرفه وعلي صاحب المشاركه انه ياخد بيها او لا احنا بنحاول نساعده علي اد ما نقدر

استاذي الفاضل
اولا : الموضوع ليس موجها من اصله لكل الاعضاء وانما للاخوة فنيي الصيانه فقط
ثانيا : عند الفنيين المتمكنين ليس هناك احتمالات وتخمينات(غالبا) وانما اشياء محدده يعني ممكن يحط ايده علي الجزء سبب العطل وهو مغمض عينيه
ياريت تكون الفكره وصلت

ورجااااااء ثم رجااااااااء قراءة الموضوع بدقه لعدم الخروج عن الموضوع

ونتفرع في اشياء لا تفيد وتتعدد الصفحات دون فائده

[ابوعلي2111]

يا غالي انا فني من 16 سنه واكتر بس اسف اني اقولك كلامك مش سليم انت مش كمبيوتر علشان تحدد العطل وانت مغمض عنيك يعني عطل باور ممكن يكون حاجات كتير واشاره كمان فيها كتير كل عطل ممكن يكون اكتر من حاجه ياريت لو حد من الاعضاء رد عليك في مشاركتك يكون في شويه تقدير وشكر للراجل اللي تعب ورد علي موضوعك وانا عن نفسي اعذرني مش هرد علي مشاركتك علشان مسمعش رد يزعلني منك وكل سنه وانت طيب

[محمود سنوسي]

المشاركة الأصلية كتبت بواسطة SHARK_X

1- العطل لمبه حمراء وخضراء ( فقط ) في جهاز كيوماكس او هيروشيما ؟؟؟
بالتوفيق للجميع

دائما يكون هذا العطل سببه هو الريجيريتور



ودائما يكون هذا العطل الشائع في اجهزه عبد العال

وتحياتي للجميع

[SHARK_X]

المشاركة الأصلية كتبت بواسطة ابوعلي2111

يا غالي انا فني من 16 سنه واكتر بس اسف اني اقولك كلامك مش سليم انت مش كمبيوتر علشان تحدد العطل وانت مغمض عنيك يعني عطل باور ممكن يكون حاجات كتير واشاره كمان فيها كتير كل عطل ممكن يكون اكتر من حاجه ياريت لو حد من الاعضاء رد عليك في مشاركتك يكون في شويه تقدير وشكر للراجل اللي تعب ورد علي موضوعك وانا عن نفسي اعذرني مش هرد علي مشاركتك علشان مسمعش رد يزعلني منك وكل سنه وانت طيب

اخي ابوعلي
الجواب اللي قاله الاخ سامي لا يمت للعطل بصله
وانا هاجاوب عن العطل كمثال عشان منخسرش حد وحد يزعل مننا
عطل اللمبه الحمراء والخضراء(فقط) الثابته
1- 90% سببه الرجيوليتور بجوار سوكت الباور بالبورده الرئيسيه ودخله 3,3 فولت وخرجه 1,8 فولت , وفي حالة تلفه يكون الدخل والخرج واحد ويسبب شلل الجهاز
2- 5% شحن فلاشه - 5 % الاخيره تلف البروسيسور
الاخوة الاكارم وضعت حلا للمشكله كمثال نرجوان نحتذي به للافاده

ومتزعلش يا اخ ابوعلي علشان انا كمان ابوعلي هههههه

العطل : جهاز كيوماكس او هيروشيما يعطي لمبه حمراء وخضراء متحركه ؟؟

موفقين جميعا ان شاء الله

[SHARK_X]

المشاركة الأصلية كتبت بواسطة محمود سنوسي

دائما يكون هذا العطل سببه هو الريجيريتور



ودائما يكون هذا العطل الشائع في اجهزه عبد العال

وتحياتي للجميع

الف بوسه علي جبين العملاق محمود سنوسي

خير الكلام ما قل ودل تسلم حبيبنا الغالي

[محمود سنوسي]

المشاركة الأصلية كتبت بواسطة shark_x

اخي ابوعلي
الجواب اللي قاله الاخ سامي لا يمت للعطل بصله
وانا هاجاوب عن العطل كمثال عشان منخسرش حد وحد يزعل مننا
عطل اللمبه الحمراء والخضراء(فقط) الثابته
1- 90% سببه الرجيوليتور بجوار سوكت الباور بالبورده الرئيسيه ودخله 3,3 فولت وخرجه 1,8 فولت , وفي حالة تلفه يكون الدخل والخرج واحد ويسبب شلل الجهاز
2- 5% شحن فلاشه - 5 % الاخيره تلف البروسيسور
الاخوة الاكارم وضعت حلا للمشكله كمثال نرجوان نحتذي به للافاده

ومتزعلش يا اخ ابوعلي علشان انا كمان ابوعلي هههههه

العطل : جهاز كيوماكس او هيروشيما يعطي لمبه حمراء وخضراء متحركه ؟؟

موفقين جميعا ان شاء الله

الف مليون بوسه ليك ياغالي

تحياتي

[SHARK_X]

