[fady helmy]

2012-10-23

أعلنت قناة الفراعين على حسابها الرسمى على موقع التواصل الاجتماعى "تويتر" أن إرسال القناة سيعود اليوم الثلاثاء، على شبكة الإنترنت لحين عودة إرسال القناة على القمر الصناعى المصرى نايل سات، وتحدى الإعلامى توفيق عكاشة المذيع الرئيسى بالقناة جماعة الإخوان المسلمين التى يتهمها بالوقوف وراء غلق قناته مؤقتاً وكذلك شركة النايل سات.

وقالت الفراعين فى تغريدة: " إلى محبى توفيق عكاشة شاهدوه غدا على الإنترنت"، وأضافت فى تغريدة أخرى "انتظرونا غداً وحلقة جديدة من مصر اليوم مع توفيق عكاشة.. حصرياً على قناتنا الرسمية على يوتيوب.

وردد توفيق عكاشة أمس أن وزير الإعلام صلاح عبد المقصود أصدر تعليمات للشركة المصرية للأقمار الصناعية (نايل سات) التابعة لوزارة الإعلام، بغلق القناة وتعطيل عودة بثها مرة أخرى على القمر المصرى تنفيذاً لتعليمات صادرة من جماعة الإخوان المسلمين.

اليوم السابع

[waleedlove]

برده ادارة الانترنت مش هتوافق

[sasa 3ud]

بلا توفيق عكاشه بلا بتاع

مرسي حبيبنا
الاخوان ناس طيبة
خلال 100 يوم
حسينا بالفرق
كل حاجة رخصت النصف
الاجرة رخصت ونتوا عرفين
معتش زبالة خالص
رئيس الدنيا كلها بتحترموا
رئيس ديمقراطي جدا
جماعة الاخوان الراي والراي الاخر
الوعود الي قال عليها حصلت
مش بيقل قنوات زي مانتوا عرفين
مش بيشيلوا رئيس تحرير زي النظام السابق
منتهي الديمقراطية
مع الرئيس مرسي
الجاي احلي

[مايكل2006]

is it a joke

[merotec_171980]

انتو عايشين فى وهم اسمة الاخوان المتخلفين

[saadsaead]

المشاركة الأصلية كتبت بواسطة merotec_171980

انتو عايشين فى وهم اسمة الاخوان المتخلفين

فين الادارة عيب الغلط

[ntfadal]

عيب عليك انت انت بتصلى الفجر زى الرءيس ولا هوة فين الوعود اللى انت انتخبت الاخوان اليهود عليها عيب عليكم امثالكم ود البلد فى داهيةكل 100 يوم وانتم طيبين عقبال قرض البنك وعقبال الديون اللى جاية والمضحك دستور العظيم والله لوطفل فى المدرسة ابتداءى ليكتبة احسن من اللى بيقلو ويشربو فى المجلس كل يوم الستو توصل تكلفتة وليون عيب عليكم يا متخلفيب

[ntfadal]

عيب عليك انت انت بتصلى الفجر زى الرءيس ولا هوة فين الوعود اللى انت انتخبت الاخوان اليهود عليها عيب عليكم امثالكم ود البلد فى داهيةكل 100 يوم وانتم طيبين عقبال قرض البنك وعقبال الديون اللى جاية والمضحك دستور العظيم والله لوطفل فى المدرسة ابتداءى ليكتبة احسن من اللى بيقلو ويشربو فى المجلس كل يوم توصل تكلفتة وليون عيب عليكم يا متخلفيب

[shoshet]

المشاركة الأصلية كتبت بواسطة sasa 3ud

بلا توفيق عكاشه بلا بتاع

مرسي حبيبنا
الاخوان ناس طيبة
خلال 100 يوم
حسينا بالفرق
كل حاجة رخصت النصف
الاجرة رخصت ونتوا عرفين
معتش زبالة خالص
رئيس الدنيا كلها بتحترموا
رئيس ديمقراطي جدا
جماعة الاخوان الراي والراي الاخر
الوعود الي قال عليها حصلت
مش بيقل قنوات زي مانتوا عرفين
مش بيشيلوا رئيس تحرير زي النظام السابق
منتهي الديمقراطية
مع الرئيس مرسي
الجاي احلي

انت كلامك صح و10%10
بس فى غزة مش هنا انت اكيد عايش فى غزة
ياريت تيجى تزور بلدك التانية مصر
كان نفسى اقولك نضايفك زى زمان بس منين

[محمدالر]

نشكر الاخوان انهم انجبو مرسي رئيس عنده دين ومحترم ولا انتو عايزين واحد حرامي تاني ربنا يحفظ مصر من عكاشه واعوانه

[طارق نعيم]

