[احمدبقله]

يا بلد قتلها السكوت
انا عايش بس ساكت
خايف من الكلام
ما اللي بيتكلم بيموت
خايف يقتلوني لو نطقت
او طلعلي صوت
الظلم جواكي حسه عالي
وصوت الحق عمال يطاطي
طهقت من سلبيتي
من عيشتي فحالي
ومكرهتش في حياتي
قد الصوت الواطي
ولو قولت كلمة حق
ادفع تمنها غالي
مليت من برودي
من كلمة انا مالي
ولو يوم انفجرنا وقولنا لا
يعمونا بالغازات ويكوينا المطاطي
لأمتي هفضل عايش أداري في صوتي
وامتى اقدر اكسر حاجز سكوتي
مادمت من الاساس ميت
هخاف من ايه ولا هيفرق فأيه موتي
موتي سكوتي
وانا موت كتييييييير
وبأي عين اطلع اشحت
ووطني
ارضي
مليانه خير
مش عايز تاني اتدارى في صمتي
مش عايز منك غير اني اخد حقي
مش عايز غير كرامتي
عايز بإيدي أغير
علشان كلنا نتغير
نفسي اعارض اقول لا
نفسي بإيدي اختار حكومتي
مش عايز غير كرامتي
واقتل جوايه صمتي
عايز حقي من اللي خانوكي
من اللي باعوكي
واللي خلوا الكلاب تعلى وتعلى
انتي واقفه في الصف الاخير
الدنيا عماله تتقدم
وفضلتي في التأخير

[ابراهيم امام]

مية مية ياعم الحاج