[msarwat]

انا موصل في الرسيفر 2 USB الاولي USB Modem etisalat و الثانية USB 8 GB للتسجيل و الTimeshift كنت جايب نوع kingston و كانت بتهنج الجهاز كله كتير و سرعتها بطيئه جدا فجبت sandisk و الحمد لله كانت سرعته كويسه و قلت جدا مشكلة التهنيج دي و لكن ظهرت مشكله اخري لم اكن قد لاحظتها من قبل لانها حدثت مره او اتنين و هي ان الرسيفر بيفصل الفلاشه لوحده وفي الفتره الاخيره زادت جدا المشكله دي كل شويه الرسيفر يطلع message ان usb disconnected ثم بعد ثواني usb found و تفضل علي كده كذا مرة لحد ما اغلق الرسيفر و افتحه من الخلف تشتغل شويه و بعدين تفصل تاني وهاكذا جربت فلاشه اخري sony نفس المشكلة.
هل يوجد حل للمشكلة دي ولا خلاص علي كده ارميه؟
ياريت حد يرد علي المره دي لاني اشتاريت الرسيفر بناء علي كلامكم عنه و من ساعتها و كل ما اسأل علي اي حاجه نادرا لما بلاقي رد من حد.

[semsem semsem1]

شوف .. كل الفلاشات الرخيصة التجارية اللي مغرقة السوق بتعمل مشاكل مع الدريك وغير الدريك .. لا يغرك مكتوب عليه سوني ولا كينجستون كل دي بضاعة مضروبة

وعشان تتأكد

خد السريال أللي عليها .. دة لو عليها .. واعمل ليها registration علي موقع شركتها علي النت .. ها تترفض

طب و بعديين

تشتري الفلاشة من مكان موثوق فية و ماتسترخصش الفلاشة وقبل الشراء راجع طرازها علي موقعها علي النت وشوف سرعتها كام M/ps فكل مازادت السرعة زاد السعر و ليس حسب المساحة التخزينية

ها تقولي .. هو احنا ها نحارب كل دة عشان فلاشة ..

ها أقولك خلاص حلوة ام 20ج وشيل يامعلم

تجربتي : لا يوجد اي مشاكل مع فلاشتين كينجسيتون عندي 16جيجا عليها الانيجما2 .. و32جيجا للتسجيل


عفوا علي الاطالة .. تحياتي لك

[romany merzik]

المشاركة الأصلية كتبت بواسطة semsem semsem1

شوف .. كل الفلاشات الرخيصة التجارية اللي مغرقة السوق بتعمل مشاكل مع الدريك وغير الدريك .. لا يغرك مكتوب عليه سوني ولا كينجستون كل دي بضاعة مضروبة

وعشان تتأكد

خد السريال أللي عليها .. دة لو عليها .. واعمل ليها registration علي موقع شركتها علي النت .. ها تترفض

طب و بعديين

تشتري الفلاشة من مكان موثوق فية و ماتسترخصش الفلاشة وقبل الشراء راجع طرازها علي موقعها علي النت وشوف سرعتها كام m/ps فكل مازادت السرعة زاد السعر و ليس حسب المساحة التخزينية

ها تقولي .. هو احنا ها نحارب كل دة عشان فلاشة ..

ها أقولك خلاص حلوة ام 20ج وشيل يامعلم

تجربتي : لا يوجد اي مشاكل مع فلاشتين كينجسيتون عندي 16جيجا عليها الانيجما2 .. و32جيجا للتسجيل


عفوا علي الاطالة .. تحياتي لك

ممتاز اخى سمسم واتمنى مواصله ابداعاتك

[msarwat]

المشاركة الأصلية كتبت بواسطة semsem semsem1

شوف .. كل الفلاشات الرخيصة التجارية اللي مغرقة السوق بتعمل مشاكل مع الدريك وغير الدريك .. لا يغرك مكتوب عليه سوني ولا كينجستون كل دي بضاعة مضروبة

وعشان تتأكد

خد السريال أللي عليها .. دة لو عليها .. واعمل ليها registration علي موقع شركتها علي النت .. ها تترفض

طب و بعديين

تشتري الفلاشة من مكان موثوق فية و ماتسترخصش الفلاشة وقبل الشراء راجع طرازها علي موقعها علي النت وشوف سرعتها كام M/ps فكل مازادت السرعة زاد السعر و ليس حسب المساحة التخزينية

ها تقولي .. هو احنا ها نحارب كل دة عشان فلاشة ..

