[يوسف ماضى]

اعلان رقم 1 لسنة 2014 وزارة العدل المصرية منشور بجريدة الاهرام يوم 13 مارس تعلن عن وظائف خالية فى المحاكم الابتدائية من حملة المؤهلات العليا والدبلومات والمؤهل فوق المتوسط وايضا حاملى الإبتدائية او الاعدادية او شهادة محو الامية ، وستكون الوظائف الخالية للتعيين فى الدرجة الثالثة ( المؤهلات العليا ) ، كاتب درجة رابعة ( المؤهل المتوسط وفوق المتوسط ) حرفيين ( لمن لديه محو أمية او إبتدائية او إعدادية ) ، وسنشرح لكل مصرى شاب يجد من هذه الفرصة حلمه فى التعيين بوزارة العدل أو أى مصلحة حكومية .

1- الذهاب إلى مقر أى محكمة ابتدائية لطلب نموذج تعيين بوزارة العدل ويصرف مجانا ، او الدخول الى موقع وزارة العدل http://www.jp.gov.eg وتقوم بطباعة نموذج التوظيف .

2- بعد الحصول على ورقة التعيين تملأ كافة البيانات الموجودة وتقوم بتصوير بعض المستندات المطلوبة وهى كالتالى 1- صورة شهادة المؤهل 2- صورة بطاقة الرقم القومى 3- صورة أداء الخدمة العسكرية من التجنيد بالنسبة للرجال اما بخصوص السيدات صورة أداء الخدمة العامة 4- صورة شهادة الميلاد 5 – صورة من صحيفة الحالة الجنائية .

3- ايصال دفع بمبلغ عشرين جنيها الى بنك القاهرة الى حساب وزارة العدل الظاهر فى صورة الإعلان المنشور بأسفل الموضوع ، اما أسر الشهداء معفيين من دفع هذا المبلغ .

4- بعد تجهيز كافة هذه الأوراق يتم إرسالها إلى مكتب بريد مصرى على عنوان المحكمة الابتدائية القريبة من محل إقامتك .

[يوسف ماضى]

بالتوفيق ان شاء الله لكل شباب مصر الاعلان دة نزل فى جريدة الاهرام 13 مارس

[احمدسيدعباس]

بارك الله فيك

[حمادة ونور]

وبرضه فى الاخر مش هيتعين غير اللى ليه واسطة

[يوسف ماضى]

المشاركة الأصلية كتبت بواسطة حمادة ونور

وبرضه فى الاخر مش هيتعين غير اللى ليه واسطة

اعمل اللى عليك وسيب الباقى على الله قدم ويمكن ربنا يجعلك نصيب

[يوسف ماضى]

http://im65.gulfup.com/SDdrg.jpg

[يوسف ماضى]

المشاركة الأصلية كتبت بواسطة يوسف ماضى

http://im65.gulfup.com/SDdrg.jpg

دة طلب التقديم

[عبدالرحمن عامر]

فين الموقع بتاع التسجيل يا جمااعه
وانا ملاحظ ان من سنه 95 لغايت 2013 محدش اتعين في الحكوماات
يعني من الاخر عايز واسطه عشااان نشتغل
ونرجع ونقولي اللي يمشي واري الحكوماات مش هيكسب وهيخسر دايما

[مرسليو]

لازم يكون فيه وسطه المهم اعمل اللي علي والباقي علي ربنا يمكن المره دي يكونو صدقين

[يوسف ماضى]

المشاركة الأصلية كتبت بواسطة مرسليو

لازم يكون فيه وسطه المهم اعمل اللي علي والباقي علي ربنا يمكن المره دي يكونو صدقين

تمام كلامك يا اخ مرسيلو

[w_elashmawy]

هل هذة المشاركة في مكانها حيث انها ليس لها صلة بالترددات

[racko2007]

شوفو يا اخونا المهم فى الموضوع 20 جنية والله العظيم الغلبان مش لاقى حتى 20 مليم هي كل حاجة با الفلوس امتة بقى هنحس ان الفلوس مالهاش قيمه يا جماعة ارحمونا من ادفع ادفع مرة واحدة لله

[samoraaa123]

والله الي هيقدم مش هيخسر شئ بس انا اعتقد انه حوار لم فلوس من الناس للدوله تمن الفييش 15وال20 جنيه الي مع التقديم

[ابو شاهين]

المشاركة الأصلية كتبت بواسطة عبدالرحمن عامر

فين الموقع بتاع التسجيل يا جمااعه
وانا ملاحظ ان من سنه 95 لغايت 2013 محدش اتعين في الحكوماات
يعني من الاخر عايز واسطه عشااان نشتغل
ونرجع ونقولي اللي يمشي واري الحكوماات مش هيكسب وهيخسر دايما

انا دفعة 1988 ولم اعين

[محمدالشال]