[قمر الزمان]

انا عاوز اشترى كيوماكس 999 جوكر HD فيرجن 2.2
كنت عاوز اعرف الجهاز ده كويس ولا لاء وسعره كام. ولو فيه احسن منه يا ريت تقولولى عليه .وشكرا

[aymanbakr]

بلاش الجهاز دة احسن لانة تقيل جداااا ومشكله كتير عن تجربة وفية احسن منة كتير ممكن حد يفيدك باسماء وانواع كويسة

[slhshlby]

والله النوع دا كويس وله تعديلات
ومعظم أنواع الأجهزة لها مشاكل ومفيش جهاز 100%
لا تخف !!

[قمر الزمان]

اشكركم جدا ع الرد .بس انا كده احترت اكتر يا جماعه . ياريت حد يقدر يساعدنى بسرعه لانى محتاج اشتريه دلوقتى .علشان ماتشات الاهلى الجايه ..

[ashraf mbn]

على قد سعره فهو جيد يا اخى
وعيبه الوحيد عايز استعمل جيد لانه كتير التهنج
بس ******* ممتاز فى فتح القنوات المشفرة
ولك حريه الشراء

[scorpion wins]

زى ما تفضل اخى اشرف وقال لك اخى ان الجهاز مشكلته فى التهنيج فقط ولحل هذه المشكله يمكنك ان تحذف القنوات الى ملهاش لازمه اما فى اتصاله بالسيرفر فهو ممتاز جداً فى ادائه ولك حرية الاختيار ولا يوجد جهاز بدون مشاكل

[قمر الزمان]

طب ممكن تقولولى اجيب ايه .ويكون عن تجربه.

[sameh1968]

احمدو ربنا يا جماعه انا حصل معايا اسوا مما تحكوا عنه انا قطع معايا اشاره بعد شهرين من شراءه صراحه كان شغال كويس المهم فكرتها حاجه بسيطه واخدته لورشه عندنا في المنصوره قالي الجهاز محتاج تيونر ولا يوجد عنده المهم كلمت توكيل عبدالعال في اسكندريه واخبرتهم اني فكيت الجهاز ينفع اجيبه في الضمان ردت علي الاخت المسئوله وقالتلي هاته المهم عندنا يكون معداش عليه سنه وروحتلهم بيه من المنصوره للاسكندريه استلموه مني واعطوني وصل وقالولي اتصل بعد اسبوع المهم فضلت اتابعهم حتي مر 3 اسابيع كنت بكلمهم شبه يومي وفي الاخر قالولي الجهاز ملعوب فيه والبورده معدتش هتنفع طب ماشي مفيش حل ولو بالفلوس قالتلي اسالك المهندس راحت سالته وجات قالتلي هياخد مائة جنيه وافقت بدون تردد لانني شاريه بخمسمائة وعشرون جنيه قالتلي خلاص كلمنا بعد يومين اتصلت بعد يومين ردت عليه اخت لا اعرف اذا كانت الاولي ولا واحده تانية واعادت الكلام الاول تاني انه مش نافع وعايز برده ومش موجوده كمان اخبرتها علي الحوار الذى حدث منذ يومين انكرت نهائيا هذا الكلام وطلعتني كداب وكان ناقص تشتمني طبعا الكلام دا بقوله لكم وياريت يوصل للحاج صلاح عبدالعال الوكيل المهم سافرت تاني للاسكندريه وحاولت معاهم يصلحوه خرج لي فني اسمه محمد وقال انهم هيجيلهم البرده عن قريب وابقي اتصل عليهم اسال واخدت جهازي وذهبت الي المنصوره مره اخري بعد مصاريف اكتر من مائة جنيه مواصلات واجازه يومين من شغلي وروحت اجر خيبة الامل في هذا الكيوماكس ورميته في البيت الي وقتنا هذاوياريت يا اخوه يا فنيين اللي فيكم يعرف يساعدني لحل مشكلة الجهاز واستعادته للحياه مره اخري يرد علي وانا اكون شاكر جدا