[الطائر الاخضر]

لو تكرمتم
عندى مشكلة وهى

اختفاء الالوان بعد عشر دقائق من تشغيل الريسيفر

وهو جديد ولم يمر عليه سوى أشهر قليلة

وتصبح الصورة ابيض واسود

او ترعش فترة الوان ثم تصبح ابيض واسود

ما هو السبب ؟

وقرأت فى منتداكم الكريم عن التنظيف بالتنر او الاسبراى اكاى

كيف يتم ذلك لاقوم به


وشكرا

[ابوحنــين وأسيـــل]

تمــ تعديل العنوان ويرجي اتباع التنبيه
تنبيه مهم جداااااااعلى جميع الاعضاء الدخول قبل عمل اى موضوع جديد

الاول سوف نعطيك خطوات لتمشي معها ولكن حضرتك من كلامك ليس لديك خبره بالاجهزه
ولو حضرتك لن تستوعب مانقوله يبقي عليك بالذهاب الي اي فني متخصص وسوف يقوم بعمل اللازم

اول حاجه فك غطاء الرسيفر هتلاقي البورده وشكلها اخضر نظف بالثنر او الاكاي وبعد كده جففها بالبلور وسيبها 5 دقائق ووصل الجهاز وشغله واعمل ضبط مصنع له بس الاول تجرب الرسيفر علي تلفزيون تاني وكبلات اديو وفديو تانيه عشان نتأكد
ورد علينا

[الطائر الاخضر]

اشكرك جدا على اهتمامك وسرعة ردك
انا جربت على تليفزيون اخر عندى يابانى الصنع
وبرده نفس المشكلة

بعد عدة دقائق الالوان تغمق وتغيب بعض الالوان منها

واضطر افك كابل الفيديو واجيبه فى السوكيت الفيديو الاحتياطى الجانبى وتكون الصورة ابيض واسود

بالنسبة للتنظيف انا نزلت اشتريت الاكاى والتنر زى ما حضرتك تفضلت

دلوقتى عملية التنظيف ازاى بالضبط

ارش الاسبراى على البوردة كلها بتاعة الريسيفر الجانبين ولا جنب واحد على كل المناطق ولا على منطقة معينة وهل دائرة الباور كمان تتنضف

وبالنسبة للتنر ازاى انضف بيه ياريت تشرحلى علشان ما اعملش حاجة غلط

بالنسبة لضبط المصنع

هل ده بيضيع اعدادات الاقمار ولا هتفضل اعدادات ضبط الاقمار النايل سات سليمة ياريت تنورنى

جزاك الله كل خير عنى

وفى انتظار ردك حضرتك

[kamal65_65]

بعد اذن اخى واستاذى العملاق ابو حنين
اخى الكريم إعلم جيدا عند عمل توليف مصنع يرجع الى حالة المصنع وكأنك لسة شاريه فلذا لابد ان تعرف قبل التوليف للمصنع اعدادات الدايزك على الاقمار العاملة عندك لعدم تعبك
اسحب فيشة الريسيفر وفك الغطاء وانفخ بالبلاور
التراب والاتسخات حول كافة الجهاز وبعدين تجيب فرشاة صغيرة ناعمة ولتكن مثلا

وتبلل الفرشاة بالتنر وتنظف حول جميغ القطع بالبوردة الكبيرة من بروسيسور او رامة وهكذا بالراحة وبحرص وانفخ مرة اخرى بالهواء وانتظر بعض الوقت واعمل توليف مصنع وأضبط اعدادتك وشغل ووافينا بالنتيجة
والله يوفقك والاستاذ الكبير موجود ومعه مفاتيح الحلول لكل المشاكل

[الطائر الاخضر]

اشكرك بحرارة

تبقى شىء لم أفهمه من شرح حضرتك

كيف احصل على بيانات الدايزك قبل ان اقوم بعمل وضع مصنع للريسيفر

من اى صفحة فى اعدادات الاقمار وما هى الاعدادات الهامة التى يجب ان اسجلها فى ورقة

بارك الله لك فى علمك وجعله صدقة جارية لك

[kamal65_65]

تفضل ياغالى وشرح بالصور
اضغط على زرار منيو وادخل ضبط الطبق


وتشوف عندك الدايزك على اى رقم مضبوط وشغال عليه للنايل والاوربى او اى اقمار عاملة عندك ونحن فى خدمة الجميع

[ابوحنــين وأسيـــل]

