[احمدبقله]

ليه يا بلد

ليه بلد الحر فيكى ليه مهان
خوفنا أتولد
بس أنتى شايفة الخير جبان
إصحى وفوقى وصحصحى
ورجعى بينا اللى كان
كرامتنا كانت كل يوم
بتزيد مكانة
والعزة وصلت للنجوم
وحقوق معانا
والحق تاه وسط الغيوم
ومفيش أمانة
ليه كل ده راح وإنقضى
بإدين جبانة

ليه يا بلد

ليه يا بلدنا الطيبين
راحوا وولوا
بإدين غريبة ومجرمين
سرقوا ما خلوا
والندل طايح فى الدروب
يسرق يخطف من الجيوب
ويعبى كله

ليه يا بلد

ليه يا بلد
العدل له مليون قرين
بالكذب والتلفيق يموت
فى بير دفين
ونظرة المظلوم
بتنده من سنين
يا مين يقوم
يكسر قيد الولد

ليه يا بلد

ليه يا بلد
حقى وحق الخلق ضاع
غيروا ملامح وشوشنا
ولبسوا هم مية قناع
مسكوها للى شبعوا
واللى عمره فى يوم ما جاع
يا خيرنا إمتى تتولد

ليه يا بلد

ليه يا بلد حريتك
بين القيود
ضاعت ملامحك
وسؤالنا تانى ملوش ردود
وأمانه هربت مننا
ملهاش وجود
وفيران كتيرة معسكرة
بين الأسود
واللى نطق فينا إتجلد

ليه يا بلد

ليه يا بلد فيكى الخسيس
واخد مكاننا
يسرق وينهب فى لحمنا
وفى حرنا مالنا
وإنتى ساكتة ما تنطقى
ودارية بحالنا
واليأس حطم حلمنا
وقصور أمالنا
والضبع عاش دور الأسد

ليه يا بلد

[نۨــٰا̍صــر ؏ــڶــۍۧ]

أخى الفاضل
هناك قسم مخصص للخواطر والاشعار

منقول للقسم المناسب

[الطحان المنيا]

أراك تتفتتين ولتاريخك تضريبين

ليهــــــ يا بلد ------

أراك تثاقين كشاه للذبح ولا تعترضين

ليهــــــــ يا بلد -------

توافقين على تثمينك مهجنه

ولهويتك تقتلين

ليهـــــ يا بلد ------

فتواكى قتل لمن قال لا

ويحرم ابنك من لفظ شهيد والديا لا

وينعم بجنتك القاتل والحر لا


هـــــل يا بلـــــــــــــــــد

لفاشيه جديده تحت عبائة الدين

تنتظريـــــــــــــــــــــــــــــن ؟

[الهدى]

ليه يابلد ولادك من الحب محرومين

فيهم الي صابر ومن همهم مهزومين

فيهم الي بكا وناح

والي مش عارف رايح على فين

باسم الدين نخرب دارنا

ونبكي لزمان كنا فيه عايشين

ليه يا بلد نرمي نفسنا للهم واحنا راضين

قولي يابلد وخدانا على فين

ارجعي لزمان مضى

ولضحكة الطفل الحزين

واحشني الامان الي كان

ولمة العيلة المتحابين

ليه ندور على الماضي

صعب والاصعب ان احنا ساكتين


والله اثرت في كلمات الي اتكتبت وشفت
المكتوب بيتطبق على كل الدول العربية

والعراق واحد منهم

ربنا يحمينا من شر العدو الي بالدين يتخبا

ام حسن