[تامر محمد إبراهيم]

تناثرت أنباء عن ظهور قناتي
BCC TV 1‏&‏BCC TV 2
من خلال القمر الرائع
Eutelsat W3A 7'E
علي التردد الأتي
10722-عامودي-22000-3/4
القناتان مشفرتان بنظام البيس
ومختصة بنقل فاعليات الأولمبياد
الخبر غير مؤكد،وأذا كان صحيحا،فيرجي كسر تشفير تلك القنوات.

[تامر محمد إبراهيم]

ياريت يا جماعة لو حد عندة القمر.يتأكد من وجود هذة القنوات الهامة

[ahmed_kotb333]

بورك فيك
بالتوفيق

[السوسى على]

يا عم ريحك دماغك شكلها كده والله اعلم مفيش اولمبياد هاتتلعب
وحاسس ان فى حرب قادمة فى دول الغرب وربنا يستر

وشكرا على الخبر

[waleed shahin]

الاولمبياد اصلاً منقولة على النايل سات على كل القنوات المفتوحة ( دبى - ابوظبى - الجزيرة الرياضية ) وباقى القنوات

[تامر محمد إبراهيم]

المشاركة الأصلية كتبت بواسطة السوسى على

يا عم ريحك دماغك شكلها كده والله اعلم مفيش اولمبياد هاتتلعب
وحاسس ان فى حرب قادمة فى دول الغرب وربنا يستر

وشكرا على الخبر

أريح دماغي أزاي.ريح دماغك أنتا،أنا جايب خبر ومعلومة للأعضاء اللي عاوزين يتابعوا الأولمبياد.وبعدين مين قال مفيش أولمبياد.جبيب منين المعلومة الذرية دي.

[السوسى على]

المشاركة الأصلية كتبت بواسطة تامر محمد إبراهيم

أريح دماغي أزاي.ريح دماغك أنتا،أنا جايب خبر ومعلومة للأعضاء اللي عاوزين يتابعوا الأولمبياد.وبعدين مين قال مفيش أولمبياد.جبيب منين المعلومة الذرية دي.

لو تلا حظ انا كاتب فى اخر كلامى شكرا على الخبر فياريت نهدأ شويه

وبعدين انت بتقول خبر وانا كمان بقول خبر وعندى بدل المصدر 100 ولكن المنتدى هنا خاص بالاقمار الصناعية .

[islamsabry2008]

بيتفرج علي عكاشة كتير

[تامر محمد إبراهيم]

المشاركة الأصلية كتبت بواسطة islamsabry2008

بيتفرج علي عكاشة كتير

معلشي.أستحملني.

[هيجوارو]

الموضوع مش ان الاخ السوسى على بيتفرج على عكاشة لآ الموضوع كبيييييييييير بجد والدليل على ذلك ان انجلترا منزله الجيش يحمى البطولة لآنهم بيقولوا ان القاعدة ستنتقم من قتلة بن لادن ورئيس المخابرات البريطانية اكد على ان فيه مسلمين انجليز سافروا الى الوطن العربى ليتدربوا على اعمال ارهابية وقال بالنص ان دول الربيع العربى تشكل خطر علينا وخاصة مصر وليبيا وتونس والحدق يفهم قصدوا ايه

[sheko fun]

المشاركة الأصلية كتبت بواسطة هيجوارو

وقال بالنص ان دول الربيع العربى تشكل خطر علينا وخاصة مصر وليبيا وتونس والحدق يفهم قصدوا ايه

مـــــــصــــــــــــر وليبيا وتونس والأردن وســـــــــوريا والبقية تأتى , ربنا يوقف نمو الإنجليز والصهاينة ......

[السوسى على]

والله العظيم مش بتفرج على توفيق عكاشه ومش بحبه اصلا
ثانيا اسلوب التريقه غير لائق تماما
ثالثا ابحثوا زى ما انا بحثت على النت
رابعا لا تجعل النت اداة للترفيه فقط ولكن ابحث عن خطط اعدائك
وشكرا يا islamsabry2008 على التريقه
وبدل ماتتريق ابحث عن كلامى الاول لكن احنا متسرعين وبنحب نتريق على بعض هو ده اللى احنا فالحين فيه .

[amr noor]

اعتقد يا شباب اننا نرحب برمضان و نستعد له احسن من الاولمبياد