المشاركة الأصلية كتبت بواسطة kamal65_65

تفضل ياغالى وشرح بالصور
اضغط على زرار منيو وادخل ضبط الطبق


وتشوف عندك الدايزك على اى رقم مضبوط وشغال عليه للنايل والاوربى او اى اقمار عاملة عندك ونحن فى خدمة الجميع

تماااام ياكبير

[kamal65_65]

المشاركة الأصلية كتبت بواسطة ابوحنين وشروق

تماااام ياكبير

انت استاذى وعمى والفضل لله اولاً ثم لجنابك ياعملاق ولمنتدانا الذى هو عشقنا
الله يعزك ويزيدك من نعم الله

[الطائر الاخضر]

الافاضل المحترمين

الاستاذ أبو شروق وحنين
الاستاذ كمال
أشكركم على مساعدتكم وتفضلكم بسرعة التوجيه والاجابة

انا نفذت كل ما طلبتوه منى بخصوص حل المشكلة

والحمد لله الريسيفر اشتغل تمام

بس لاحظت شىء حصل

وهو تقطيع فى القنوات

تقطيع لثوانى ويروح ويرجع

فهل ده العيب من خطأ ارتكتبه

علما انى نفذت ما طلبتموه منى بالحرف

تنظيف بالهواء

تنظيف بالاكاى على ics رش سريع خفيف

مسحت البوردة - نظفتها تانى بالبلاور

وركبت

وعملت توليف مصنع

والبركة فيكم الالوان ثبتت وزى الفل

بس انا خايف بعد كام يوم يرجع يعمل كده تانى

لو حصل ده يبقى لازم زى ما حضراتكم قلتم يتغير حاجة


ايه رأيكم

جزاكم الله خيرا وفعلا اجركم عند ربنا عظيم

وليه رجاء لو مش متعب لكم

تدلونى على رابط او موضوع او تشرحوا لى مكونات بوردة الريسيفر الاسترونج وشاكر لحضراتكم

[kamal65_65]

الف مبروك ياغالى والشكر لله ولأستاذنا العملاق أ / مدحت ابو حنين وشروق
بالنسبة للتقطيع فى القنوات ربما يكون من الطبق علشان تكون متيقن من الطبق او من الجهاز جربه على طبق اخر
وشوف اصدار السوفت على الريسيفر كام واخر اصدار234 يعمل تمام
وانت حضرتك عايز تعرف مكونات الجهاز : ادخل على قسم الصيانة وستجد كل المعلومات التى تحتاجها وتقبل تحياتى ونحن فى خدمتكم

[الطائر الاخضر]

الاستاذ كمال

اشكرك كثيرا على مساعدتك

جربت على طبق عند اخويا ولا تزال المشكلة الجديدة وهى تقطيع الاشارة
يعنى القنوات شغالة بس فيه تقطيع خفيف كل شوية فى الصورة

بماذا تنصحنى

جزاك الله كل خير

[kamal65_65]

شوف ياغالى تغير المكثف الكبير بدائرة الباور ويوجد مكثف صغير امام علبة التيونر
ممكن مع تغير المكثفات الذين ذكرناهم يرجع لطبيعته إن لم يكن فيه مكثفات أخرى منتفخة او مرشحة
وبعد اذنك من خلال طرحك للموضوع أنك شخص هاوى وهذه الاجهزه تحتاج لقياس فولتيات وكذا وكذا يعنى لازم يكون فنى صيانة وحضرتك علشان ماتخسرش جهازك اذهب به الى اقرب محل صيانة هو يعمل اللازم وانت ترتاح لانك ممكن وانت بتغير مكثف يعمل معاك شورت يبقى انت خسران ونحن فى خدمة احبائنا

[الطائر الاخضر]

شكرا كثيرا لحضرتك
انا هغير المكثفات بنفسى

فهمت من كلام حضرتك ان تقطيع الاشارة سببه انتفاخ او تلف مكثف

فهل فيه حاجة تانية ممكن يتشك فيها ؟

انا هنزل اشترى مكثفات جديدة وياريت حضرتك تقولى اجيبهم منين
وازاى اجيبهم نفس المقاسات والسعة

عندى فكرة بسيطة عن المكواة واللحام

وهغيرهم واقول لحضرتك

[ابوحنــين وأسيـــل]

متابعه جميله من عملاق اجمل بصراحه الله ينور
والاخ الكريمــ عليك بتنفيذ الخطوات مع الحرص من المكواه والقصدير عشان لاتحدث اي مشكله
وان شاء الله تكتسب الخبره وتصبح فني محترف بالتوفيق ان شاء الله

[محمود اللفاف]

من بعد اذن الغاليين عليك ياغالى بتغيير الكرستاله من على البورده ووافنا بالنتيجه