[halimzamalek]

اولاتحيه الى كل متواجد فى هذا الصرح الكبير وثانيا انا عندى سؤال محيرنى عايز اعرف الحل والسبب طبعا من المعروف زى ماحضرتكم علمتونا من شروط سلامة الدايود انه يعطى قراءه من ناحيه واحده وعلى هذا القياس احكم على سلامة هذا العنصر مع هذا اذهب الى موحدات مابعد الشوبر اجد انها بتقيس من النحيتين وفى نفس الوقت الدايره شغاله عال العال هنا بقى مربط الفرس ازاى وليه واشمعنى وفهمونا ياعالم( بيقيس ولا مش بيقيس)

[حسين31]

السلام عليكم
اخى الفاضل يقاس الدايود من الجهتين وهو داخل الدائره
فقط وليس كل الدايود يقاس فى كل جهتين
ولكن ان قمت برفع الدايود من الشاسيه
تجده يقيس من جهه واحده
وان قاس غير ذلك يبقا بايظ بدون كلام
وفيه سلكون يقيس من جهه واحد ويكون مسرب
وهذا عاداااا ما يكون بجوار الاين فى التلفزيون
وشكرااااااااااا

[halimzamalek]

يااخ حسين شكرا على الرد لكن ردك بعيد كل البعد عن سؤالى انا عايز اعرف ازاى الموحدات اللى قبل الشوبر وخاصة قنطرة التوحيد تعطى قراءه من اتجاه واتجاه لا وبتكون سليمه وشغاله وفنفس الداير محدات خرج الشوبر تعطى قراءه من النحيتين وايضا بتكون سليمه وشغاله فى الدايره وانا مش بتكلم على الى بره الدايره كل كلامى على داخل الدايره واعزرنى لانى فهمى تقيل حبتين

[م/محمود العطفى]

يا غالى الديود او السليكون بعد الشوبر يقيس من الطرفين

ولو عزلت رجله من البورده سيعطى قراء من طرف واحد فقط يدل على سلامته

وعلى كل حال اطمئن اغلب اعطال الدايود بعد الشوبر بتكون شورط

يعنى هتقيس يديك صفاره او 0000 على شاشه الافو تدل تماما ان الدايود تالف

اما لو عاوز تقيس الدايود صح بعد الشوبر لابد من عزل طرف من البورده

[halimzamalek]

ايوه كده ريحتنى هوده شغل المحترفين الله ينور وربنا يذيدك خلقا وعلما

[مهندس محمودعبدالحميد]

متابعه اكتر من ممتازه تسلم ايديكم اخوتى الافاضل مهندس حسين 31 ومهندس محمود العطفى