ها أقولك خلاص حلوة ام 20ج وشيل يامعلم

تجربتي : لا يوجد اي مشاكل مع فلاشتين كينجسيتون عندي 16جيجا عليها الانيجما2 .. و32جيجا للتسجيل


عفوا علي الاطالة .. تحياتي لك

رد ممتاز الف شكر

بس هل مشاكل الفلاشه نفسها ممكن ان يكون سببا لمشكلة الdisconnect دي؟
و هل مثلا اشتري من Radioshack ولا في مكان تاني يكون موثوق فيه؟

[saber_kh2001]

المشاركة الأصلية كتبت بواسطة msarwat

انا موصل في الرسيفر 2 usb الاولي usb modem etisalat و الثانية usb 8 gb للتسجيل و الtimeshift كنت جايب نوع kingston و كانت بتهنج الجهاز كله كتير و سرعتها بطيئه جدا فجبت sandisk و الحمد لله كانت سرعته كويسه و قلت جدا مشكلة التهنيج دي و لكن ظهرت مشكله اخري لم اكن قد لاحظتها من قبل لانها حدثت مره او اتنين و هي ان الرسيفر بيفصل الفلاشه لوحده وفي الفتره الاخيره زادت جدا المشكله دي كل شويه الرسيفر يطلع message ان usb disconnected ثم بعد ثواني usb found و تفضل علي كده كذا مرة لحد ما اغلق الرسيفر و افتحه من الخلف تشتغل شويه و بعدين تفصل تاني وهاكذا جربت فلاشه اخري sony نفس المشكلة.
هل يوجد حل للمشكلة دي ولا خلاص علي كده ارميه؟
ياريت حد يرد علي المره دي لاني اشتاريت الرسيفر بناء علي كلامكم عنه و من ساعتها و كل ما اسأل علي اي حاجه نادرا لما بلاقي رد من حد.

انا كمان بيحصل معايا ده
وعندى ريسيفر مختلف
المشكله فى الفلاشة
عاوزين نوع نضيف
بس المشكله عندى انى منزل سوفت انيجما على الفلاشة وده بيحصل
ولكن بمجرد فصل الجهاز من الباور الخلفى وروجوعة يعود الجهاز للعمل
بدون مشاكل
مع تحياتى وشكرا

[semsem semsem1]

المشاركة الأصلية كتبت بواسطة msarwat

رد ممتاز الف شكر

بس هل مشاكل الفلاشه نفسها ممكن ان يكون سببا لمشكلة الdisconnect دي؟
و هل مثلا اشتري من Radioshack ولا في مكان تاني يكون موثوق فيه؟

لو انت من القاهرة انزل مولات الكومبيوتر ذي السخاوي وسوق العصر بروكسي في مصر الجديدة هاتلاقي حاجات جامدة ذي دي كدة اهم حاجة انك تكون عارف انت بتشتري اية لان المضروب مالي السوق

ملاحظة : لا تنزعج لو وجدت فلاشات معدية 350ج لان في انواع اسرع من هارد ديسك الكومبيوتر اساسا بتوصل السرعة فيها 85mb/s شوف انت بقي لوحطيت عليها الانيجما الجهاز هايبقي عامل ازاي

تحياتي

[Xcruiser]

المشاركة الأصلية كتبت بواسطة semsem semsem1

لو انت من القاهرة انزل مولات الكومبيوتر ذي السخاوي وسوق العصر بروكسي في مصر الجديدة هاتلاقي حاجات جامدة ذي دي كدة اهم حاجة انك تكون عارف انت بتشتري اية لان المضروب مالي السوق

ملاحظة : لا تنزعج لو وجدت فلاشات معدية 350ج لان في انواع اسرع من هارد ديسك الكومبيوتر اساسا بتوصل السرعة فيها 85mb/s شوف انت بقي لوحطيت عليها الانيجما الجهاز هايبقي عامل ازاي

تحياتي

ابداع في المتابعة أخي كل الشكر لك, وبارك الله فيك

[حمادة الشورى]

انا مش فاهم هو كل واحد تقابله مشكلة صغيرة فى الريسيفر يقول ارميه ، ابيعه ، مش عارف ايه ، المفروض اللى بيشترى جهاز بيشتريه بعد بحث وتقييم للمزايا والعيوب فاذا ظهرت مشكلة بعد شرائه يبقى عادى يبحث عن حل بدون رمى المسئولية على الاخرين ، بالنسبة للفلاشة والله انا عندى فلاشة كينجستون 16 جيجا شغالة زى الفل وعمره ماهنج ، مش بس كده انا بستخدم كارد ريدر بحط فيه كارت الميمورى بتاع الموبايل بتاعى سعة 2 جيجا وشغال ميه ميه ، بس انا شارى الحاجات دى من 3 سنين فواضح ان البضاعة ساعتها كانت نضيفة

