[w_202055]

انا لسة مشترى الكارت من يومين

مش عارف اعرفها خالص

ودى صور وانا بعرفها




















المشكله فيييييييييييييييييييييييييييييييييين

يا خبراء

[XYZA]

معلش يا غالي انت جربت نسخه تانيه غير دي

[w_202055]

لا بس جربتها على لاب توب صاحبى نفس المشكله

بس احنا الاثنين وندوز سفن

[w_202055]

لو المشكله ما زالت قائمة

انا هبيعها وريح دماغى

انا لسه مشتريها من يومين 350

[XYZA]

خدها نصيحه لازم تجرب نسخه تانيه ولوسفن خليك في النسخه ال 32 بت وجرب مش هاتخسر حاجه لان بيبقي في برامج بتعمل تعارض مع بعض التعريفات ويستحسن تنزل احدث تعريفات من علي الموقع الرسمي للكارت ولو لقدر الله فضلت المشكله رجعه الشركه واستبدله بكارت داخلي pci افضل جرب صدقني وما تفضلش تلف حولين نفسك علي الفاضي وربنا يوفقك

[w_202055]

اولا انا شغال على ويندوز سفن بوت 32

لسه مجرب كارت الستلايت تيفا على ويندوز اكس بى

شغاله فله شمعة منورة

يبقى المشكلة ممكن تكون فى الويندوز

بس خايف انزل ويندوز اكس بى ما تشتغلش

ويكون البردة بتاعة الجهاز هى المشكله فيها

بس هى المفروض تشتغيل على اى ويندوز








صححححححححححححححححححححححححححححح

[XYZA]

والاب بتاع صاحبك نفس البورده . طبعا لا جربت مدخل تاني غير اللي شغال عليه . عموما خليك في مدخل مباشر مع البورده زي المداخل الخلفيه كمان لازم تعرف ان في نسخ ملعوب في اساستها ومشكله ملهاش اول من اخر كمان الفيروسات ليها دور كبير اوي في مشاكل التعريفات
صدقني طلما الكارت شغال يبقي مشكله نسخه ولو البورده زي مانت بتقول يبقي اخرها تحديث بيوس طلما المداخل بتقراء وكمان لازم تعريفات حديثه متوافقه مع النسخه

[w_202055]

بارك الله فيك اخى على المتابعة

وانا خلاص قررت انى ابيعها

انا غلطت من الاول انى اشترتها

انا عندى كذا رسيفر اتش دى وعادى

عندى ترومان 1000

ترومان بريميرا بلس 1

دريم بوكس 800 اتش دى بوت 84

دريم بوكس 500 العادى

كيوماكس الجوكر فرجن 1 القديم

كيوماكس الجوكر فرجن 2 القديم

كيوماكس الجوكر فرجن 2 الجديد

كيوماكس الجولد بوت 121

يعنى ملهاش لزمة معى

والقادم افضل

[XYZA]

اسمك ايه يا غالي

[w_202055]

اسمى محمد من الاسكندرية

واصلى من الصعيد


من قنا

[XYZA]

اخوك محمود من القاهره واصلي من الصعيد من سوهاج
وبعشق تراب البحر من رفح والعريش للسلوم واغلي واعز اصحابي او بمعني اصح اخواتي من اسكندريه
روق يا عم حتت كارت يعمل فيك كده خليك وراه لحد ما تشغله وما تيأس بسرعه كده والله كل ده علشان نتعلم
تصدق بالله من حوالي 3 او4 شهور ما كنتش اعرف حتي شكل كارت الدش وحظي واقعني في كارت توينهان 1027 عفرتني بس علي مين فضلت واره لحد ما ادبته او ما افتح الجهاز يقولي ازيك يا عمي محمود بجد والله فضلت وراه لحد ما شغلته واستفدت منه لاقصي حد بفضل ربنا والاخوه المشرفين وشويه تعب مني يعني شويه هنا وشويه هنا وده تنفع وده لا كدا يعني شويه صبر من الاخر

[w_202055]

الصبر مفتاح الفرج

[XYZA]

المشاركة الأصلية كتبت بواسطة w_202055

الصبر مفتاح الفرج

ايوه ياعم دانت حتي زمالكاوي يعني المفروض تكون ايوب اوعي تزعل بهزر معاك

[w_202055]

ياعم حرام عليك

ما تفكرنيش بالزمالك

لازم يعنى تعكنن الواحد

القادم افضل

يا زمالك

واللى خايف يروح

[XYZA]

المشاركة الأصلية كتبت بواسطة w_202055

ياعم حرام عليك

ما تفكرنيش بالزمالك

لازم يعنى تعكنن الواحد

القادم افضل

يا زمالك

واللى خايف يروح

قادم ايه بس ديه شكلها مفهاش كره تاني في مصر . منهم لله دمره الحاجه الوحيده اللي كانت بتجمعنا