مين عكاشه ده اللى عايز يعرفه يتفرج عليه فى برنامج الحكم بعد المزاوله ياريت نفكر صح وبلاش الاندفاع ونردد كلام وخلاص شكرا

[عا شو ر]

عمل رائع مشكوررررررررررررررررررررررررررر

[الصنقرى]

يا جماعة يا جماعة ايش فهمكم انتم
الرئيس محمد مرسى حافظه الله ما ينفعش نطعن فيه للاسباب الاتية:

1- بالنسبة للقرض من البنك الدولى مين قال ان القروض من البنوك حرام وبعدين نفترض انه حرام يعنى برضك الضروراة تبيح المحظورات

2- بالنسبة للديمقراطية والحرية ايه يعنى الرئيس مرسى والحكومة يقفل قناة ويشيل رئيس تحرير عشان كتب خبر ولا اكمن يعنى حسنى مبارك فى 30سنة ما قفلش جريدة ولا قناة ده لانه غير منتخب انما الرئيس مرسى رئيس منتخب

4- ايه المشكلة لما الدكتور مرسى يقرر انه الحد الاقصى لا ستخدام كل اسره من انابيب البوتجاز 3 انبيب كل شهرين ده الرسول قال انه لم تكن توقد النار فى بيته الال كل اسبوع مرة واحدة<<< سنة يا اخوان سنة>>>

5- ايه المشكلة لم رئيس الوزارة يقول البسوا قطونيل ايه المشكلة ما احنا لبسينه من زمن يعنى احنا لسه مالبسناش عالم غريبة فعلا

5-ايه المشكلة يعنى لما مايكونش فى بنزين ولا سولار ده حتى بيعمل احتباس حرارى وبعدين عشان نحل مشكلة المروار عشان العربيات اللى تمشى تكون شوية افهموها بقى

6- واحد يفهمنى هو زعلان ليه لما الكهربة تقطع ايه المشكلة الحكومة خايف عليك يا خوية عارفة انك قاعد على الكمبيوتر ليل نهار وفى الاخر تيجى تقول عنى باظت الحكومة الوعية هى اللى تحل المشكلة قبل ما تحصل قطعوا النور عشان ما تقعد قدام النت وعنيك تبوظ مش محتاجة فكاكة يعنى

7- واحد زعلان انه الدستور مش توافقى يا عم الحج لما تكسب الانتخابات ابقى اعمل انت الدستو ومحدش حا يقولك حاجة هى دى الديموقراطي يا جماعة

8- واحد بقى ما بيفهمش حاجة فى السياسة ويقول ليه مرسى يبعت رسالة لاسرائيل ويشكرهم ويدعيلهم فيه بالرخاء والنموا ولالزدهار ويقول انه صديق اسرائل الوفى ويقول لبيراز اللى عمل قان وبحر البقر وصبرا وشاتيلة صديق العزيز بيريز ايه المشكلة اصلك مش فاهم مرسى بي نيمة وحا يخدهم على خوانة ويحرار القدس شوفت بقى اديك ظلمته

وفى الاخر الرئيس محمد مرسى والاخوان مش حا تقدر تشيلهم سؤا بمظاهرات او انتخابات لانه ببسطة هم حا يسبوكوا تتسلوا

[Mohamed_87]

المشاركة الأصلية كتبت بواسطة sasa 3ud

بلا توفيق عكاشه بلا بتاع

مرسي حبيبنا
الاخوان ناس طيبة
خلال 100 يوم
حسينا بالفرق
كل حاجة رخصت النصف
الاجرة رخصت ونتوا عرفين
معتش زبالة خالص
رئيس الدنيا كلها بتحترموا
رئيس ديمقراطي جدا
جماعة الاخوان الراي والراي الاخر
الوعود الي قال عليها حصلت
مش بيقل قنوات زي مانتوا عرفين
مش بيشيلوا رئيس تحرير زي النظام السابق
منتهي الديمقراطية
مع الرئيس مرسي
الجاي احلي

[محمد عبد الحكيم]

المشاركة الأصلية كتبت بواسطة shoshet

انت كلامك صح و10%10
بس فى غزة مش هنا انت اكيد عايش فى غزة
ياريت تيجى تزور بلدك التانية مصر
كان نفسى اقولك نضايفك زى زمان بس منين

زي زمان ازاي يا نجم زي عهد مبارك قصده بصراحه احنا ملناش الطيب والله الراجل اللي كان حابس اخواننا والشيوخ امن الدوله والفقر ربنا يوفقك يا دكتور مرسي مع العلم انا مش اخوان بس اخويا اتحبس في امن الدوله ظلم علشان اعتكف العشر الاواخر بس اللي محسش بالظلم يقول اي كلام وخلاص