نفسى الاقى حاجة فيكى يا بلد تتحب

احمدبقله · #1 2012/08/15, 01:53 AM

نفسى الاقى

حاجة فيكى يا بلد تتحب

مش لاقى

انا المدبوح فى حبك

مع أنى مش لاقى

هو أنت عملالى عمل

ولا سحرلى

طاب ليه دايما يابلد

ساكنه فى

عقلى وقلبى وبالى

نفسى أكرهك

لانك بصراحة ما تتحبيش

نفسى أسيبك

لانك بصراحة متتعشريش

نفسى ادفنك بالحيا

زى ما دفنتينى علشان أعيش

هو أنا أبنك ولا أبن حرام

ليه يا بلد قتلانى

وكل أما اطلب حقى

يقولوا مافيش

عمرى راح فى حبك

ملعون اللى يحبك وما يلقيش

هو أنتى اية يا بلد ما بتفهميش

هو أنتى أية ما بتسمعيش

صوت عيالك فى الميدان

أعلى من صوت الاذان

هو انتى ليه دايما سايقة

الهبل على الشيطنة

وكأنك مفيش

هو أنتى لية دايما متخدرة

وكأنك شربة حشيش

أمتى هتفوقى لنفسك

على طول مدا ايدكى

للى يسوى وما يسويش

لحد أمتى هتفضلى عايشة

على المعونات والبقشيش

عيالك يغيروا العالم

أنتى لية ما بتتغيريش ؟؟؟؟؟؟؟؟؟؟؟

لا تكونى عمية ومابتشفيش؟؟؟؟؟؟؟؟؟؟

عملنا ثورة حركت الكون

وانتى لسه ما تحركتيش ؟؟؟؟؟؟؟؟؟؟؟؟؟

يا تكونى زى ما أحنا عايزين

يا ماتكونيش

مش هنفضلوا منك محرمين
وغيرنا بيهبش تهبيش

تعبت منك يا بلد وتعبتى منى

وحياتنا كلها تلطيش فى تلطيش

أنا كل اللى انا عايزه يا بلد

أنى أعيش

حسن رحمه2000 · #2 2012/08/15, 02:52 AM

ان شاء الله هاتعيش عيشه هنيه
اصبر كمان وكمان وكمان 50 مره
وبعدين اشتكى

حسن رحمه2000 · #3 2012/08/17, 01:55 AM

مكتوب منقول
الى أين

ابوكنزي · #4 2012/08/17, 03:42 AM

محسن المصرى · #5 2012/08/17, 03:59 AM

تسلم الايادى رائــــــع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سؤال مهم جدا نفسى الاقى اجابة من عباقرة مصراوى	bahy_2009	الشاشات الذكية SMART TV	4	2018/02/12 10:13 PM
نفسى الاقى ملف قنوات مخصوص	ahamdkalad	ملفات القنوات كيوماكس 999	2	2013/04/08 10:39 AM
نفسى الاقى ملف قنوات لجهاز استار سات 3100 cu الترا	محمد بسيونى	ملفات القنوات ستارسات وستاركوم	12	2012/04/20 09:30 PM
عندى جهاز كورى اسمة جالاكسى 2121 فرى نفسى الاقى لة ريموت	esaway	منتدى الريسيفرات العام	3	2011/08/27 11:11 AM
نفسي الاقي موضوع كامل يشرح الانترنت الفضائي .هولع في نفسي	ابو محمود	الأنترنت الفضائى	14	2011/06/07 06:08 PM