[mickmar]

انا شغال نت من وصله عاديه من مركز بتاع نت عادي ب40 جنيه في الشهر والنت مش كويس
انا مش بستهلك كتير يعني ممكن افتح اشعار في الفيس ياخد 15 ثانيه علي مايفتح وشغال شيرنج برسيفر كيوماكس بس الرسيفر معروف مابيسحبش النت ومع ذالك اقيس النت عن طرق برنامج فاست بيديني من 100 الي 330 كيلوبايت في اوقات مختلفه وطبعا برامج اللي زي الامبراطوريه وهين بتقطع علي اقل جوده
المهم نويت اجيب رسيفر فيه **** واشترك في نت لوحدي ودورت في كل الشبكات لاقيت اسعار 1 ميجا زي بعض
بس 2 ميجا اسعار مختلفه لاقيت في اتصالات ارخص واحد ب125 جنيه وبيدي 120 جيجا وسعره قريب من واحد ميجا ...
حبيت اخد رايكم في اتصالات كويسه ولا لا؟؟
واخد 1 ميجا ولا 2 ميجا؟؟
ولو خت 2 ميجا اخدها لوحدي ولا ادخل حد من الجيران معايا؟؟
وهل خط 1 ميجا لو خدته بعد كده في موقع فاست هيديني 1 ميجا ولا يديني سرعات ضعيفه ذي النت اللي واخده دلوقتي لان فرق سعر كبير من 40جنيه و108 او حتي 125 ؟؟
شكراااااا جزيلا

[mickmar]

ايه محدش مشترك في اتصالات؟؟

[zezo prince]

انصحك بشركة تى داتا
شركات النت الاخرى زى فوادفون واتصالات بقو شركات ضعيفة جدا فى الخدمة بعد تعاون المصرية للاتصالات مع تى داتا يعنى من الاخر النت كله مع تى داتا والشركات التانية هتلاقى فيها مشاكل سواء طول مدة تركيب الخدمة بتاخد حوالى 3 اسابيع او شهر مقارنة بتى داتا بتاخد من 3 لـ 4 ايام فقط وثانيا سوء الخدمة وضعف السرعة عند الاخرين مقارنة بتى داتا
ممكن تشترك فى ميجا بلس فى تى داتا باقة 100 جيجا والسرعة بتوصل ل 16 ميجا ب 182 جنية
لان سرعات 1 ميجا مش هتنساب خاصية ****

[3m.Ahmed]

مشترك 2 ميجا اتصالات من سنة و نص و شغالة تمام
السرعة في الاختبارات 1.8 ميجا

ال2 ميجا افضل لو بتعمل داونولود و **** و ان كان في ******* بتبث بجودة تحتاج 4 ميجا و طالع .. اسئل اذا كان 2 ميجا كافية للسيرفر اللي حيكون معاك

بالنسبة لمشاركة النت مع الجيران:
علي حسب استخدامهم ممكن يسبب لك تقطيع في **** و الشيرينج
و تبقي في نفس الحالة اللي انت عليها دلوقت
قرر بنفسك التكلفة ام عدم التقطيع اهم بالنسبة لك
بعض الراوترات فيها تقسيم سرعة بس مش حيكون بكفاءة سرفرات شركات النت في الاستجابة و دي تبدأ من 300 لحد حوالي 3000 علي حسب الماركة و الموديل

[3m.Ahmed]

ميجا بلس من تي اي داتا انسب لل **** بشرط ان خطك و السنترال يكونوا حالتهم كويسة
زي ما قال اخونا zezo prince
لان في ناس اشتركت و بعدين ماشافوش 16 ميجا دي ابدا .. بتكون السرعة عندهم مابين 4-8 ميجا

[zezo prince]

المشاركة الأصلية كتبت بواسطة 3m.Ahmed

ميجا بلس من تي اي داتا انسب لل **** بشرط ان خطك و السنترال يكونوا حالتهم كويسة
زي ما قال اخونا zezo prince
لان في ناس اشتركت و بعدين ماشافوش 16 ميجا دي ابدا .. بتكون السرعة عندهم مابين 4-8 ميجا

تمام
عليه اولا اختبار خطه عشان يعرف الخط يستحمل قد ايه

[mickmar]

شكرا لكم جميعا
بس اختبر الخط اذاي؟ ؟

[zezo prince]

المشاركة الأصلية كتبت بواسطة mickmar

شكرا لكم جميعا
بس اختبر الخط اذاي؟ ؟

انت تتصل بخدمة العملاء بتاعت المصرية للاتصالات على رقم 111 وتقولهم عايز اعرف خطى يستحمل سرعة قد ايه فى نظام ميجا بلس

[mickmar]

المشاركة الأصلية كتبت بواسطة zezo prince

انت تتصل بخدمة العملاء بتاعت المصرية للاتصالات على رقم 111 وتقولهم عايز اعرف خطى يستحمل سرعة قد ايه فى نظام ميجا بلس

شكرااااا جزيلا

[usama hassan]

بارك الله فيك اخى الغالى