[sherif elmasri]

عندى دايرة باور وفىها حاجة غريبة خرج ايسى الباور على المكثف الصغير 3 فولت ومش عارف مع ان الايسى جديد والقديم غيرتة لانة كان عامل شورت فى السريا وغيرت المكثف الكبير برضو ممكن حل لوسمحتو

[مهندس محمودعبدالحميد]

ممكن يا غالى تحدد نوع دائره البور ايه وتخص جهاز ايه بالظبط

[sherif elmasri]

بتاعت جهاز اونو جهاز صينى والموضوع دة متكرر فى الواير الصينى ومش عارف لها علاج وانا اصلا عدلت للجهاز دايرة تانية بس انا عاوز اعرف العيب دة عشان اصلح الدايرة القديمة احسن

[مهندس محمودعبدالحميد]

طيب يا اخى تاكد من وصول 300 فولت على المكثف الكبير ثم تاكد من المقاومات المجاوره للايسيه وتاكد ايضا من جوده الايسيه

[sherif elmasri]

الايسى موجود والمقاومات قستها كلها ومعايا جدول الالون وكلها بتدينى مظبوط وكمان انا مغير المكثف الكبير وفى 300 فولت واصلين منا بقولك العيب دة غريب وبيحصل معايا فى كذا دايرة باور صينى ومش عارف ليها حل وغيرت المكثف الصغيرالى جنب الايسى نفسة وبرضو نفس المشكلة مش عارف فى اية

[مهندس محمودعبدالحميد]

كدا يا غالى ممكن يكون فيه سيليكون من سيليكونات خرج الشوبر تالف وهو المسبب فى كتم فولت دائره البور وخرج الا يسيه

[م/محمود العطفى]

غير المكثف الصغير نفسه

خليه 50/47

وافحص اى مقاومه رابطه معه وغير سليكونات ال 1 امبير قبل الشوبر

[احمد سمير]

شكرا لكم اخوانى

[sherif elmasri]

جارى التجربة وساوافيكم بالرد انشاء الله