[SAT.SAT]

معلش للعنوان ارجو شرح قياس دايرة البور بالافو هل لازم الارضى يلمس جسم الرسيفر عادى وبعدين قياس الفولت ولا ازاى بس ياريت بالصورة

[مهندس محمودعبدالحميد]

كل ما تريد انه تتعلمه يا غالى موجود فى المثبتات

[SAT.SAT]

يااخى شكرا بس لو امكن يعنى اثنا القياس الارضى فى جسم الرسيفر

[مهندس محمودعبدالحميد]

وضح يا غالى حضرتك تقصد ايه وانا اتابع معاك

[SAT.SAT]

اصلاح البور لو عاوز اعرف اذا كان فى فولت ولا لا قياس الفولت بالافو الارضى بتاع الافو فى جسم الرسيفر والموجب فى الفولت ولا الارضى فى ارضى ا لفولت للرسيفر والموجب فى الكهربة

[مهندس محمودعبدالحميد]

بص يا غالى عشان تقيس الفولت يبقى لابد من ان يكون الجهاز متصل بالكهربا وتظبط جهاز القياس الخاص بك على وضع dc وبعد كدا تحط السلك الاسمر او الارضى بتاع الافوميتر على جسم الرسيفر يعنى الارضى وتحط السلك الاحمر بتاع الافوميتر على الفولتيات اللى انت عايز تقيسها ولكن لابد من تحكمك فى مستوى القياس على وضع dc بمعنى انك هتقيس فولت 30 يبقى تظبط الافوميتر على dc 200

[SAT.SAT]

الف شكرا كدة وصلت المعلومة معلش سوال 220 ازاى قياسة

[مهندس محمودعبدالحميد]

تقصد 220 ثابت ولا متردد يعنى dc ولا ac

[رضا ابو سمر]

متابعه ممتازه أخي
محمود عبد الحميد
ياريت تطمني عليك
يا غالي

[مهندس محمودعبدالحميد]

المشاركة الأصلية كتبت بواسطة رضا ابو سمر

متابعه ممتازه أخي
محمود عبد الحميد
ياريت تطمني عليك
يا غالي

تسلم ايدك اخى رضا والقسم منور بوجودك فيه يا غالى والحمد لله انا بخير وسلام

[م/محمود العطفى]

المشاركة الأصلية كتبت بواسطة مهندس محمودعبدالحميد

تقصد 220 ثابت ولا متردد يعنى dc ولا ac

220 متردد ac

لا يوجد 220 dc

المكثف الكبير لو عليه 220dc يبقى تالف

انما من 270 الى 310 dc


والاخ الكريم ال 220 ac تيار الدخل

لابد من ظبط الافو ميتر على تيار متردد ac 1000

[مهندس محمودعبدالحميد]

المشاركة الأصلية كتبت بواسطة م/محمود العطفى

220 متردد ac

لا يوجد 220 dc

المكثف الكبير لو عليه 220dc يبقى تالف

انما من 270 الى 310 dc


والاخ الكريم ال 220 ac تيار الدخل

لابد من ظبط الافو ميتر على تيار متردد ac 1000

يا ريت يا استاذ محمود تشوف عنوان الموضوع كويس وتلاحظ ان السائل بيقول عايز اتعلم ودى طريقتى الشخصيه فى البدايه مع المبتدأين اما اللى حضرتك وضحته دا فللاسف انا عارفه من 20 سنه يعنى مش محتاج انك تعرفهونى دلوقتى

والبعدين مين قالك انه مفيش 220dc لا يا غالى فيه بس مش شرط يكون فى الرسيفر وممكن يكون فى التليفزيونات دا لو حضرتك يا استاذ محمود بتشتغل فى التليفزيونات

[احمد سمير]

موضوع لابد من متابعته جيدا يا أخى
ولا تخاطر بفحص التيار المتردد إلا إذا كنت تجيد
التعامل مع الأفوميتر
ولذلك فلابد من متابعة جميع الشروحات اللى فى المثبت
لأننا مهما ردينا عليك باللى انته عاوزه
فهذا الرد يكون بنسبة 1% من علم الالكترونيات
فياريت تتابع من المثبت
وتحاول تشوف اى فنى صيانه يكون موثوق فيه
وتقعد معاه حتى ولو ساعتين يوميا وتشوفه وهو بيفحص
المقاومه والترنزستور وفولتيات البور المتردد والمستمر
وأشياء كتير تخص علم الصيانه والالكترونيات يا اخى
لكن بهذا الوضع
طبعا مستحيل جدا يا أخى
ولكنى أرى فيك إنك عاوز تكون فنى وهذا اهم شىء
كل الشكر للمتابعه الممتازه
من الغالى والحبيب
م / محمود عبد الحميد
وربنا يجعله فى ميزان حسناته

[احمد سمير]

المشاركة الأصلية كتبت بواسطة مهندس محمودعبدالحميد

يا ريت يا استاذ محمود تشوف عنوان الموضوع كويس وتلاحظ ان السائل بيقول عايز اتعلم ودى طريقتى الشخصيه فى البدايه مع المبتدأين اما اللى حضرتك وضحته دا فللاسف انا عارفه من 20 سنه يعنى مش محتاج انك تعرفهونى دلوقتى

والبعدين مين قالك انه مفيش 220dc لا يا غالى فيه بس مش شرط يكون فى الرسيفر وممكن يكون فى التليفزيونات دا لو حضرتك يا استاذ محمود بتشتغل فى التليفزيونات

صلى على النبى يابشمهندس محمود
كل واحد منا بيحاول يخدم بطريقته الخاصه
وبيحاول يوصل المعلومه لطالبى المعلومه
وأيضا بطريقته الخاصه
أما الأستاذ / محمود العطفى
فهو أخ عزيز لنا جميعا وأيضا مقبول منه أى كلام يقوله
وإنته عارف طبعا أنه أخ عزيز لنا ويسعدنا كثيرا مداخلته معنا
لأنه وكما ذكرت من الإخوه الاعزاء الذى
لايمكن الاستغناء عنهم
فعلشان خاطرى يابشمهندس محمود عبد الحميد
محمود العطفى أخ لسمير هانى
وأنت تعرف أنك أخ لى أيضا
وأنا قولتلك علشان خاطرى
وأنا عارف معزتى عندك كويس
الله يبارك فيك يا اخى

[م ربيع الجادورى]

اختلاف فى الرأى لايفسد للود قضيه