[ahmed_kotb333]

المشاركة الأصلية كتبت بواسطة حمادة الشورى

انا مش فاهم هو كل واحد تقابله مشكلة صغيرة فى الريسيفر يقول ارميه ، ابيعه ، مش عارف ايه ، المفروض اللى بيشترى جهاز بيشتريه بعد بحث وتقييم للمزايا والعيوب فاذا ظهرت مشكلة بعد شرائه يبقى عادى يبحث عن حل بدون رمى المسئولية على الاخرين ، بالنسبة للفلاشة والله انا عندى فلاشة كينجستون 16 جيجا شغالة زى الفل وعمره ماهنج ، مش بس كده انا بستخدم كارد ريدر بحط فيه كارت الميمورى بتاع الموبايل بتاعى سعة 2 جيجا وشغال ميه ميه ، بس انا شارى الحاجات دى من 3 سنين فواضح ان البضاعة ساعتها كانت نضيفة

هدى نفسك اخى حماده وما تزعلش
القادم افضل
والكل هيعرف الفرق

[حمادة الشورى]

المشاركة الأصلية كتبت بواسطة ahmed_kotb333

هدى نفسك اخى حماده وما تزعلش
القادم افضل
والكل هيعرف الفرق

والله العظيم يا اخى سيد انا ابنى دلوقت كل شوية بيكتشف فيه حاجات جديدة لانى مش بقعد فى البيت زى الاول ( رمضان بقى ياعسل ) واخر حاجة عملها انه بيعرض المسلسل اللى سجله على الفلاشة وفى نفس الوقت اثناء العرض الريسيفر بيسجل بالتايم شفت القناة اللى شغالة على نفس الفلاشة وده بيبين مدى قدرته على استخدام الفلاشة الواحدة فى العرض والتسجيل فى نفس الوقت

[ahmed_kotb333]

المشاركة الأصلية كتبت بواسطة حمادة الشورى

والله العظيم يا اخى سيد انا ابنى دلوقت كل شوية بيكتشف فيه حاجات جديدة لانى مش بقعد فى البيت زى الاول ( رمضان بقى ياعسل ) واخر حاجة عملها انه بيعرض المسلسل اللى سجله على الفلاشة وفى نفس الوقت اثناء العرض الريسيفر بيسجل بالتايم شفت القناة اللى شغالة على نفس الفلاشة وده بيبين مدى قدرته على استخدام الفلاشة الواحدة فى العرض والتسجيل فى نفس الوقت

رمضان كريم عليك وعلى اسرتك
ده جهاز جبار بمعنى الكلمه
وكل يوم هنكتشف جديد ان شاء الله
البركه فيك واخوانى فى القسم

[msarwat]

رد على الاستاذ حماده
اولا أكيد انا مش حرمي الجهاز ده هزار ثانيا انا مش فاهم حضرتك معصب نفسك ليه انا حرمي جهازي انا مش بتاع حد هنا وبعدين هو مش من حقي أني لما ابقي لسه جايب حاجه مكملتش شهر و تظهر لي كل المشاكل دي أني أتضايق؟
وثالثا بما ان حضرتك فتحت الموضوع ده مع احترامي للجميع طبعا انا صراحتا برمي المسؤليه علي بعض الاشخاص هنا لأنهم للأسف كلامهم عن الجهاز غير حقيقي مثلا قرات قبل ما اشتري ان ***** الجهاز جيد ولا رمشه ذي ما قالوا ولكن فوجأت ان الجهاز يفتح قنوات قليله علي النيلسات و اي ***** علي النت ويكون أحسن منه علي الاوروبي ولا شيء اخر و توافق الجهاز مع الا نجما ده طبعا أحلام و مشاكل اخري كتير وأخيرا الدعم على المنتدى هنا و المنتديات الاخرى ، للأسف معظم اسألتي لا اجد لها إجابة او الاجابه لا تحل شيء.
وياريت مكنش زعلتك من كلامي بس انت عصبت نفسك علي كلمه و برضه مرديتش علي السؤال اصلا.
وفي النهايه شكرًا لمرورك و لكل من ساعدني في الموضوع ده و في المنتدي الي أتعلمت منه كتير

[msarwat]

عودة الي الموضوع انا عملت speed test من الرسيفر علي الفلاشتين و النتيجه كانت غريبه:
1- ال sandisk اعطت 140Mbs
2- ال sony اعطت 150Mbs
فدخلت علي الsite الخاص ب sony ووجدت ال serial number موجود "USM4GM"
وعلى فكره انا اشتريت الاولي من مول المعادي و التانيه كانت من COMPUME.

