[samiro14]

عندى تليفزيون 21 بوصة nec لمبة البور مش قدارة تنور بتنور نص نور كده كانت من فترة بتغيب على متنور واقدر اشغلة من الريموت دلوقتىبتنور نور باهت كده ومش عارف اشغل التليفزيون ياترى ايه المسؤل عن كده وبالتفصيل لانى عاوز احل العيب ده لوحدى لانى مش متخصص وشكرا واسف على الاطالة

[مصطفى المصرى]

اخى لو مش متخصص انصحك بالذهاب لاقرب مركز صيانه لسلامتك وسلامه الجهاز
ولكن لو عايز تجازف موضوعك فى دائره البور سواء الدخول او الخروج ما بعد الشوبر

[samiro14]

اولا شكرا لرد حضرتك ثانيا انا مش متخصص بس حابب اخوض التجربة ياريت حضرتك او اى حد يوضح لى ازاى اغير دائرة البور

[مهندس محمودعبدالحميد]

بص يا غالى وصفك للعطل يوضح ان المشكله بسيطه جدا وهى تلف احد مكثفات دائره البور ولو تعرف تغيرهم يبقى تمام ولو متعرفش يبقى زى ما قال الاخ مصطفى تروح بالجهاز الى اقرب فنى او مركز صيانه

[احمد سمير]

المشاركة الأصلية كتبت بواسطة مهندس محمودعبدالحميد

بص يا غالى وصفك للعطل يوضح ان المشكله بسيطه جدا وهى تلف احد مكثفات دائره البور ولو تعرف تغيرهم يبقى تمام ولو متعرفش يبقى زى ما قال الاخ مصطفى تروح بالجهاز الى اقرب فنى او مركز صيانه

ردك تمام اخى محمود
ولكن من متابعتى لمشكلة الاخ
فبالتأكيد مينفعش يخوض التجربه ويبدأها بعطل فى البور
هتحصل مشكله معاه فى إحدى الخطواط التاليه
1 = ممكن تحصله مشكله نتيجة صاعقه كهربيه من البور
وأنت تعرف بأن هذا العطل
ممكن يخلف معاه تخزين فولت عالى بدائرة البور
وبالخصوص فى المكثف الكبير حتى ولو الجهاز مفصول من التيار
2= ممكن أيضا نتيجة أى صاعقه كهربائيه بأن تسحب يداك بسرعه
وفى اى اتجاه ممكن يصادف هذا الاتجاه زور الشاشه
وينتج عن ذلك مشكله وهى كسر الشاشه
3= حتى ولو تفادى المشكلتين السابقتين ممكن العطل يزداد
أخى لابد من عرض جهازك على فنى مختص
وهذا افضل بكتير حفاظا على نفسك وعلى الجهاز