[SEMSEMNET]

مشكلة كهرباء فى ريسيفر praxis

فيه شخص كان بيصلحوا وطلب فلوس كتير فيه وانا بصراحه مش بثق فيه واللى فى الرسيفر انه مش بينطق بور خالص واللى فهمته لما فتحته وفتحت رسيفر عادى تانى لاقيت ان الكارت اللى بيوصله الكهربا متشال من مكانه والكلبسات اللى بتركب فيه موجوده من غير توصيل وجاهزه واتمنى تساعدونى
منين اجيب الكارت او الدايره بتاع الكهربه دى وهل اى دايره تركب عليه ؟؟

[ضياءقمصان]

منقول للافاده

[مجدى ابوعطا]

الدايره متوفره فى السوق

وهتلاقى على الدايره فى الخرج مكتوب خروجات الباور

وعلى الرسيفر قصاد كل سلكه مكتوب الفولت المطلوب
خد خط السلك ووصله فى المكان الصحيح بس خلى بالك من تركيب طرف مكان طرف تانى هيعملك مشكله اكبر طبعا

[مهندس محمودعبدالحميد]

ارفع صوره واضحه يا غالى لبورد الرسيفر الكبيره او انتظر احد الاخوه يكون عنده نفس جهازك ليقوم بمساعدتك ويا ريت لو تشوف فيه فولتيات مكتوبه على البورده الكبيره ام لا وان كان مكتوب يبقى ما فيش مشكله

[SEMSEMNET]

الكهرباء مكتوي عليها

9-250v
50/60hz 30w


وانا رفعت بعض الصور للبورده من جوه وواتمنى تساعدنى ياريت

[ابوosama]

لو تقدر تنفذ كما قال اخى مجدى

[مهندس محمودعبدالحميد]

تمام اخى ابو اسامه ولو امكن فك البورده لان من الممكن تكون الفولتيات موجوده اسفل وان كانت غير مكتوبه فرجاء من صاحب الموضوع تحديد كام ارضى فى السوكيت وان شاء الله احنا هنقوم بالباقى لان المشكله بسيطه وهى انه يتم توصيل 3.3 فولت الى الريجوليتر و24 الى ترانزوستر الاشاره lm 317 و12 فولت الى الصوت والصوره و5 فولت لتغذيه الفرونت بانل وطبعا الارضى معروف

[SEMSEMNET]

يسلموا أخوانى الغاليين والله انك كبير أخى المهندس محمود ... انا روحت لواحد عنده الكارت بس محتاج شوية تعديلات والفولتيات مكتوبه فى البورده لكن ما اتأكدش منها
المهم انا اعطيه كام فلوس فى الكارت ده
وسؤال تانى لو الكارت ما اتعدلش ممكن يأثر على الإشاره لأن الأخ اللى كان صلحوا الأول بعد ما صلحوا وقفت الإشاره
فهل العيب ده من عدم تعديل كارت الكهربة او من خطأ فى توصيل الأسلاك

[مهندس محمودعبدالحميد]

ممكن يا غالى يكون عيب فى توصيل الاسلاك يعنى مثلا هو مش موصل خط تغذيه الاشاره نهائى او ممكن يكون موصله فولت واطى عن الفولت المطلوب

[ABo 3AHD]

انصحك اخي التوجه الي فني لان لو خط ركب مكان خط تاني ممكن تضرب اي حاجه في البورده الرئيسه ....وفقدان الاشاره من البور والخطوط الخاصه بيهم 30..22 ..واحيانا 5
عشان كده مركز صيانه افضل ليك والله المستعان

[م/محمود العطفى]

الله ينور اخى ابو عهد

[SEMSEMNET]

يسلموا يا باشا أبو عهد واخى المهندس محمود

[ابوosama]

منور المنتدى ابوعهد

[ABo 3AHD]

بنورك يا حبيبي يارب تكون بخير دايما

[م ربيع الجادورى]

متابعه ممتازه كان نفسى نشارك لقيت صديقى محمود عامل الوجب كله وماسبش ولا حاجه غير انى انا نقوله الله ينور يابو حنفى