[aziz5165]

المشاركة الأصلية كتبت بواسطة msarwat

رد على الاستاذ حماده
اولا أكيد انا مش حرمي الجهاز ده هزار ثانيا انا مش فاهم حضرتك معصب نفسك ليه انا حرمي جهازي انا مش بتاع حد هنا وبعدين هو مش من حقي أني لما ابقي لسه جايب حاجه مكملتش شهر و تظهر لي كل المشاكل دي أني أتضايق؟
وثالثا بما ان حضرتك فتحت الموضوع ده مع احترامي للجميع طبعا انا صراحتا برمي المسؤليه علي بعض الاشخاص هنا لأنهم للأسف كلامهم عن الجهاز غير حقيقي مثلا قرات قبل ما اشتري ان ***** الجهاز جيد ولا رمشه ذي ما قالوا ولكن فوجأت ان الجهاز يفتح قنوات قليله علي النيلسات و اي ***** علي النت ويكون أحسن منه علي الاوروبي ولا شيء اخر و توافق الجهاز مع الا نجما ده طبعا أحلام و مشاكل اخري كتير وأخيرا الدعم على المنتدى هنا و المنتديات الاخرى ، للأسف معظم اسألتي لا اجد لها إجابة او الاجابه لا تحل شيء.
وياريت مكنش زعلتك من كلامي بس انت عصبت نفسك علي كلمه و برضه مرديتش علي السؤال اصلا.
وفي النهايه شكرًا لمرورك و لكل من ساعدني في الموضوع ده و في المنتدي الي أتعلمت منه كتير

اخى الكريم...
من حقك تزعل ومش من حق اى حد يحجر عليك
ولكن.... هناك ملحوظه ارجو الانتباه لها وهى:
الجهاز يعتبر جديد على السوق المصرى وعلى منتدياتنا ومع الوقت تكتشف المزيد من الامكانيات وكذلك تبرز بعض المشاكل التى تسبب الضيق.. وبما ان الجهاز جديد فلا تنتظر عند سؤالك عن مشكله قابلتك ان تجد الاجابه فى التو واللحظه لانه ببساطه يمكن للمشكله التى تعانى منها لم يعانى منها بعض الاعضاء وبالتالى فلن تجد اجابه فى حينه
وهذا ليس معناه ان الجهاز ضعيف ولكن ينقص التعامل معه عن قرب بالممارسه
وبالنسبه للاستاذ / حماده الشورى فهو من الاخوة المحترمين بجد
وبالتالى فهو لم يقصد بالتأكيد التعصب لانه ليس من شيمته
وارجو تقبل تحياتى

[msarwat]

المشاركة الأصلية كتبت بواسطة aziz5165

اخى الكريم...
من حقك تزعل ومش من حق اى حد يحجر عليك
ولكن.... هناك ملحوظه ارجو الانتباه لها وهى:
الجهاز يعتبر جديد على السوق المصرى وعلى منتدياتنا ومع الوقت تكتشف المزيد من الامكانيات وكذلك تبرز بعض المشاكل التى تسبب الضيق.. وبما ان الجهاز جديد فلا تنتظر عند سؤالك عن مشكله قابلتك ان تجد الاجابه فى التو واللحظه لانه ببساطه يمكن للمشكله التى تعانى منها لم يعانى منها بعض الاعضاء وبالتالى فلن تجد اجابه فى حينه
وهذا ليس معناه ان الجهاز ضعيف ولكن ينقص التعامل معه عن قرب بالممارسه
وبالنسبه للاستاذ / حماده الشورى فهو من الاخوة المحترمين بجد
وبالتالى فهو لم يقصد بالتأكيد التعصب لانه ليس من شيمته
وارجو تقبل تحياتى

انا لا اقصد شيء انا اعرف ان الاستاذ حماده راجل محترم و بشوف مشاركاته في القسم و اعرف جيدا من هو بس استغربت من اجابته لاني حسيت انه قفش علي
وانا ايضا اعرف ان الجهاز جديد و عن نفسي انا من ساعت ما اشتريت الجهاز تقريبا اي سؤال موجود حتلاقي اني بحاول اساعد و اشارك في حل اي مشكله.
ولما بعرض مشكله حتي لو كنت متضايق فقصدي ان نساعد بعض وليس تقليلا من قيمة الجهاز لانه بصراحة جهاز جميل جدا و ايضا في رأيي انه احسن اختيار موجود في مصر حاليا حتي في الاجهزه التي يتعدي سعرها سعر الدريك بكثير.