المشاركة الأصلية كتبت بواسطة محمود سنوسي

الف مليون بوسه ليك ياغالي

تحياتي

تفضل حبيبي ضع لنا احد الاعطال

[احمد سمير]

إخـــــــوانى

ردا على عطــــــل اللمبه الحمـــراء والخضراء

لمعظم الأجـــــهزه ( الستالايت عامه )

بالطبع يوجد أكـــتر من سبب يتسبب فى

أعطـــــــال اللمبه الحمــــــــراء والخضراء

أول هذه الأسباب الأتى ذكره حاليا

تابعـــــوا معى يا إخوانى

نبدأ بدائرة البور

وبالخصوص بالمكثفات اللى بتتحكم فى

خط 3.3 فولت لأنه هو المغذى الرئيسى للريجيليتور

هذه المكثفات فى الغالب الميكرو بتاعها بيكون عالى

يعنى بتبدأ من 1000 ميكرو فى اجهزة عبد العال

وفى الترومان 470 ميكرو و220 ميكرو أيضا

وفى اجهزة الاسترونج بتكون2200 ميكرو هذا بالنسبه

للمكثفات أيضا الفوتوكابلار يتسبب فى عمل

لمبه حمراء وخضراء

ثانى الاسباب المتسببه فى عمل لمبه حمراء وخضراء

( الأتربه ) وبالخصوص اذا كان الريسيفريعمل

فى جو رطــــب بمعنى عند نزول اتربه على البورده

والريسيفر يعمل فى جو رطب كما ذكرنا بالتأكيد

هيحصل الأتى ( رطوبه + أتربه ) هتكون خليط من

الأتربه الرطبه مما يتسبب عنه توصيل فى بعض القطع

اللى متركم عليها تلك الأتربه الرطبه

وبناء عليه قولنا ان الحل هو

تنظيف البورده جيدا وغسيلها بالتنر وتركها الى أن تجــف

ثالث الأسباب المتسببه فى عمل اللمبه الحمـــــراء والخضراء

(((((((((( الريجيليتور ))))))))))

إخـــوانى

عند قياس أو فحص الريجيليتور

يجب أن يكون العمل أو الفحص للريجيليتور يجب أن

يكون بهدف وهو معرفة وظيفته إيه وبيدخله فولت كام

وبيخرج منه فولت كام علشان نكون ماشين على نور

نأتى للريجيليتور

بيدخله 3.3 فولت أتيه له من البور مباشره وبيخرج

منه 1.7 فولت لتغذية البروسوسر يعنى لو فيه إختلاف فى

خرج أو دخل الريجيليتور بالتأكيد هيحدث خلل فى ال 1.7 فولت

اللى رايحيين للبروسوسر وبناء عليه هينتج لمبه

حمراء + لمبه خضراء

رابع الأسباب المتسببه فى اللمبه الحمراء+ الخضراء

هى الفلاشه يجب شحنها

بخـــــــــــــلاف كل هذه الأسباب لو لم يكن الحل فى إحداهما

فللأسف لابديل عن تغيير ( البروسوسر )

تحياتى لكم إخوانى

وكل الشكر للأستاذ / محمد العيادى وعلى هذه الفكره الممتازه

أخـــيكم أحمــــــــــد ســـــــمير

[احمد سمير]

المشاركة الأصلية كتبت بواسطة shark_x

تفضل حبيبي ضع لنا احد الاعطال

لا يا أخى محمد

أخيك محمود

بيحييك بس

[احمد سمير]

المشاركة الأصلية كتبت بواسطة ابوعلي2111

يا غالي انا فني من 16 سنه واكتر بس اسف اني اقولك كلامك مش سليم انت مش كمبيوتر علشان تحدد العطل وانت مغمض عنيك يعني عطل باور ممكن يكون حاجات كتير واشاره كمان فيها كتير كل عطل ممكن يكون اكتر من حاجه ياريت لو حد من الاعضاء رد عليك في مشاركتك يكون في شويه تقدير وشكر للراجل اللي تعب ورد علي موضوعك وانا عن نفسي اعذرني مش هرد علي مشاركتك علشان مسمعش رد يزعلني منك وكل سنه وانت طيب

يعنى فنى من 16 عام

يعنى لو حسبناها يبقى منذ

عاااااام 1994

يعنى وللعلم فى هذا التوقيت وعلى وجه

الخصوص كان تركيبة الأنالوج بطبق

قطره 160 وكانت بتيجى من الخارج

لعدم توفرها فى هذا الوقت فى مصر

( يعنى مكنش لسه نزل مصر عام 1994 )

كان السيستم كله بيتكلف حوالى ثلاثه وعشرون الف جنيه

وإسألنى أنا لأننى مريت بتلك التجربه وأنا جاى من الخارج

شكرا لك أخى