[جمعة شفرات2]

بسم الله أبدأ
حقيقة لم أجد قسم لأضع فيه هذه المشاركة غير الفضائى العام
والسبب أنى لا اشارك الا فى المنتديات الفضائية وهى كثيرة ولكن يبقى القسم الفضائى العام هو ما يحتضن اية موضوع خاص بالفضائيات والاستفسارات وكل مايتعلق بالستالايت
ولكن هذا الموضوع ليس له علاقة بالفضائيات وارجو من مسئولى المنتدى وضعه فى اى مكان يريدون
وبعد التحية
فانا للأسف أضع هذا الموضوع لاشكر مراقبى المنتدى والومهم فى نفس الوقت
والشكر بسبب أننى لدى الرقم القياسى فى عدد وقف العضوية الخاصة بى
أمااللوم فسببه الأتى
فللأسف الشديد لا يعرف أحد غيرى كم احب هذا المنتدى العظيم وطبعا الوقف يحرمنى من المشاركة فيه
ويا اخوانى المراقبين والمشرفين الافاضل أنا أريد أن تتحلوا بالصبر الذى هو من اسماء الله الحسنى
فقرار الوقف النهائى والمؤقت للعضويات قرار ليس بالسهل ولا بالهين
فهناك من الأعضاء من يجتهد وهناك من يحاول الأجتهاد وهناك من يتفرج أو يتسلى وهناك من يشارك فقط ليحصل على أنجازات المنتدى من برامج وأفكار ومواضيع ....الخ
فالتجربة فعلا مريرة وهى أن يتم وقف عضوية أحد الأعضاء الذين لا يتحملون البعد ولو ليوم واحد فقط عن موقعهم المفضل وقد عانيت كثيرا حتى تم رجوع العضوية وأصبحت أستطيع المشاركة وللأسف المنتدى لايوجد به أى وسيلة للأتصال حتى أقوم بطلب لرجوع العضوية ورفع الوقف وأنتظرت أكثر من شهر حتى أعود لموطنى الاساسى وموقعى المحبب
وأنا من هنا أطالب كل مسئول بالتريس قبل اتخاذ قرار صعب كهذا وللعلم أنا تم وقفى من قبل لاسباب لا اعلمها وهناك اسباب اعلمها ولا تستحق أن يتم وقف عضويتى بسببها ولم أذكرها الأن الا أذا طلبتم منى ذكرها
وفعلا أيها الاخوة الاعضاء فأنا حريص كل الحرص على مصلحة هذا المنتدى العظيم
فلابد أن تبدأ الاصلاحات من الان بالمنتدى
ومن ضمنها
أن تكون هناك وسيلة اتصال بين الاعضاء
أن يتم تحديث الاقسام وأضافة بعض الأقسام التى يحتاجها المنتدى فعلا
أن يتم عمل بعض الترشيحات والأوسمة والمسابقات وفعاليات لتكريم من يجتهد ويستحق
أن يتم وضع بعض القوانين التى تشجع على حرية التعبير والمشاركة بما لايتعارض مع القيم والسلوكيات
وللعلم هناك الكثير من الأصلاحات التى لايصلح موضوع واحد لذكرها وساكتفى بتلك البنود الان علما بأننى لا أقوم بوضع شروط أو اوامر أو شئ كهذا وانما هى تطلعاتى لرؤية مصراوى سات فعلا منتدى متقدم وواحة للحرية والعدل والمساواة
وللعلم فقد ترددت كثيرا قبل وضع المشاركة
ولكن أستخرت الله وقمت بوضع المشاركة فعلا
واللهم بلغت اللهم فأشهد
والسلام عليكم ورحمة الله وبركاته

[dentist mahmoud]

عود احمدُ
وفعلا انت من المجتهدين في المنتدي ده ويكفي موضوع السوفت كام اللي خدمت بيه اعضاء كتير وللأسف مكنتش منهم وبالنسبة لمقترحاتك للادارة انا شايف انك تاخد نفسك الاول انت لسة راجع من ايقاف
(حمدالله ع السلامة اشتقنا ليك يامة)

[جمعة شفرات2]

المشاركة الأصلية كتبت بواسطة dentist mahmoud

عود احمدُ
وفعلا انت من المجتهدين في المنتدي ده ويكفي موضوع السوفت كام اللي خدمت بيه اعضاء كتير وللأسف مكنتش منهم وبالنسبة لمقترحاتك للادارة انا شايف انك تاخد نفسك الاول انت لسة راجع من ايقاف
(حمدالله ع السلامة اشتقنا ليك يامة)

شكرا لك ياغالى


وخليها على الله

[المهندس / محمد هشام]

تعرف ليه ياأستاذ جمعه علشان اتعودت عليه والمنتدى محافظ على السلوكيات والحمد لله ده
حتى فى السرفر المدفوع مفيش ولا قناة إباحيه
عارفين انهم هيقفوا بين ايدين ربنا
وعلشان بيقدموا حاجه مفيده انت حبيته واتعودت عليه
وبالتالى مش قادر تستغنى عن المعلومات المفيده
والغريب انك كل مره تغلط وتكتب ايميل مره و..الخ وعاوز الاداره تعذرك ازاى
يكفى أن كل المشرفين بيقدروك وبيحبوك مش علشان حاجه علشان مواضيعك المميزه وحسن ردك وبالتالى تتكون موده بينك وبينهم
الادارة دى تمام ربنا يحرسها وتستمر على حفاظها على المنتدى
المنتدى ده فيه حاجه حلوه
حاجه حلوه منا
حاجه كل مابنشوفها بتزيد زياده
فيه نية صافيه
فيه موضوعات دافيه
وادارة المنتدى
بتوقفك برضه حاببها
بترجعك برضه حاببها
فيها حاجه بتخليك تتبت فيها سنه سنه

تحياتى لك استاذ جمعه والله بنعزك كلنا
وبنحس ان فيه حاجه ناقصه لم ما بتبقاش موجود

[ناصر الشرقاوى]

عودا حميد استاذ جمعة و يارب ما تنقطعش عننا تانى بارادتك او بغير ارادتك لك الاختيار يا باشا و يارب ترجع تانى تفيدنا بمشاركاتك الجميلة welcome back